Author: Ian Famulagan

KIDAPAWAN CITY – ABOT sa 299 na mga  residente ng Barangay Patadon na nabibilang sa Muslim communities sa Lungsod Ng Kidapawan  ang nabigyan ng bakuna kontra COVID-19  isinagawang Bakunahan sa Barangay ng City Government of Kidapawan kahapon, January 19, 2022.

Sa nasabing bilang, 220 dito ay first dose, 47 ang second dose at 32 naman ang booster shot, ayon na rin sa datos mula sa City COVID-19 Nerve Center.

Kasali sa mga nabakunahan sina Patadon Barangay Chair Odin Patadon Isla at Cotabato Provincial DILG Director Ali Abdullah na kapwa tumanggap ng booster shots.

Pinasalamatan ng mga residente ang City Government sa pagpapa-unawa sa kanila sa kahalagahan ng pagpapabakuna at ang dulot nitong kaligtasan mula sa nakamamatay na COVID-19.

Naibsan ang pangamba ng mga residente hinggil sa bakuna kung kaya’t hindi na sila nag-atubili pang tumangap nito, ayon sa ilang mga vaccinees.

 Maliban sa bakuna, ay tumanggap din sila ng food packs gaya ng isang buong dressed chicken at dalawang kilong bigas bilang dagdag na ayuda mula sa Lokal na Pamahalaan.

Mga A1-A5 priority eligible population at 12-17 years old pediatric group ng Barangay Patadon ang nabakunahan ng City Health Office sa naturang pagkakataon.

Ang matagumpay na bakunahan sa Barangay Patadon ay bunga na rin ng mandato ni Kidapawan City Mayor Joseph Evangelista na ilapit na mismo sa mga barangay ang Vaccination Roll Out ng City Government.

Batid ng alkalde ang hirap ng maraming mga residente ng malalayong barangay na makapunta sa mga vaccination centers sa sentro ng lungsod kung kaya ay ginawa na ang pagbabakuna sa mga barangay.

Bukas, araw ng Biyernes, January 21, 2022 ay magsasagawa muli ng Bakunahan sa Barangay Sudapin ng lungsod. ##(CIO/JSC/lkro)

KIDAPAWAN CITY (January 18, 2022)- MAMAMAHAGI ng free Covid-19 Care Kits ang City Government of Kidapawan sa mga nagkasakit ng Covid-19 na ngayon ay sumasailalim sa home quarantine sa iba’t-ibang barangay sa lungsod.

Ito ang sinabi ni Atty. Jose Paolo Evangelista, Head ng Kidapawan Covid-19 Nerve Center kung saan layon nitong makaiwas ang mga pasyente sa dagdag gastos makaraang mahawaan ng naturang sakit.

Kabilang sa nilalaman ng Kidapawan Covid-19 Care Kit ay ang mga sumusunod: alcohol, 50 pcs medical grade face masks, 20 pcs paracetamol, 25 tablets vitamin C, 1 digital thermometer, at 1 pc pulse oximeter.

“Makatutulong ito sa mga pasyenteng naka- home quarantine dahil wala na silang gaanong iisiping gasto sa pagbili ng mga nabanggit na bagay at tuloy-tuloy na lang sila sa pagpapagaling mula sa Covid-19”, ayon kay Atty. Evangelista.

Kaugnay nito, hinikayat ni Atty. Evangelista ang mamamayan na agad mag-report o ipaalam sa City Epidemiology and Surveillance Unit o CESU sa oras na may maramdamang mga sintomas ng Covid-19 sa harap na rin ng banta ng Omicron variant na mas mabilis makahawa.

Maliban naman sa Covid-19 Care Kit, mamimigay din ang City Government of Kidapawan ng food packs na naglalaman ng bigas at canned goods para sa mga naka home quarantine at mga nasa isolation facilities. Maliban pa ito sa 2 kilos rice at 1 whole chicken na ibinibigay na ayuda ng city government sa lahat ng nagpapabakuna.

Nasa 33 indibidwal na sa kasalukuyan ay pawang naka home quarantine ang nabigyan na naturang mga Covid-19 Care Kits.

Paalala naman ngayon ng Covid-19 Nerve Center sa bawat isa na mag doble-ingat laban sa Covid-19 at laging sundin ang minimum health standards at magpabakuna na laban sa nakamamatay na sakit. (CIO/jscj/if)

KIDAPAWAN CITY – NAGPATUPAD NA NG Bakunahan sa Barangay ang City Government of Kidapawan bilang pamamaraan para mapalawak pa ang coverage ng vaccination roll out kontra COVID-19.

Inihayag mismo ni City COVID-19 Nerve Center Head Atty. Jose Paolo Evangelista ang nabanggit na development sa panayam sa kanya ng mga nangungunang radio stations at iba pang media outlets ngayong umaga ng Martes, January 18, 2022.

Sinabi niya na ginawa ito lalo pa’t mataas na ang turn-out ng vaccination sa mismong bBarangay Poblacion at mga kalapit na barangay.

Sa pamamagitan ng Bakunahan sa Barangay ay mabibigya ng prayoridad ang mga residente na hirap makapunta at magpabakuna sa vaccination hubs n NASA sa sentro ng Kidapawan City.

Noong nakalipas na January 14, 2022, isinagawa ang Bakunahan sa Barangay Ilomavis kung saan ay abot sa 614 ang nabakunahan.

Sa nabanggit na dami ng nabakunahan, 263 sa kanila ang partially vaccinated, 139 ang fully vaccinated at 212 ang tumanggap ng booster dose, ayon pa sa COVID-19 Nerve Center na pinamumunuan ni Atty. Evangelista.

Dahil naman sa mataas na turn-out ng bakuna, tutulak muli ang vaccination roll out na gagawin sa Barangay Patadon sa January 19, Barangay San Isidro sa January 20 at Barangay Sudapin sa January 21, 2022.

Tuloy naman ang vaccination roll out sa iba’t-ibang vaccination sites sa Barangay Poblacion ng Kidapawan City na bukas para sa mga eligible priority groups A1-A5 at pediatric population edad 12-17 years old.

Narito naman ang datos na nagmula sa City Health Office sa bilang ng mga nabakunahan na sa Kidapawan City as of January 14, 2022:

102,814 o 93.07% ang fully vaccinated mula sa target na 110,466.

109,885 ang partially vaccinated o katumbas sa 93.99%.

11,783 ang nakatanggap na ng booster shots.

13,077 naman ang nabakunahan sa ilalim ng pediatric priority group 12-17 years old. ##(CIO/JSC/lkro)

KIDAPAWAN CITY (January 17, 2022) – SA harap ng negatibong epekto na dulot Covid-19 pandemic, mahalagang pagtuunan ng pansin ang physical at mental health ng mga mamamayan kabilang na ang mismong mga empleyado ng City Government of Kidapawan. Ito ang nakapaloob sa nilagdaang Memorandum No. 095 series of 2022 na nilagdaan ni Kidapawan City Mayor Joseph Evangelista na humihikayat sa mga personnel ng bawat departamento tulad ng Human Resource Management Office (HRMO), City Mayor’s Office Administration, Office of the City Agriculturist, Office of the City Budget Officer, City Treasurer’s Office, Office of the City General Services Office (CGSO), Office of the City Engineer, Office of the City Accountant, Nerve Center for Covid-19, at iba pang opisina na lumahok sa Sports and Mental Health Program. Layon ni Mayor Evangelista na mabigyan ng pagkakataon ang mga empleyado na magkaroon ng kahit kaunting break mula sa pagtatrabaho kasabay ng pagtutok sa kanilang mental at over-all health. Si Faithie Amor Deseo, Yoga Flow Practitioner and Teacher at Aerial Arts and Dance Instructor al at licensed Yoga instructor na nakabase sa Davao City at may malawak na karanasan sa pagtuturo ng Yoga sa mga partisipante na nagmula sa iba’t-ibang opisina ng City Government of Kidapawan. Nakatuon sa kumbinasyon ng Yoga at contemporary movement flow ang itinuturo ni Deseo sa mga personnel kada Lunes at Biyernes ganap na 2:45PM ng bawat linggo. Sinabi ni Deseo na malaki ang tulong ng Yoga sa pagtanggal ng stress at malaki ang magagawa nito healing o paghilom ng mga di kanais-nais na karanasan ng tao lalo na sa panahon ng Pandemiya ng Covid-19 kung saan nakaranas ng iba’t-ibang suliranin at hamon sa buhay ang bawat isa. Maliban rito, maganda ang dulot ng Yoga sa katawan ng tao partikular na sa -development of strength, balance, at flexibility, ayon pa kay Deseo. Napapaganda din nito ang pagtulog ng isang tao at napapagaan ang kanyang katawan mula sa buong araw na pagtatrabaho. Nilinaw din ng mahusay na Yoga instructor na sinumang indibidwal ay maaring magsagawa ng Yoga at kahit na mga baguhan sa larangang ito ay tiyak na makikinabang sa aktibidad magandang idudulot ng Yoga sa mental health at pangkalahatang kalusugan. Ikinatuwa naman ang mga personnel ang ilang unang sessions ng kanilang Yoga dahil ito ay nagbigay sa kanila ng pagkakataong maka-relax at mabawasan ang stress dulot ng pagod at iba pang kadahilanan. Ipinagpasalamat nila ang inisyatibang ito ng City Government of Kidapawan na nagbigay sa kanila ng pagkakataon na mapaganda at mapabuti ang kanilang kalusugan. CIO/JSCJ/if/aa/ejd/vh)

KIDAPAWAN CITY – NAGPAABOT ng kanilang taos-pusong pasasalamat sa national government at sa City Government of Kidapawan ang mga mamamayan ng dalawang purok sa Barangay Singao ng lungsod, matapos ang groundbreaking ng mahigit sa P14 Million na Farm-to-Market Road na pinondohan ng National Task Force to End Local Communist Armed Conflict o ELCAC.Layon ng proyekto na maisaayos ang bahagi ng daang nag-uugnay partikular sa mga purok ng Macopa at Papaya ng Barangay Singao patungo sa Purok San Vicente ng katabing barangay ng Balindog Kidapawan City. Pinasalamatan ng mga residente ang SI City Mayor Joseph Evangelista sa mabilis at mahusay na koordinasyon into sa national government sa pamamagitan ng ELCAC na nagbigay daan sa paglutas sa matagal na nilang suliranin sa hindi maayos na daan. May habang 1.095 kilometro ang concreting ng naturang Farm- to – Market Road, ayon sa City Planning and Development Office o CPDO.Sinabi pa ng mga residente na bagamat sa una ay naging hamon para sa kanila ang presensya ng mga komunistang grupo sa kanilang lugar, sa pamamagitan ng ELCAC ay nagkakaroon na ng pagkakataon na umunlad ang pamumuhay ng marami sa kanila at mas napapabilis na ang pagbibigay serbisyo ng pamahalaan sa pamamagitan ng maayos na daan. Isa lamang ang nabanggit na Farm-to-Market Road sa kabuuang P140 Million na mga proyekto na ipatutupad sa Lungsod ng Kidapawan sa ilalim ng ELCAC para sa taong 2021 at 2022. Kinapapalooban ito ng 44 na mga infrastructure and agricultural development, cash for work, health services, financial assistance for indigent families, electrification, water system, at livelihood program ang Php140 Million na pondo ng ELCAC para sa Lungsod ng Kidapawan. Nagmula ang pondo sa Fiscal Year 2021 Local Government Support Fund – Support to Barangay Development Program.Isinagawa ang Groundbreaking Ceremony umaga ng January 5, 2022 sa Purok Macopa ng Barangay Singao Kidapawan City.Panauhing pandangal ng okasyon si DILG XII Regional Director Josephine Leysa, DILG Cotabato Director Ali Abdullah, CLGOO Julia Judith Geveso, at mga opisyal ng Philippine Army, Philippine National Police at ng DILG. ##(CIO)

KIDAPAWAN CITY – PINURI ni Department of the Interior and Local Government Secretary Eduardo Ańo ang City Government of Kidapawan sa anti-illegal drugs campaign nito.

Personal na tinanggap ni Kidapawan City Mayor Joseph A. Evangelista

ang 2020 Anti-Drug Abuse Council Special Award Personal mula kina DILG Cotabato Provincial Director Ali Abdullah at City DILG Operations Officer ngayong araw ng Miyerkules, January 5, 2022.

Basehan ng pagbibigay parangal ang mga ginawang hakbang ng City Government of Kidapawan na mapanatiling drug cleared ang lungsod mula taong 2017-2020, ayon pa sa DILG.

Matatandaang nasa ikaanim na pwesto ang Kidapawan City sa buong bansa sa isinagawang Anti-Drug Abuse Council o ADAC Performance Audit ng DILG mula 2017 – 2020

Nakakuha ng 91.88% ‘High’ performance rating ang Lungsod ng Kidapawan sa ADAC Performance Audit, ayon pa sa DILG.

Ilan lamang sa mga programang ipinatupad ng Evangelista administration laban sa illegal na droga ay ang mga sumusunod: Balik Pangarap Program na naglalayong matulungang makabalik sa pamayanan ang mga dati ng gumagamit ng droga o Persons Who Used Drugs, Community Anti-Drug Rehabilitation Centers, Information, Education and Communication sa mga barangay at paaralan, at pagbibigay ng suporta at pondo para sa mga Barangay Drug Abuse Councils o BADAC.

Tanging Kidapawan City lamang ang nakakuha ng mataas na marka sa buong SOCCSKSARGEN Region sa 2017-2020 ADAC Performance Audit ng DILG. ##(CIO)

KIDAPAWAN CITY – PORMAL ng nai-turn over ng Department of Public Works and Highways o DPWH ang Php 25 Million na Department of Foreign Affairs o DFA Consular Office Cotabato – Kidapawan building ngayong araw ng Miyerkules, January 5, 2022 sa City Government.

Pormal na tinanggap ni Kidapawan City Mayor Joseph Evangelista ang bagong gusali ng DFA o Kagawaran ng Ugnayang Panlabas na itinayo sa lupang pag-aari ng City Government of Kidapawan sa may Alim Street, ng Barangay Poblacion, malapit lamang sa City Overland Terminal.

Malaking benepisyo ang ihahatid ng DFA Consular Office lalo na sa mga kababayang kukuha ng passport, pati na ang agarang pagsasa-ayos ng suliranin ng mga Overseas Filipino Workers na taga Kidapawan City at karatig- lugar na magta-trabaho sa ibang bansa.

Matatandaang naging commitment noon ni Mayor Evangelista na magpatayo ng DFA Consular Office na makatutulong sa pangangailangan ng passport at katulad na serbisyo ng mga taga Kidapawan City at kalapit na mga lugar.

Pinondohan ng Countrywide Development Fund ni Cotabato 2nd District Representative Rudy Caoagdan ang pagpapatayo ng tatlong palapag na gusali.

Samantala, ay magbibigay ng mga kinakailangang kagamitan ng DFA Consular Office ang Cotabato Provincial Government para sa inaantabayanang pagbubukas ng pasilidad para sa publiko sa buwan ng Marso 2022.

Nagpadala naman ng mensahe si DFA Secretary Teddy Locsin Jr, kung saan ay pinuri niya ang inisyatibo ng City Government of Kidapawan na magkaroon ng sangay ng ahensya sa lungsod.

Bahagi rin ito ng hakbang ng Duterte Administration na mailapit ng husto ang mga pangunahing programa at proyekto ng pamahalaan sa mga mamamayan.

Maliban kina Mayor Evangelista at Congressman Caoagdan, dumalo rin sa Turn-Over Ceremony ng DFA Consular Office Cotabato – Kidapawan sina NEDA XII Assistant Director Carmel Matabang na siyang nagrepresenta kay National Economic Development Authority XII Regional Director Teresita Socorro Ramos, Liezel Anne Decrepito ng DFA General Santos City na siya namang representante ni DFA Secretary Locsin, District Engineer Rey Francisco ng DPWH Cotabato 2nd District Engineering Office at si Cotabato Governor Nancy Catamco na isa sa mga panauhing pandangal ng okasyon. ##(CIO)

KIDAPAWAN CITY – NATANGGAP na ng ang mga nasiraan ng mga tahanan sa nakaraang October 2019 earthquakes ang Emergency Shelter Assistance o ESA ganundin Ang Cash for Work payment mula sa Department of Social Welfare and Development o DSWD nitong December 9-10, 2021.

Tumanggap ng P32,520 ang bawat pamilyang na totally damaged ang bahay at P11,260 naman para sa mga partially damaged mula sa iba’t-ibang barangay ng lungsod na una ng na-validate ng City Social Welfare and Development Office o CSWDO.

Kaugnay nito, P30,000 para sa ESA at additional 2,520 para sa Cash for Work sa mga totally damaged habang P10,000 ESA at P1,260 naman na Cash for Work para sa mga partially damaged, ayon naman sa Regional DSWD Office na siyang nag-abot ng tulong pinansyal sa mga beneficiaries.

Tinanggap ng unang batch ng mga beneficiaries ng ESA sa ginanap na releasing sa Multi-Purpose building ng Kidapawan City Pilot Elementary School.

Kasabay nito ang releasing din para sa iba pang beneficiaries ng ayuda na ginanap sa covered court ng Barangay Poblacion sa may Sinsuat street at sa Barangay Balindog ngayong ara

Bunga ito ng pagsisikap  ni City Mayor Joseph Evangelista na i-follow up sa DSWD ang pagbibigay ng ayuda sa mga nawalan o nasiraan ng bahay dahil sa malalakas ng paglindol noong October 2019, ayon kay City Councilor Lauro Taynan, Jr na siyang naging kinatawan ng alkalde sa ceremonial giving of Emergency Shelter Assistance.

Ipapahabol naman ng Sangguniang Panlungsod sa pamamagitan ng isang resolusyon na ipapadala sa DSWD para makatanggap din ng tulong ang iba pang nasiraan ng mga tahanan bunga ng lindol, dagdag pa ni Taynan.

Mahigit sa tatlong libong mga households sa Kidapawan City ang makatatanggap ng ESA mula sa pamahalaan ngayong December 9-10, 2021. ##(CIO)

KIDAPAWAN CITY –

MAAARI ng mag-alagang muli at magparami ng alagang baboy ang mga hog raisers at mga farmers sa Lungsod ng Kidapawan.

Ito ay makaraang ideklara ng DA12 Regional Animal Disease Diagnostic Laboratory o DA12 RADDL bilang mga African Swine Fever Free Areas ang limang mga barangay sa Lungsod ng Kidapawan na una ng ASF nitong nakalipas na taon.

Ito ay kinabibilangan ng barangay Linangkob, Mua-an, Sikitan, Gayola, at Paco na matinding naapektuhan ng ASF at nagsanhi ng pagkalugi ng mga hog raisers. 

Ginawa ng naturang ahensiya ang deklarasyon ngayong linggong ito matapos na lumabas ang negative results o Negative Viral Antigen sa lahat ng mga prosesong nakapaloob sa Exit from Quarantine Protocol na ginawa sa mga nabanggit na barangay.

Ayon kay City Veterinarian Dr. Eugene Gornez, una ng nagsumite ng mga kinakailangang sample mula sa mga apektadong piggery ang mga hog raisers ng nabanggit na mga barangay sa tulong ng kanilang tanggapan at ng Provincial Veterinarian’s Office sa Amas, Kidapawan City.

Sinabi ni Dr. Gornez na batay sa DA Administrative Order No. 7 o ang Implementing Guidelines of Bantay ASF sa Barangay Program ay kailangang obserbahan ang mga piling alagang baboy at kunan ng samples tulad ng swabbing ang mga ito para sa pagsusuri at matiyak kung meron pang ASF virus partikular sa apektadong barangay.

Sa pangunguna ni Dr. Gornez ay isinailalim sa mula tatlo-hanggang apat na buwan na pagsusuri ang mga baboy kasabay ang palagiang paglilinis at disinfection ng mga piggery, ganundin ang surveillance at inspection sa loob ng 500-meter radius ng apektadong lugar.

Matatandaang una ng namahagi ng sentinel pigs ang DA 12 sa mga apektadong hog raisers upang mapag-aralan at malaman kung meron pang ASF.

Kaugnay nito, ay nilagdaan ni Kidapawan City Mayor Joseph A. Evangelista ang isang Certification para sa mga barangay ng Linangkob, Mua-an, Sikitan, Gayola at Paco nitong Dec. 1, 2021.

“Labis akong natutuwa sa kaganapang ito kung saan nakatitiyak na tayo na wala ng ASF sa atin. Ito ay bunga ng pagsisikap ng mga concerned local and national agencies at ng mismong mga hog raisers sa lungsod”, ayon kay Mayor Evangelista.

Tiniyak din ng alkalde na tuloy-tuloy ang suporta ng City Government of Kidapawan sa mga hog raisers o nag-aalaga ng baboy kabilang na ang pagbibigay ng libreng high quality feeds, vitamins, at disinfectant.

Samantala, maituturing na ring ASF-Free Area ang buong Lungsod ng Kidapawan, ayon pa sa City Veterinarian Office habang patuloy pa rin ang panawagan ng tanggapan na magtulong-tulong ang bawat isa upang hindi na magkaroon muli ng naturang sakit ang mga alagang baboy.

Dahil dito ay maaari ng mag-alagang muli at magparami ng alagang baboy ang mga hog raisers at iba pang farmers sa lungsod (CIO-JSCJ)

KIDAPAWAN CITY (December 3, 2021) – PATULOY ang suporta at pakikiisa ng mga business establishments sa Kidapawan City sa bawat hakbang na ginagawa ng City Government of Kidapawan laban sa Covid-19.

Katunayan, ginanap ngayong umaga ng Biyernes, Dec.3, 2021 ang paglalagay ng mga tarpaulin sa entrance ng ilang mga malalaking establisimiyento na humihikayat sa publiko na ipakita ang kanilang mga vaccination cards bago pumasok at makapamili.

Mismong si Kidapawan City Mayor Joseph A. Evangelista ang nanguna sa aktibidad kasama ang City Monitoring and Compliance Team.

Kabilang sa mga nilagyan ng tarpaulin ang Citi Hardware sa National Highway, Gaisano Grand Mall sa Barangay Lanao, Land Bank of the Philippines, Kidapawan Branch, at ang entrance ng Mega Market ng Kidapawan.

“Please Present Your Vaccination Card” ang nakasaad sa naturang mga tarpaulin kung saan nagpakita ng kooperasyon at ibayong suporta ang management at personnel ng nabanggit na mga establishments.

Kaugnay nito, tiniyak nina Nieva Dane – Moreno (Team Leader- Citi Hardware), Alvin Arcipe (Operations Manager – Gaisano Grand Mall Kidapawan), at Eva Sonico (LBP Kidapawan Branch) na ipatutupad ang naturang polisiya sa harap na rin ng pagsisikap na mapanatili ang kaligtasan ng workforce at customers.

Samantala, kailangan pa ring magdala ng Cotabato Contact Tracing System o CCTS (QR Code) ang mga mamimili. Sa sandali namang walang maipakitang vaccination card ang mga customers ng Citi Hardware at Land Bank of the Philippines ay kailangang nilang isulat sa logbook ang ilang mga mahahalagang impormasyon patungkol sa kanilang sarili.

Minabuti naman ng pamunuan ng Gaisano Grand Mall Kidapawan na hanapan ng RT-PCR negative result ang mga customers na walang maipapakitang vaccination card bago ito papasukin sa mall.

Nilinaw ni Mayor Evangelista na hindi ito panggigipit at sa halip ay isang mabisang paraan upang matiyak ang kaligtasan ng bawat isa, hindi lamang ng mga trabahante kundi maging ng mga mamimili ng bawat business establishment.   

“Nais po nating matiyak ang kaligtasan ng publiko kung kaya’t tayo ay nagpapatupad ng mga polisiyang magbibigay ng proteksyon sa nakararami”, ayon kay Mayor Evangelista kasabay ang pahayag ng magandang balita na meron na lamang nalalabing tatlong (3) active cases ng Covid-19 sa lungsod.

“Ito ay bunga ng ating pagtutulungan at pagsunod sa mga itinakdang minimum health standards”, dagdag pa ng alkalde.

Inaasahan naman ang paglalagay ng iba pang mga establishment ng mga kahalintulad na tarpaulin sa susunod na mga araw.  (CIO-JSCJ/IF/AA)