NEWS | 2023/01/19 | LKRO
KIDAPAWAN CITY (Enero 19, 2023) β DINADAYO na ngayon ng mga tourist ang isa sa mga pinkabagong resort sa Kidapawan City. Ito ang CARMS-VILLA RESORT na matatagpuan sa Purok 7, Brgy. Nuangan, Kidapawan City na pagmamay-ari ng mag-asawang sina Jonathan C. Gabo at Carmelina P. Gabo.Matatagpuan sa naturang resort ang mga sumusunod; isang mala-kristal sa sobrang linaw na swimming pool, dalawang magara at malaking silid para sa overnight stay, convention at function room na kayang tumanggap ng 30-40 ka tao, exclusive na air-conditioned videoke room at mga lamesaβt muwebles.
Tiyak na kagigiliwan ng mga bibisita ang nabanggit na lugar dahil sa malawak , malinis at kaaya-ayang lugar na akmang akma para sa ibat-ibang okasyon.Ayon kay Joanthan C. Gabo nagsimula ang kanilang operasyon nitong Setyembre 2022 lamang kung saan medyo lumuluwag na ang restriction o paghihigpit kaugnay ng Covid-19 Pandemic. Kaya naman sinikap ng mag-asawang Gabo na itayo ang naturang resort hindi lang para kumita kundi magbigay ng saya sa mga mamamayan sa pamamagitan ng mga pasilidad sa resort.Sinabi ng pamunuan ng CARMS-VILLA RESORT na ginagawa nila ang lahat ng paraan upang maibigay ang pinakamaganda at pinakamaayos na serbisyo upang maging sulit ang pagbisita ng mga turista at maipagmamalaki itnd bilang isa sa mga magandang puntahan sa Lungsod Kidapawan.Sa ngayon patuloy na tumatanggap ng mga turista mula sa ibaβt-ibang bahagi ng SOCCSKSARGEN ang naturang resort kabilang na ang mga taga lungsod ng Kidapawan.Kaugnay nito, inaasahang mapapabilang sa mga tourist attraction ang CARMS-VILLA RESORT at magbibigay daan sa pag-unlad lalo ng local na turismo. (CIO)#luntiankidapawan
PHOTOS AND VIDEOS SEE MORE PHOTOS | SEE MORE VIDEOS
