𝗪𝗛𝗜𝗧𝗘 𝗖𝗛𝗥𝗜𝗦𝗧𝗠𝗔𝗦: 𝗔𝗧𝗥𝗔𝗞𝗦𝗬𝗢𝗡 𝗦𝗔 𝗞𝗜𝗗𝗔𝗣𝗔𝗪𝗔𝗡 𝗖𝗜𝗧𝗬 𝗣𝗟𝗔𝗭𝗔 𝗡𝗚𝗔𝗬𝗢𝗡𝗚 𝗗𝗜𝗦𝗬𝗘𝗠𝗕𝗥𝗘

NEWS | 2023/11/14 | LKRO

KIDAPAWAN CITY- (November 13, 2023)
Abala na ang mga partisipante sa kanilang ginagawang Christmas Village sa City Plaza, para sa “Christmasaya sa Plaza: White Christmas Village Competition” ng Lokal na Pamahalaan.

Ibibida ng bawat partisipante sa kanilang Christmas Village Entry ang 10ft na Christmas Tree.

Limampung (50) entries ang magpapatalbugan sa kompetisyon mula sa Government, Non-Government Organization (NGO), at Pribadong mga Institusyon sa lungsod, na hinati sa dalawang kategorya: ang Category A (para sa mga business owners, establishments, corporation, associations, institutions, barangay districts, at government at non government agencies); at Category B (para naman sa LGU inter-departments and/or merged small departments).

Magkakaroon ng dalawang beses na judging: ang unang round ay isasagawa sa Festival of Lights 2023 Ceremonial Lights On, na gaganapin ngayong Disyembre 1; habang ang pangalawa at final round naman ay isasagawa sa Disyembre 27.

P200,000.00 ang naghihintay na premyo para sa mananalo sa kompetisyon sa Category A, P100,000.00 naman para sa Category B. Makakatanggap din ng cash prize na mula P150,000.00 hanggang P60,000.00 ang second at third place.

At dahil ang pasko ay isa sa pinakamalaking selebrasyon sa buong mundo, noong 19th Century ay sinimulan ang Christmas Village.

Sa City Hall Lobby naman, inihahanda naring itayo ng City Government ang 12feet na Christmas Tree, na gawa sa plastic bottles.