Anim na kumanlong sa LGU house pumasa sa geologist licensure exam
Quezon City–Sa loob ng isang buwan naging kanlungan ng anim na mga Nagtapos nang Bachelor of Science in Geology ang LGU house ng Kidapawan City.
Saksi ang bahay na ito sa hirap at tagumpay nang mga batang ito habang sila ay sumailalim sa sariling review.
Dahil nagtitipid hindi ang LGU house na nasa #29 Maalindog Street, Teachers Village sa Quezon City ang naging kanilang pansamantalang tahanan nang libre.
Libre ang kuwartong matutulugan, ilaw at ang tubig. Ang tanging gastos lamang nang mga batang ito ay ang kanilang pagkain.
At matapos nga ang pagsusunog ng kilay, nagbunga ang kanilang pagsisikap.
Lahat lang naman kasi sila ay pumasa sa katatapos lang na Geologist Licensure Exams.
Dalawa sa mga ito na kinilalang sina JORRIEL TAN agod na taga Davao City ay nag TOP 2 habang taga Davao din na si KENNETH sangalang ay nag top 3.
Pumasa din ang kanilang mga kasamahan na sina ELRIC EVANGELISTA, MARLON SUELTO, GLEBZEN DEMONTEVERDE at ELY DANIEL CAMILLO.
nagpaabot naman nang taus pusong pasasalamat kay city mayor Joseph A. Evangelista ang mga bata dahil sa malaking tulong na anila ang pagtira sa LGU house para sila magtagukpay.
Ang LGU house sa Quezon City ay patunay na walang pinipiling tao ang kinakanlong nito.
Naging saksi narin ang bahay na ito sa tagumpay nang mga bata sa larangan nang edukasyon, at palakasan.
Sa mga nais na mag avail nang serbisyo ng LGU house mangyaring sumulat lamang po sa alkalde ng lungsod o kaya ay makipag ugnayan lang kay Ms. Maria Magdalena Bernabe ng City Human Resource and Management Office sa city hall. (Williamor A. Magbanua)
Photos: Joriel Tan Agod ( sando Top 2) and Marlon Suelto of compostella province.
PRESS RELEASE
November 22, 2018
Day Care Centers malaki ang nai-ambag sa tamang paglaki ng mga bata sa lungsod
KIDAPAWAN CITY – BINIGYANG PAGPUPUGAY NG CITY Government ang mahahalagang papel ng isandaan at pitong day care centers ng lungsod sa pagdiriwang ng Children’s Month.
Sa day care center pa lang kasi ay natuturuan na ng magandang asal ang bawat bata para sa kanyang tamang paglaki, mensahe pa ni City Mayor Joseph Evangelista sa okasyon.
Ipinarating niya ito sa pamamagitan ni City Councilor Marites Malaluan na Chair ng SP Committee on Health na panauhing pandangal sa ginanap na Children’s Congress November 22, 2018.
Malaki ang naging ambag ng mga day care workers sa pagsegurong nahuhubog ng tama ang mga bata edad 3 -4 years old bago pa man sila makatungtong sa formal schooling na nagsisimula sa kindergarten.
Nakapaloob ang pagkakaroon ng day care centers sa Right to Development and Participation ng mga bata.
Pinagtuto-unan din ng ibayong pansin ng City Government ang Right to Survival ng mga bata sa pamamagitan ng mga supplemental feeding programs sa mga public schools upang masawata ang suliranin sa malnutrisyon.
Katunayan, may mga libreng programa ang City Government para sa mga inang buntis upang masegurong malusog at ligtas ang mga bata habang ipinagbubuntis pa lang sa ilalim ng Maternal and Child Care and Wellness Program.
Sa usapin naman ng Right to Protection, saklaw nito ang pagpo-protekta sa mga bata laban sa alin mang uri ng pananakit, pang-aabuso at eksploytasyon.
Nariyan ang mga Barangay Councils for the Protection of Children na siyang inatasan na pagsegurong protektado ang mga bata sa komunidad.
Sa usapin naman ng mga Children in Conflict with the Law o CICL, may inilaang Drop In Center ang City Government na nagsisilbing pansamantala nilang tirahan.
Dito ay tinuturuan ang mga CICL na magbago at maging produktibo sa nabanggit na pasilidad sa pangangalaga ng City Social Welfare and Development Office.##(CIO/LKOasay)
Photo Caption – CHILDREN’S MONTH IPINAGDIRIWANG SA LUNGSOD: Ipinarating ni City Councilor Marites Malaluan, SP Committee Chair on Health ang mensahe ni City Mayor Joseph Evangelista sa okasyon.Pangunahing adhikain ng City Government ang pagsusulong ng mga programang pambata sa layuning gawing Child Friendly ang Kidapawan City.(CIO Photo)
PRESS RELEASE
November 22, 2018
City Gov’t at DSWD 12 namigay ng tulong pinansyal sa mga maralitang apektado ng TRAIN Law
KIDAPAWAN CITY – MAGKA-AGAPAY NA iniabot ng City Government at Department of Social Welfare and Development Regional Office 12 ang P2,400 na tulong pinansyal para sa mga maralitang benepisyaryo ng Pantawid Program ng Pamahalaan.
Nakapaloob ang tulong sa ilalim ng Conditional Cash Assistance na para sa mga member beneficiaries ng Pantawid Pamilyang Pilipino Program o 4P’s sa Kidapawan City at kalapit na lugar.
Layun ng tulong na maibsan ang epekto ng Tax Reform Acceleration and Inclusion o TRAIN Law sa mga maralitang mamamayan.
P200 kada buwan ang ayuda na lump-sum o katumbas sa isang taon ang iniabot ng City Government at DSWD sa kamay ng bawat benepisyaryo.
Nagbaba ng utos si City Mayor Joseph Evangelista sa mga kawani ng City Social Welfare and Development Office na tulungan ang DSWD 12 sa distribusyon ng cash assistance.
Ginawa ito upang hindi mabiktima ng ‘BUDOL-BUDOL’ at mga manloloko ang mga nakatanggap ng tulong pinasyal.
Isa pa ay upang masegurong sa kamay ng member beneficiary mismo didiretso ang pera at hindi sa mga indibidwal na pinagsang-laan umano ng kanilang ATM Cards.
Naglagay din ng pulis sa mga ATM booths ng Land Bank of the Philippines ang City PNP para sa seguridad ng lahat habang binibigay ang cash assistance.##(CIO/LKOasay)
Photo caption – MGA APEKTADO NG TRAIN LAW TINULUNGAN NG GOBYERNO: Inaalalayan ng mga kawani ng DSWD 12 at City Government ang member beneficiary ng 4P’s sa pagku-kubra ng kanilang tulong pinansyal mula sa Pamahalaan. Binigay ang tulong upang maibsan ang epekto ng TRAIN Law sa mga maralitang mamamayan sa lungsod at kalapit lugar.(CIO Photo)
PRESS RELEASE
November 19, 2018
Clearing sa lumang public cemetery maling impormasyon – City Government
KIDAPAWAN CITY – MALI ang impormasyong lumabas na ang City Government ang nag – utos na hukayin ang mga nakalibing sa lumang Public Cemetery sa Barangay Poblacion.
Mismong si City Administrator Lu Mayormita ang nagsabi nito matapos lumabas ang impormasyon na umano ay hinuhukay na ng mga kapamilya ang labi ng mga nakalibing sa lugar . Dahilan diumano ng paghuhukay ay ang planong pagtatayo ng bagong Fire Station ng BFP sa lugar na nabanggit.
Pinasinungalingan ni Mayormita ang nabanggit dahil hindi naman doon itatayo ang bagong istasyon ng pamatay sunog at walang permiso mula sa Lokal na Pamahalaan na maghukay ng mga libing sa lumang public cemetery. Ani pa ng opisyal, sa Barangay Magsaysay itatayo ang bagong Fire Station.
Unfair at maling-mali ang impormasyon na pinapayagan na ni City Mayor Joseph Evangelista na magsagawa ng paghuhukay at clearing sa lumang public cemetery.
Dapat munang humingi ng exumation permit sa City Government ang mga maghuhukay at maglilipat ng labi ng kanilang mga kaanak mula sa lumang sementeryo, giit pa ni Mayormita.
Bagaman totoong may plano ang City Government na ayusin ang naturang lugar, sa kasalukuyan ay nasa punto pa ito ng paghahanap ng mga kamag – anak ng mga nakalibing doon.
Matatagpuan sa dulo ng Bautista Street ang lumang pampublikong libingan na nagsilbing Public Cemetery noong mga nakalipas na taon na may sukat na 1,300 square meters na hindi pa nito ginagalaw at ginagamit sa ngayon ngunit dalawang taon na mahigit na pinagbabawal sa lugar ang paglagay ng mga bagong libing.##(CIO/LKOasay)
PRESS RELEASE
November 15, 2018
Tribal leaders at barangay IPMR’s buo ang suporta kay Mayor Evangelista
KIDAPAWAN CITY – NANIWALA AT SUPORTADO NG MGA Tribal Leaders ang paliwanag ni City Mayor Joseph Evangelista sa usapin ng recall ng sasakyan at opisina ni Indigenous Peoples Mandatory Representative Radin Igwas.
Naiintindihan ng mga tribal leaders at IP Mandatory Representatives ng mga barangay na dumalo sa dayalogong kanilang ipinatawag ang dahilan ng alkalde kung bakit naglabas siya ng isang memorandum patungkol sa naturang recall.
Sa makailang pagkakataon ay ipina-unawa ni Mayor Evangelista na ang naturang recall ay upang ayusin ang sasakyan at opisina ni Igwas.
Aayusin ang Isuzu Pick Up na sasakyan upang gamitin sa pagmo-monitor ng mga IP related programs at projects sa barangay samantalang aayusin ang opisina na magsisilbing bagong Tribal Hall and Training Center.
Katunayan ay si Igwas pa mismo ang sumulat kay Mayor Evangelista na humihingi ng pondo upang isaayos ang kanyang opisina.
Sa isyu ng sasakyan, luma na at kinakailangan ng ayusin ito ng magamit din mismo ni Igwas at IP Deputy Mayor Datu Camilo Icdang upang tingnan at kumustahin ang mga proyekto ng IP’s sa mga barangay.
May nakalaan na ring isang milyong pisong budget para sa itatayong Tribal Hall and Training Center na sisimulan ng ipatutupad sa susunod na linggo, wika pa ni Mayor Evangelista.
Kapag naitayo at natapos na ang nabanggit na pasilidad ay pwede ng mag-opisina dito si Igwas kasama ang IP Deputy Mayor, paniniyak pa ng alkalde.
Sa kabila ng kontrobersya na nilikha ng nabanggit na isyu,sinabi ni Mayor Evangelista sa mga IP’s na hindi niya pine-personal si Igwas at wala rin siyang sama ng loob dito dahil pareho lang naman silang nagmamalasakit sa mga tribo.
Mahigit sa isandaang tribal leaders at IPMR’s ang dumalo sa dayalogong ginanap sa Kidapawan City Convention Hall November 15, 2018.
Inimbitahan ng mga tribal leaders si Igwas na dumalo ngunit sa hindi malamang kadahilanan ay hindi siya sumipot sa mga pag-uusap.(LKOasay)
PRESS RELEASE
November 14, 2018
128 beneficiaries nabiyayaan ng DOLE Livelihood starter kits
KIDAAWAN CITY – MAKAKA-AHON NA SA KAHIRAPAN NG BUHAY ANG ISANDAAN AT DALAWAMPU’T WALONG beneficiaries ng DOLE Integrated Livelihood Program na nabiyayaan ng starter kits mula sa Pamahalaan.
Maari na silang makapagsimula ng maliit na negosyo mula sa starter kits na kanilang tinanggap.
Resulta na rin ng pakikipag ugnayan ni City Mayor Joseph Evangelista sa Department of Labor and Employment na naglalayung makapagbigay ng kabuhayan sa mga mahihirap na pamilya sa Kidapawan City ang DILP.
November 14, 2018 ng ibigay sa kanila ng DOLE at ng City Government ang ayudang pangkabuhayan sa isang simpleng seremonya sa City Gymnasium.
Imbes na perang pang-puhunan, mga starter kits na kinabibilangan ng kagamitan para sa sari-sari store, bigasan, pagtitinda ng ice cream at iba’t-ibang uri ng prutas, massage therapy, dressmaking at iba pa ang siyang inabot na tulong pangkabuhayan ng DOLE at City Government sa mga beneficiaries.
Nagkakahalaga ng P10,000 – P20,000 ang starter kits na tinanggap ng bawat beneficiary.
Dole-out ang ayuda na ang ibig sabihin ay wala silang babayaran sa gobyerno sa kalaunan.
Ngunit, tungkulin ng bawat beneficiaries na palaguin ang kanilang maliit na negosyo upang maitaguyod ang pamumuhay ng kanilang pamilya at makatanggap ng dagdag pang kabuhayan package mula sa DOLE at ng City Government.
Abot sa P4Million ang kabuo-ang halaga ng starter kits.
Pinangunahan ni City Councilor Jiv-Jiv Bombeo, DOLE Region XII Assistant Director Arlene Bisnon, Cotabato DOLE Chief Marjorie Latoja, Barangay Poblacion Kagawad Melvin Lamata Jr, at City PESO Manager Herminia Infanta ang pamimigay ng starter kits.(CIO/LKOasay)
Photo caption – DOLE at City Government namigay ng ayudang pangkabuhayan: Pinangunahan ni City Councilor Jiv-Jiv Bombeo (Ikalima mula sa kaliwa) ang pamimigay ng DOLE Integrated Livelihood Program starter kits sa 128 beneficiaries ng programa November 14, 2018.Dole-out ang tulong na nabanggit mula sa Pamahalaan.(CIO Photo)
Murang farm products ba ang hanap ninyo, hali na at dayuhin ang Farmer’s Market na nakatakdang bubuksan sa darating na Biyernes.
Ibat-ibang mga produkto gaya nang murang gulay, mga itlog at iba pang mga produktong pang agrikultura ang ibebenta sa murang halaga sa Farmer’s Market na matatagpuan sa pavilion ng city plaza.
Ayon kay Mayor Joseph A. Evangelista, ang pagbubukas ng Farmer’s Market ay naisakatuparan sa kahilingan narin ng mga farmer’s cooperatives.
Mas higit na mura ang mga paninda sa Farmer’s Market dahil ang mga produkto ay diretso nang ibebenta ng mga magsasaka at hindi na dadaan pa sa mga middlemen.
Mahigit sa dalawampung mga farmer’s association ang nagpahayag nang kahandaang mag display ng kanilang mga paninda sa pagbubukas ng night market.
Nilinaw ni Mayor Evangelista, na papayagan lamang na makapag display ng kanilang mga paninda ang mga farmers association kapag sila mismo ang nagtani at sa mismong barangay nila inani ang mga produktong ibebenta.
Pinag aaralan din ngayon ng City Agriculture’s Office (CAO) kung papayagan ang pagbebenta rin ng karne maging ng mga isda sa Farmers’ Market.
Maging ang pagtitinda ng mga livestock’s ay pinag iisipan din ng LGU.
Isinaalang alang din kasi ng City Government ang sanitation sa lugar lalo pa at inaasahang maraming mga Kidapaweno ang bibisita sa sa city pavilion.
Gayunman, kampante si Mayor Evangelista na maraming mga taga lungsod ang tatangkilik sa Farmers’ Market lalo pa at mas lalong higut na mura ang presyo ng mga paninda dito.
Inanyayahan din ng alkalde ang mga kalapit bayan na dumayo sa Farmers market at tangkilikin ang mga panindang mula mismo sa sakahan at taniman ng mga magsasaka sa Kidapawan. (CIO)
KIDAPAWAN CITY – PINARANGALAN Ng Dangerous Drugs Board ang City Government sa mga anti-illegal drugs program nito.
Personal na iniabot ni DDB Chair Catalino Cuy kay City Mayor Joseph Evangelista ang parangal sa Launching ng Drug Abuse and Control Week sa Lucban, Quezon November 12-16, 2018 kung saan isa ang alkalde sa mga naimbitahang bisita at speaker ng okasyon.
Pinuri ng DDB at mismong Lucban Quezon Mayor Celso Oliver Dator ang mga programa ni Mayor Evangelista partikular ang Balik Pangarap Program at Barkada Kontra Droga.
Kaaya-aya at praktikal ang nabanggit na mga programa na naglalayong matulungang makabalik sa lipunan ang mga dati ng gumagamit at nalulong sa illegal na droga, wika pa ng DDB at Lucban LGU.
Maari kasing gayahin ng Lucban LGU at ng iba pang Local Government Units ng bansa ang Balik Pangarap at Barkada Kontra Droga ng Kidapawan City.
Ibinahagi ni Mayor Eavngelista ang mga success stories na resulta ng naturang mga programa.
Maliban sa mga nabanggit, may sarili na ring community based treatment intervention ang Kidapawan City.
Una ng natapos ang Community Based Drug Rehab Program sa Barangay Nuangan, samantalang nagpapatuloy din ito sa Mua-an at sa Poblacion sa kasalukuyan.
Hindi lamang natutulungan nito na makapagbagong buhay yaong mga drug users kungdi may kaakibat din na livelihood at skills training ng sa gayon ay meron silang mapapagkakitaan at hanapbuhay.(LKOasay)
Kidapawan City Mayor Joseph A. Evangelista, receives a Plaque of Appreciation from Secretary Catalino S. Cuy, Chairman of the Dangerous Drugs Board for unwavering commitment and genuine support to the anti-drug campaign of the government and for the significant contributions in the field of drug demand reduction through the continuing conduct of preventive drug education program. Mayor Joseph Evangelista, is very supportive to the Balik Pangarap program that gives opportunity to the recovering drug dependents to undergo Community Based Rehabilitation Program. The mayor also supports Kabataan Kontra Droga, aims to inculcate into the minds of young Kidapaweno the ill-effect of illegal drug especially in their studies and future as well. Mayor Evangelista, receives the plaque during simple ceremony in Lucban, Quezon on November 12.
PHOTOS AND VIDEOS SEE MORE PHOTOS | SEE MORE VIDEOS
