Author: Ian Famulagan

KIDAPAWAN CITY – SINIMULAN NA NG City Government of Kidapawan ang pagbabakuna sa mga bata edad 5-11 years old laban sa Covid-19 ngayong araw ng Lunes, February 14, 2022.

Ginawa ang ceremonial vaccination sa Vargas Clinic sa Barangay Poblacion kasabay ang pagbabakuna sa tatlo pang mga ospital na nagsilbing vaccination hubs para sa edad 5-11 years old Pediatric Group.

Sinaksihan nina City Mayor Joseph Evangelista, Cotabato Vice Governor Emmylou Talińo – Mendoza at Department of Health Regional Office 12 Director Dr. Aristides Concepcion Tan ang pagbibigay ng specially formulated na Pfizer Anti-Covid-19 vaccines sa mga bata.

Sa kanilang mensahe, pinasalamatan ng mga opisyal ang mga magulang na tumugon sa panawagan ng pamahalaan na maproteksyonan laban sa Covid-19 ang kanilang mga anak sa pamamagitan ng pagbabakuna.

Batid nina Mayor Evangelista at Vice Governor Mendoza ang sitwasyon ng mga bata sa panahon ng modular at blended learning kung kaya magiging daan ang pagbabakuna para sa kanilang kaligtasan at ang inaasam-asam na pagbabalik sa paaralan ng mga bata sakaling ipatupad na ng Department of Education ang face to face learning sa mas nakararaming eskwelahan.

Pinawi naman ni Director Tan ang pangamba ng mga magulang dahil ligtas at para talaga sa mga bata edad 5-11 years old ang Pfizer vaccines na ibinigay na unang dose ng mga vaccinee.

May nakaantabay naman na resident pediatrician sa bawat vaccination hub na siyang nakatutok sa mga bata bago at matapos silang mabakunahan.

Naglagay ng party set up at mga mascots ang City Government sa mga vaccination hubs para magbigay aliw sa mga bata habang naghihintay sa kanilang pagbabakuna.

Bilang dagdag na ayuda, tumanggap ng isang buong dressed chicken at dalawang kilong bigas ang bawat batang nagpabakuna.

Magpapatuloy ang vaccination para sa mga bata edad 5-11 years old pati na sa iba pang eligible priority group sa lungsod sa iba’t-ibang vaccination hubs ng City Government. ##(CIO/JSC/lkro)

KIDAPAWAN CITY – IPINAGKALOOB NA NG Department of Health o DOH ang bagong Biomolecular Laboratory ng City Government of Kidapawan ngayong araw ng Lunes, February 14, 2022.

Mismong si Department of Health 12 Regional Director Dr. Aristides Concepcion Tan ang nagbigay ng go-signal kay Kidapawan City Mayor Joseph A. Evangelista para sa pagbubukas ng naturang pasilidad  sa turn-over ceremony na ginanap sa Barangay Nuangan, Kidapawan City.

Sa pamamagitan ng Biomolecular Laboratory magiging mabilis na ang diagnosis at confirmation kung COVID-19 ang sakit ng pasyente base sa isinumiteng specimen.

Kapwa pinondohan ng DOH at ng Energy Development Corporation o EDC ang gusali at mga kagamitan ng  nabanggit na laboratory  samantalang sinagot naman ng City Government ang Site Development ng Biomolecular Laboratory.

Pwede itong tumanggap ng mga Reverse Transcription Polymerase Chain Reaction o RT-PCR analysis hindi lamang ng taga Kidapawan City kungdi  pati na rin sa mga taga karatig bayan na magpapasuri sa pasilidad.

Ito na ang pangalawang Biomolecular Laboratory sa buong Lalawigan ng Cotabato na siyang nagsusuri ng specimen mula sa mga pasyenteng nagka COVID-19.

Masaya ding ibinalita ni RD Tan na nakakuha ng 100% na rating sa mga pagsasanay ang mga magpapatakbo ng Biomolecular Laboratory ng City Government.

Ibig sabihin ay ‘accurate’ o wasto ang mailalabas na resulta ng specimen na sinuri sa loob ng pasilidad na naging dahilan upang tuluyang mabigyan Ng License to Operate ang laboratoryo, ayon pa kay Tan.

Pinuri naman ni Cotabato Vice Governor Emmylou “Lala” Talińo– Mendoza ang mga hakbang na ginawa ni Mayor Evangelista sa panahon ng pandemya ng COVID-19 kung saan kabilang ang pagpapatayo ng Biomolecular Laboratory.

Pinakamataas din ang anti-covid vaccination rate ng Kidapawan City sa buong Lalawigan ng Cotabato at sa mismong SOCCSKSARGEN region, ayon pa kay Vice Governor Mendoza, bagay na dapat lamang pamarisan ng iba pang Local Government Units.

Ito na ang pangalawang COVID-19 facility na naipagkaloob sa City Government nitong buwan ng Pebrero 2022.

Una ay ang P10 Million na Office of the Civil Defense- funded Temporary Treatment Monitoring Facility o TTMF na nai turn-over noong February 11, 2022 at katabi lamang ng bagong Biomolecular Laboratory na ipinagkaloob naman ng DOH ngayong araw. ##(CIO/JSC/lkro)

KIDAPAWAN CITY – PINURI ng Office of the Civil Defense o OCD si Kidapawan City Mayor Joseph A. Evangelista sa aktibo nitong pagpapatupad ng mga hakbang laban sa COVID-19.

Mismong si OCD 12 Regional Director Minda Morante ang nagbigay ng papuri matapos ang turn-over ceremony ng bagong  P10 Million Temporary Treatment and Monitoring Facility o TTMF mula sa ahensya patungo sa City Government of Kidapawan ngayong araw ng Biyernes, February 11, 2022.

Naitayo ang 16-bed capacity na TTMF gamit A

ang pondo ng OCD dahil na rin sa pagsisikap ni Mayor Evangelista na mabigyan ng sapat at komportableng lugar pagamutan ang mga nagkakasakit ng  COVID-19 partikular na ang mga moderate Covid cases sa lungsod, ayon pa kay Director Morante.

Bawat silid ay para sa iisang pasyente lamang at may sariling aircon at palikuran para matiyak na comfortable ang magpapagaling sa TTMF.

Bukod pa sa libre na ang pagkain at gamot ng mga pasyenteng magpapagamot sa pasilidad, ay siniguro ng City Government na maayos ang kanilang kalagayan sa panahon ng treatment na makakatulong naman sa mabilis nilang paggaling, ito ay ayon pa kay Dr. Thaddeus Averilla, na siya namang namamahala sa TTMF.

Itinayo ang nabanggit na pasilidad sa lote ng City Government sa Barangay Nuangan, Kidapawan City.

Ito ay na katabi lamang ng naunang TTMF na nagmula naman sa Department of Health at ang malapit ng magbukas na Biomolecular Laboratory. ##(CIO/JSC/lkro)

KIDAPAWAN CITY – PERSONAL NA INIABOT ni Kidapawan City Mayor Joseph Evangelista ang pondong abot sa P5,313,030.05 bilang ayuda sa Parents and Teachers Association o PTA subsidy para sa 27 iba’t-ibang pampublikong eskwelahan ng lungsod na pumasa at papayagang magpatupad ng limited face-to-face classes.

Ibinigay ni Mayor Evangelista ang tseke sa isang simpleng turn-over ceremony na ginanap alas ngayong araw ng Miyerkules, ganap na alas-nuebe ng umaga sa City Convention Center.

Dinaluhan ito ng mga school principals, PTA President at mga barangay officials kung saan matatagpuan ang 27 public schools.

Makakatulong ang PTA subsidy para makabili ng dagdag na learning devices ganundin ang para sa kaligtasan ng mga mag-aaral mula sa  COVID-19 tulad ng face mask, alcohol at iba pang kagamitan upang di na kumalat  pa ang sakit sa mga eskwelahan.

Nagkakahalaga naman ng P300 ang PTA subsidy na inilaan ng City Government para sa bawat bata na naka-enroll sa public schools.

Nasa mahigit 48,000 ang mga batang mabibigyan ng PTA subsidy sa lungsod ngayong school year 2021-2022.

Agad magbubukas ang nasabing bilang ng mga pampublikong eskwelahan kapag ibinaba na sa Alert Level 2 ang lungsod laban sa Covid19, ayon naman kay City Schools Division Head Dr. Natividad Ocon.

Sinabi ni Mayor Evangelista na hindi lamang kasi makakabenepisyo sa limited face-to-face learning ang mga bata at magulang, kungdi, dahan-dahan na nitong mabibigyan ng kabuhayan ang mga sektor na apektado ng COVID-19 gaya ng mga habal-habal at tricycle drivers, mga nagmamay-ari ng boarding houses pati na mga tindahan at kainan malapit sa mga eskwelahan.

Kaugnay nito, hinihikayat ni Mayor Evangelista ang mga magulang ng mga batang naka-enroll sa 27 public schools na ipabakuna na ang kanilang mga anak laban sa COVID-19 para matiyak ang kaligtasan laban sa sakit.

Sa darating na February 14, 2022 ay sisimulan na ng City Government ang vaccination ng mga bata o pediatric group 5-11 years old, ayon pa sa alkalde.

Maliban sa ceremonial vaccination na gaganapin sa City Health Office, sabay-sabay na gagawin ang Vaccination Roll-Out ng 5-11 years old sa iba’t-ibang mga ospital na magsisilbing vaccination hubs ng City Government. ##(CIO/JSC/lkro)

KIDAPAWAN CITY (February 7, 2022) – MATAPOS ang vaccination holiday na ipinatupad noong February 1-7, 2022 ay muling magsasagawa ang City Health Office o CHO ng walk-in vaccination at Barangay to the Vaxx o barangay vaccination.

Ito ang sinabi ni Kidapawan City Mayor Joseph A. Evangelista sa ginanap na Inter Agency task Force for Covid-19 o IATF meeting ngayong araw kung saan sinabi nitong balik na ang vaccination matapos ang isang linggong break o pahinga ng mga vaccinators.

Kabilang naman ang mga sumusunod na barangay na magsasagawa ng vaccination: Amazion (300 vaccinees – Feb. 8, 2022), Birada (300 vaccinees – Feb. 9), Luvimin (300 vaccinees – Feb 10), Manongol (300 vaccinees – Feb. 11), at Linangcob (300 vaccinees – Feb 12).

Magbabakuna rin ang CHO ng 1st dose, 2nd dose at booster shots sa nabanggit na mga araw.

Ayon kay Mayor Evangelista, bahagi ito ng mga hakbang upang tuluyang  makamit ang 70% herd immunity ng Kidapawan City na abot naman sa 110,500 eligible population at sa hangaring maprotektahan ang mas malaking bilang ng mga Kidapaweno laban sa Covid-19.

Sa report ng City Epidemiology and Surveillance Unit o CESU ngayong araw ay nakapagtala ang tanggapan ng 289 confirmed cases ng Covid-19 kung saan abot sa 194 ang mild at asymptomatic cases (home quarantine) at 95 ang moderate (temporary treatment facilities).

Samantala, pinaghahandaan na ng City Government of Kidapawan ang vaccination ng Pediatric Group 5-11 years old sa susunod na lingo kung saan natapos na ang master listing ng mga batang tatanggap ng bakuna.

Ito ay bahagi na rin ng paghahanda ng City Government sa pagbubukas ng karagdagang limited face-to-face classes sa oras na bumalik sa Alert Level 2 ang Kidapawan City at buong Lalawigan ng Cotabato.

Sakaling maisagawa na ang pagbabakuna ng 5-11 years old ay magiging partner uli ng CHO sa vaccination ang mga nangungunang private hospitals sa Kidapawan City. (CIO/jscj/aa)

KIDAPAWAN CITY (February 7, 2022)- HINDI na mahihirapan pang magpa-konsulta sa doktor ang mga residente ng Lungsod ng Kidapawan na nakararanas ng Covid-19 symptoms.

Ito ay matapos na pormal na inilungsad ngayong araw ang kauna-unahang Covid-19 Online Teleconsultation bilang natatanging paraan ng City Government of Kidapawan para matulungan ang mga indibidwal o pamilya na nakararanas ng mga sintomas ng naturang karamdaman.

Mismong si Kidapawan City Mayor Joseph A. Evangelista ang nanguna sa pagbubukas ng online teleconsultation sa ginanap na City Local Inter-Agency Task Force for Covid-19 meeting alas-9 ng umaga.

Naka base sa City Epidemiology and Surveillance Unit o CESU and Covid-19 Online Tele-Consultation kung saan may itinalagang online government physician at isang virtual assistant sa pakikipagtulungan ng Kidapawan City Covid-19 Nerve Center.

Magbubukas mula 8AM – 8PM ang online teleconsultation at maglalaan naman ng mula 15-30 minuto ang mga doctors sa bawat online patient.

Online din ang pagbibigay ng reseta sa mga pasyente at ito ay ipadadala sa kanila pamamagitan din ng messenger o email kung saan sapat para sa limang araw ang mga gamot na taglay ng reseta.

Sa pamamagitan nito ay maiiwasan na ang pagdagsa ng mga pasyenteng nais magpatingin sa doctor at makakaiwas din sa posibleng pagkalat pang lalo ng Covid-19.

Kaugnay nito, hinikayat ni Mayor Evangelista ang mga mamamayan ng lungsod sa huwag mag-atubili sa pagpapakonsulta sa harap na rin ng nagpapatuloy na banta ng Covid-19 at ng bagong variant na Omicron.

Nanawagan din siya sa lahat na ipagpatuloy ang minimum health protocols tulad ng pagsusuot ng face masks, disinfection, at social distancing ganundin ang pagpapaturok ng bakuna laban sa Covid-19 ng bawat eligible population dahil ito ang mga nangungunang paraan upang maiwasan ang sakit.

Maaaring makipag-ugnayan ang mga nais magpa-konsulta sa Kidapawan Covid-19 Online Teleconsultation sa pamamagitan ng hotline 0948-1985197 o sa email address na [email protected] o sa Official Facebook Account Telemed Kidapawan. (CIO-JSCJ/AA)

KIDAPAWAN CITY – 35 na mga empleyado ng City Government of Kidapawan  ang nag donate ng kanilang dugo sa ginanap na Blood Letting Activity ngayong araw ng Biyernes, January 28, 2022.

Mga regular, casual at job order employees ng City Government ang lumahok sa aktibidad na pinangunahan ng City Blood Center at Human Resource and Management Office na nagsimula ganap na ika-walo ng umaga sa City Pavilion.

Layon ng aktibidad na mapunan ang supply ng dugo sa City Blood Center para sa mga pasyenteng nangangailangan nito.

Ang blood letting ng mga opisyal at empleyado ng City Government ay taunang ginagawa mula noong taong 2013 sa unang termino ni City Mayor Joseph Evangelista.

Ito ay ginagawa ng City Government employees and officials tuwing buwan ng Enero o pagsisimula ng taon at sa buwan ng Hulyo na siya namang Blood Donor’s Month Celebration.

Katunayan ay may registry o listahan ng mga blood donor employees kasama na ang kanilang blood type ang CHRMO para makapagbigay ng dugo at madugtungan ang buhay ng mga lubhang nangangailangan nito.

Lahat naman ng mga sumali at nagbigay ng kanilang dugo ay kinunan muna ng mahahalagang vital signs gaya ng blood pressure, hemoglobin level, body weight, blood typing, at medical interview bago ang aktwal na pagbibigay ng dugo.

Matapos ang blood letting ay pinagpahinga muna ang mga partisipante at binigyan ng pack lunch para manumbalik ng dahan-dahan ang kanilang lakas ng pangangatawan.

Hinihikayat naman ang lahat na qualified na mag-donate ng dugo na gawin ito hindi lamang para makatulong na madugtungan ang buhay ng mga nangangailangan nito kungdi, nakabubuti din ito sa kalusugan, ayon pa sa City Blood Center.

Pwedeng magbigay ng dugo ang sino man na physically fit,18 years old o higit pa, tumitimbang ng 50 kilograms o 110 pounds pataas, at walang malubha o nakahahawang sakit gaya ng Hepatitis, Diabetes, sakit sa puso, hypertension, Acquired Immune Deficiency Syndrome AIDS at mga sexually transmitted diseases at iba pang sakit na pasok sa panuntunan ng mga health authorities.

Isa sa mga best practices ng City Government of Kidapawan ang taunang Blood Letting activity ng mga opisyal at empleyado na kinilala at ginawaran sa Sandugo Kabalikat Awards ng Department of Health at Philippine Red Cross.##(CIO/JSC/lkro)

KIDAPAWAN CITY – SINIMULAN ng ipatupad ng City Government of Kidapawan ang House to House na pagbabakuna kontra COVID-19.

Bahagi ito ng mandato nina City Mayor Joseph Evangelista at Cotabato Vice Governor Emmylou Talińo – Mendoza na magtulungan upang palakasin ang pagpababakuna laban sa COVID-19.

Ngayong araw ng Martes, January 26, 2022 ay ipinatupad ang pagbabakuna sa mga households ng Barangay Lanao para sa mga eligible priority groups particular ang mga senior citizens at may mga comorbidities na hirap ng makapunta sa mga vaccination centers na inilagay ng City Government.

Bahagi din ito ng Bakunahan to the Vaxx ng City Government na naglalayong mabakunahan ang maraming mamamayan ng lungsod tungo sa herd immunity laban sa COVID-19.

Mga kagawad ng City Health Office ang nagtungo at nagsagawa Ng vaccination sa mga pre-listed na households na may miyembrong eligible for vaccination na hindi pa nababakunahan kontra sa sakit.

Nagbigay naman ang tanggapan ng bise gobernadora ng food packs bilang dagdag na tulong para sa mga pangangailangan Ng mga nagpabakuna.

Samantala, abot naman sa 181 na mga eligible population mula sa A1 – A5 at mga 12-17 years old sa ilalim ng pediatric group ang nabakunahan ng City Government sa Barangay Malinan kahapon, January 25, 2022.

57 dito ay first dose, 17 ang second dose at 107 naman ang tumanggap ng booster shots.

Nag-abot din ng food packs ang City Government sa lahat ng nagpabakuna sa Barangay Malinan.##(CIO/JSC/lkro)

KIDAPAWAN CITY – DAHIL  SA NAGPAPATULOY NA BANTA NG COVID19, AY GAGAWING SIMPLE NGUNIT MAKABULUHAN ang pagdiriwang ng ika- 24th Foundation Anniversary ng Lungsod ng Kidapawan pagsapit ng February 4-12, 2022.

Kaugnay nito, nakapaghanda ng ilang mga aktibidad ang City Government of Kidapawan sa pamamagitan ng City Tourism Office at City Investment and Promotions Office na karamihan ay virtual o on-line.

Ito ay upang maiwasan ang social gathering o pagdagsa Ng mga mamamayan at masunod ang ipinatutupad na guidelines ng COVID-19 sa ilalim ng Alert Level 3.

Ang mga tampok na aktibidad sa ika-24 taong Cityhood Anniversary ng lungsod at ang mga sumusunod:

February 4, 2022 ganap na alas-kwatro ng hapon Kidapawan Lungsod na Pinagpala Art Exhibit for a Cause (Tabang Bohol II) by Inirugyun Artists Guild sa Gaisano Grand Mall Kidapawan.

February 5, 2022 Thematic Costume Tiktok Dance Challenge.

February 6, 2022 “Katunhayan” Art Painting Contest and Exhibit sa Gaisano Grand Mall Kidapawan @ 4:00 PM.

February 7, 2022 12:00PM Online Photo Contest “City Scape”.

February 7, 2022 4:00 PM Kidapawan Search for Model OFW Family of the Year sa Kidapawan City Convention Hall.

February 8, 2022 12:00 PM Online Photo Contest: ‘Resorts/Vacation Home Rentals/Day Farm/Farm Stay”.

February 9, 2022 12:00pm ‘Project Kamustahan” ng Sangguniang Kabataan Federation Webinar on Mental health, Adolescent, Sexual and Reproductive Health.

February 10, 2022 12:00 PM Kidapawan online Talent Showdown “ Senior Citizen’s Pulong sa Hinigugma” A Visayan Spoken Poetry (Balak Competition).

February 10, 2022 4:00 PM Kidapawan Online talent Showdown: “Senior Citizen’s Sonata” Harana (Song Solo) Competition.

Mapapanood ng live ang mga aktibidad sa Culmination Program ng 24th Charter Day via live streaming sa Facebook page ng City Government of Kidapawan at City Tourism Office.##(CIO/JSC/lkro)

Kidapawan City (January 24, 2022) – SA kabila ng tumataas na kaso ng COVID-19 sa Kidapawan City ay nananatiling on top of the situation at nakahanda ang City Government sa lahat ng pangangailangan ng mga tinamaan ng naturang sakit.

Ito ang ipinahayag ni Kidapawan City Mayor Joseph A. Evangelista sa ginanap na COVID-19 Health Cluster meeting sa City Mayor’s Conference Room alas-9 ng umaga ngayong araw ng Lunes na dinaluhan ng mga heads at representatives ng iba’t-ibang tanggapan ng City Government of Kidapawan.

Ayon sa report City Health Office o CHO nasa 148 ang pinakahuling bilang ng active cases ng COVID-19 Jan. 23, 2022) sa lungsod at karamihan dito ay pawang mild cases at mga asymptomatic patients.

Pero hindi pa raw kasali ang mga pending results o mga pasyente na nag-aantay pa ng resulta ng kanilang Reverse Transaction Polymerase Chain Reaction – RTPCR, sinabi ni Norial Raquel, COVID-19 Coordinator mula sa City Epidemiology Surveillance Unit o CESU.

Kaugnay nito, pinamamadali ni Mayor Evangelista kay City Administrator Ludivina Mayormita at Medical Consultant at Facility Manager Dr. Thaddeus Averilla ang pagbubukas ng mga karagdagang pasilidad sa lungsod para tumanggap ng mga COVID-19 mild to moderate cases. Kabilang dito Bulwagan sa Barangay Lanao, COVID-19 Building 2 sa Barangay Nuangan, at Kidapawan City Pilot Elementary School sa Barangay Poblacion habang ang mga business establishments ay kinabibilangan ng Ate Vanns, Double R na may sapat na kahandaan para sa pagdagsa ng mga maysakit.

Samantala, patuloy ang City Government of Kidapawan sa pamamahagi ng COVID-19 Care Kit sa mga pasyenteng sumasailalim sa home quarantine na ngayon ay nasa 86 na ang bilang.

Laman ng COVID-19 Care Kit ay alcohol, paracetamol, Vitamin C, digital thermometer, pulse oximeter, 50 pcs face masks, Milo at calling card na nagtataglay ng mga contact/hotline numbers ng CESU.

Natalakay din sa meeting ng COVID-19 City Health Cluster ang pagpapalakas ng vaccination ngayong taon sa pamamagitan ng Bakunahan sa Barangay kung saan natapos na ang Ilomavis (Jan.14), Patadon (Jan. 19), San Isidro (Jan. 20) at Sudapin (Jan. 21). Gagawin naman ito sa mga Barangay Malinan (Jan. 25), Lanao (Jan. 26), Ginatilan (Jan. 27), at Magsaysay (Jan. 28). (CIO/aa/if/dv)