PRC Kidapawan tumatanggap na ng LET September 2019 applications

NEWS | 2019/06/11 | LKRO

PRC Kidapawan tumatanggap na ng LET September 2019 applications

KIDAPAWAN CITY – TUMATANGGAP NA NG APPLICATION para sa September 2019 Licensure Examination for Teachers ang Satellite Office ng Professional Regulations Commission sa lungsod.
Ginawang mas maaga ang filing ng LET sa layuning maiwasan na magka aberya ang mga kukuha ng pagsusulit sa nabanggit na buwan. 
Pinapayuhan ng PRC ang mga nagnanais kumuha ng September 2019 LET na ‘mag-online registration” bago tumungo at iproseso ang application ng LET sa kanilang opisina.
Ito ay upang makakuha ng ‘slots’ for application ang mga examinees ng LET.
Maliban sa online registration, kinakailangan din na magdala ng mga pertinenteng dokumento gaya ng transcript of records at iba pa ang mismong kukuha ng LET.
Hanggang July 31, 2019 na lamang ang application ng LET sa PRC Kidapawan.
Posibleng isasagawang muli ng City Government ang LET sa lungsod gaya ng mga naunang exams noong 2017 at 2018.
Bukas ang PRC Kidapawan 8am-5pm mula Lunes hanggang Biyernes. ##(CIO/LKOasay)