PRC Satellite Office regular services simula na sa April 24, 2019

NEWS | 2019/04/22 | LKRO

PRC Satellite Office regular services simula na sa April 24, 2019

KIDAPAWAN CITY – MAGBIBIGAY NA NG Regular na serbisyo mula lunes hanggang biyernes ang Professional Regulations Commission PRC Satellite Office sa lungsod.
Ito ay katuparan sa matagal ng hiling ng mga professionals at mga nag-aapply sa board licensure examinations na mailapit sa kanila ang serbisyo ng PRC on a regular basis. 
Nagkaroon ng katuparan ang serbisyong regular ng PRC sa pamamagitan ng paglagda ni City Mayor Joseph Evangelista sa isang Memorandum of Agreement kasama ang mga opisyal ng ahensya.
Mula alas otso ng umaga hanggang alas singko ng hapon ang magiging oras ng operations ng PRC.
Ngunit ililimita lamang muna sa tatlong serbisyo ang pansamantalang ibibigay ng PRC dahil na rin sa kulang pa ang kanilang mga tauhang itatalaga sa lungsod.
Ang mga ito ay kinabibilangan ng mga sumusunod: Application for Licensure Examinations; Initial Registration at Renewal ng mga Professional Identification Cards.
Nabenepisyuhan ng serbisyong ng PRC ang mga taga Kidapawan City at mga karatig lugar gaya ng Maguindanao, Sultan Kudarat, South Cotabato; Saranggani; Lanao Provinces at maging mga taga Davao Del Sur.
Matatagpuan ang PRC Satellite Office sa City Overland Terminal ng lungsod.##(cio/lkoasay)