2 ka pasidungog nadawat sa Kidapawan City

Dungan sa maong pasidungog mao usab ang pagmadaugon sa Kidapawan isip RED ORCHID HALL OF FAME AWARDEE.

Giila ang Kidapawan City human sa hugot nga pag implementar niini sa pagdili sa pag panigarilyo sa mga publikong lugar ug ang pagpang dakop sa mga nisupak sa No Smoking Ordinance.

Kahinumduman nga gimando ni Mayor Joseph Evangelista ang hingpit nga pagpatuman sa pagdili sa pagpanigarilyo sa mga publikong lugar sama sa merkado, eskuwelahan ug mga public terminals.

Sa pikas bahin dungag nga pasidungog alang sa hisgutanang panglawas ang nadawat sa Kidapawan City.

Gipasidungan isip Outstanding Bridging Leader in Public Health si Mayor Joseph A. Evangelista, nga gihatag Zuellig Family Foundation.

Ang Zuellig Family Foundation, usa ka International Health Development advocates, asa nakatutok kini sa implementasyon sa hisgutanang panglawas sa matag LGU.

Ang padayon nga implementasyon sa nagkalain-laing programa sa panglawas maoy nahimong giya sa Zuellig, aron pasidungan ang Kidapawan City LGU.