KIDAPAWAN CITY – Malaking bagay na para sa IP’s ng Barangay Balabag na mapa-unlad ang kanilang pamilya sa tulong ng Pabahay Program ng Pamahalaan.
Mainit nilang ipinapabot ang pasasalamat matapos tanggapin ang mga bagong tahanan sa turn over program ng indigenous people’s village housing facility sa lugar kaninang umaga.
Hindi lamang kasi sila nabigyan ng disenteng matitirhan kungdi, ang pagkakaroon ng bahay ay hakbang upang maitaguyod nila ang maayos na pagpapalaki sa kanilang mga anak liban pa sa pagiging masaya at maunlad na pamilya sa kanilang komunidad.
25 na mga pamilyang IP’s ang nabiyayaan ng mga bagong bahay sa Sitio Mook ng Balabag na isang malayo at mabundok na barangay sa Kidapawan City.
Kanilang tinanggap ang bagong bahay mula kina City Mayor Joseph Evangelista, Congresswoman Nancy Catamco at mga opisyal ng National Housing Authority at Energy Development Corporation.
Ito ay pinagtulungang pondohan at maisakatuparan ng mga nabanggit na opisyal at ahensya ng Pamahalaan alinsunod na rin sa RA 8371 o ang Indigenous People’s Housing Act.
Itinayo ang mga bagong bahay sa lupang ibinigay ng Pamilyang Umpan na isa sa mga malalaki at kilalang pamilya sa Balabag.
Bagamat ay may dumadaloy ng tubig sa lugar, bibigyan naman ng City LGU ng solar panel at mga ilaw ang bawat tahanan upang magkaroon ng supply ng kuryete sa IP Village.
Ayon pa kay Mayor Evangelista, ang mga solar panels ay bahagi ng tulong ng bansang South Korea sa Kidapawan City bahagi ng International Urban Training Course na dinaluhan ng alkalde doon kamakailan lang.
Ang 25 na mga pabahay ay pauna lamang sa limampung low cost housing facility na itatayo ng NHA at City LGU sa naturang lugar.
KIDAPAWAN CITY – Mas magiging mabilis na sa susunod na taon ang pagpo-proseso ng mga permits and licenses sa City Hall.
Ito ang siyang inaasahang resulta ng Regulatory Simplification for Local Government o RS4LG Training na ginagawa sa kasalukuyan.
Layun ng pagsasanay na nabanggit na gawing mas maikli at mabilis ang pagkuha ng lahat ng uri ng permits and licenses, pagbabayad ng buwis at mga bayarin sa City Hall at iba pang klase ng mga transactions sa pagitan ng publiko at lokal na pamahalaan.
Ang RS4LG ay inisyatibo ng Department of Interior and Local Government upang matulungan ang mga LGU na gawing mas madali at episyente ang pagbibigay serbisyo publiko sa mamamayan.
Ikinatuwa naman ni City Mayor Joseph Evangelista sa gawaing ito ng DILG.
Hindi lamang kasi napapabilis ang pagbibigay serbisyo publiko kungdi sa pamamagitan nito ay nagiging ‘business friendly’ ang Kidapawan City na makakatulong sa ibayo pang kaunlaran nito
,wika pa ni Mayor Evangelista.
Sa tulong ng RS4LG, mabibigyang pagkakataon ang City Hall na makita kung ano ang mga bagay na nagdudulot ng matagal na pagbibigay serbisyo at kung papaanong mas mapapabilis ito.
Kalahok sa RS4LG ang mga bumubuo sa Business Processing and Licensing Office ng City Hall, City Health Office, CENRO, City Treasurer, City Mayors Office, Bureau of Fire Protection, at mga government line agencies gaya ng BIR, SSS,Philhealth at iba pa..
PHOTOS AND VIDEOS SEE MORE PHOTOS | SEE MORE VIDEOS
