PANIBAGONG BATCH NG MGA PWD SUMAILALIM SA ENTREPRENEURSHIP MIND-SETTING AND FINANCIAL LITERACY ORIENTATION NG DTI

NEWS | 2022/06/29 | LKRO

KIDAPAWAN CITY (June 29, 2020) –  Abot sa 120 na Persons with Disability o PWD mula sa limang priority barangay na kinabibilngan ng barangay Amas, Birada, Ginatilan, Poblacion, at Sudapin ang tumanggap ng pagsasanay mula sa Department of Social Welfare and Development o DSWD sa pakikipagtulungan ng City Social Welfare and Development Office o CSWDO sa pangunguna ni CSWD Officer  Daisy P. Gaviola.

Binigyan ang mga PWD ng mga kaalaman gaya ng investment options, financial market, capital budgeting at iba pa.

Layon ng naturang aktibidad na tulungan ang mga PWD sa lungsod na maging produktibo sa kabila ng kalagayan at hindi gaanong umasa sa iba.

Samantala, dumalo naman sa aktibidad si PWD Focal Person Robelyn Borcelo.

Resource speaker sa orientation si Junior Business Counselor Salomie L. Fuyonan ng Kidapawan City Negosyo Center.

Dagdag pa ni Fuyoman na  mahalaga na maturuan ang mga PWD ng tamang paggamit ng pera at mapunta ito sa makabuluhang bagay at wastong pamamaraan tungo sa pag-unlad ng buhay.

Malaki naman ang pasasalamat ni City Mayor Joseph A. Evangelista sa nabanggit na aktibidad dahil sa mas mararamdaman ng mga PWD ang pagmamahal sa kanila at makita ang kanilang kahalagahan bilang sektor ng lipunan.

Pinasalamatan din ng alkalde ang Department of Trade and Industry o DTI sa ibayong suporta para sa mga PWD. (CIO-vh/ed)