Author: IAN FAMULAGAN

Kidapawan City — (November 1, 2023)
Apat na karangalan ang iniuwi ng Lokal na Pamahalaan mula sa taonang programa ng pagkilala sa mga performing Local Government Units ng Department of Interior and Local Government (DILG) sa SOCCSKSARGEN Region sa Koronadal City kahapon, October 31, 2023.

Kabilang sa 43 Outstanding LGU Implementers ng mga Programa, Proyekto, at Activities (PPA) ng DILG, ang Kidapawan City para sa taong 2023, na tumanggap ng apat na awards at pagkilala– ang Most Functional Local Project Monitoring Committees (LPMCs), Most Outstanding Peace and Order Council (POC), Most Outstanding Anti-Drug Abuse Council (ADAC) Program (Hall of Famer Awardee), at Most Outstanding Sanggunian (Component Cities Category / 2nd Runner-Up).

Personal na tinanggap nina City Administrator Janice Garcia, Executive Assistant/ CPMC Member Peter Salac, DILG-CLGOO Julia Judith, CADAC Secretariat Cheryl Cawagas, at SP Secretary Blessie Cagayao, bilang mga kinatawan ni City Mayor Atty. Jose Paolo Evangelista.

KIDAPAWAN CITY – (October 26, 2023)
Hinikayat ni City Mayor Atty. Jose Paolo Evangelista ang mga kooperatiba, na patuloy na makiisa at makipagtulungan sa Lokal na Pamahalaan sa mga programa at proyektong isinusulong nito lalo na tungkol sa food security, kasabay ng Cooperative Forum Culmination program kahapon sa City Gym.

Hiniling ng alkalde sa mga kooperatiba, na palawakin pa ang membership para sa mga magsasaka sa lungsod upang masiguro na may pagkaing mabibili sa murang halaga sa mga palengke dito.

Pinasalamatan din ng alkalde ang malaking naiambag ng mga kooperatiba sa Canopy25 Climate Change Mitigation Program ng City Government, kung saan nakiisa sila sa pagtatanim ng mga puno sa kagubatan at watersheds ng lungsod, bilang bahagi ng selebrasyon ng Coop Month ngayong buwan.

Kamakailan ay kinilala ng Cooperative Development Authority ang Kidapawan City Government bilang isa sa mga LGU sa bansa na aktibong nagsusulong at nagbibigay suporta sa mga kooperatiba.

Kidapawan City – (October 25, 2023)
Sinolusyonan na ng Lokal na Pamahalaan ang matagal nang suliranin ng mga magsasaka sa lungsod tungkol sa mapagbibilaran ng kanilang mga ani.

Kanina, itinurn-over na ng LGU, sa pamamagitan ni City Mayor Atty. Jose Paolo Evangelista, sa mga asosasyon at Barangay Local Government Units (BLGU), na kinabibilangan ng Samahan ng mga Agrarian Reform Beneficiaries at magsasaka ng Barangay Gayola, Gasan-Esmar Irrigators Association, Ganesan Irrigators Association, Malinan Small Water Impounding System Association, Patadon Farmers Association, Macebolig Farmers Association, Sumbac Farmers Association, BLGU ng Sikitan, Macebolig, Gayola at Junction, ang kanilang hiniling na solar dryers.

Kaya naman, inaasahang maiibsan ang gastos sa trucking ng mga magsasaka gayundin ang ibinabayad nilang renta sa mga pribadong binibilaran nila ng kanilang mga ani. At bilang balik naman sa lungsod, inaasahang mas mahihikayat pa sa pagtatanim ng palay ang mga magsasaka para naman sa isinusulong na food security ng LGU.

Kanina, itinurn-over na ng LGU, sa pamamagitan ni City Mayor Atty. Jose Paolo Evangelista, sa mga asosasyon at Barangay Local Government Units (BLGU), na kinabibilangan ng Samahan ng mga Agrarian Reform Beneficiaries at magsasaka ng Barangay Gayola, Gasan-Esmar Irrigators Association, Ganesan Irrigators Association, Malinan Small Water Impounding System Association, Patadon Farmers Association, Macebolig Farmers Association, Sumbac Farmers Association, BLGU ng Sikitan, Macebolig, Gayola at Junction, ang kanilang hiniling na solar dryers.

Kaya naman, inaasahang maiibsan ang gastos sa trucking ng mga magsasaka gayundin ang ibinabayad nilang renta sa mga pribadong binibilaran nila ng kanilang mga ani. At bilang balik naman sa lungsod, inaasahang mas mahihiyakat pa sa pagtatanim ng palay ang mga magsasaka para naman sa isinusulong na food security ng LGU.

Kidapawan City – (October 25, 2023)
Sinimulan na ng mga residente ang paglilinis sa mga sementeryo sa lungsod nitong araw ng lunes, October 23 o siyam (9) na araw bago ang Undas.

Maliban sa nagkalat na mga basura, nilinis din nila at tinanggal ang mga damo.

Mayroong dalawa (2) na pampublikong sementeryo dito sa lungsod, na kinabibilangan ng Catholic Cemetery sa Diamond Street, Barangay Poblacion, at ang Public Cemetery sa Brgy. Binoligan.

Mayroon ding dalawa (2) na mga pribadong sementeryo, na nasa barangay Kalasuyan, at Bautista Street sa Barangay Poblacion.

Sa darating na November 1 at 2, bawal na ang pagdadala ng matatalim at matutulis na bagay katulad ng kutsilyo at gunting, gamit pangsugal, at alak, papasok sa mga sementeryo.

Samantala, maglalagay ng assistance desk ang City PNP, habang libreng naman ang tubig maiinom, kape, arroz caldo, blood pressure check-up, dengue NS1 test, manicure, pedicure at gupit mula sa Lokal na Pamahalaan.

Apatnapu’t anim (46) na hog raiser mula sa ibat-ibang barangay ng lungsod ang tumanggap ng kabuuang 270 bags at 10kgs ng feeds sa programang Feed Loan ng Lokal na Pamahalaan, kahapon, October 23.

Kaya naman, mula buwan ng Agusto ng taong ito, isandaan at anim napu’t walo (168) ang bilang ng mga benepisyaryo.

Sa Feed Loan Program, imbes na magbayad ang mga Hog Raiser ng higit P8,000, kalahati nalang nito ang kanilang babayaran sa Office of the City Veterinarian (OCVET) kapag naibenta na ang kanilang mga alagang baboy.

Ayon kay City Mayor Atty Jose Paolo Evangelista, sa pamamagitan nito, matutulungan ang mga Hog Raiser sa gastos sa kanilang baboyan at pati narin sa pag-angat ng kanilang kabuhayan.

KIDAPAWAN CITY – (October 23, 2023)
Nakadisplay ngayon sa City Gymnasium ang sari-saring produkto na gawa ng iba’t-ibang kooperatiba sa lungsod kasabay ng pagtatapos ng Cooperative Month Celebration.

Sa product display, na magtatagal hanggang bukas, mabibili ang mga Local products katulad nalang ng native products and handicrafts, native foodstuffs, organic rice, at baked goods.

52 na mga kooperatiba sa lungsod ang nagtipon-tipon para sa okasyon.

Maliban sa product display, itinampok sa Coop Month 2023 ang bloodletting, tree planting, sports fest, larong pinoy, at ang pagkilala sa mga natatanging kooperatiba sa lungsod.

Inaasahan naman ang pagdalo ni City Mayor Atty Jose Paolo Evangelista bilang panauhing pandangal sa programa.

KIDAPAWAN CITY – (October 24, 2023)
Sa Barangay Poblacion nakatakdang itayo ang dalawang palapag na multi-purpose building para sa Reserve Infantry Battalion ng Reserved Command ng Armed Forces of the Philippines o AFP ng Probinsya ng Cotabato.

Kanina, isinagawa ang groundbreaking ceremony, bilang opisyal na pagsisimula sa konstruksyon ng itatayong infrastructure project, na dinalohan ng mga kinatawan ng AFP, AFP Reservists, DPWH, Kidapawan City Councilors at Department Managers.

Ang pondong gagamitin sa pagpapatayo ng gusaling ito ay manggagaling sa Congressional Fund ng 2nd Congressional District habang ang lupa namang pagtatayuan ay mula sa Kidapawan LGU.
Kung kaya, bahagi ng gusali ay gagamitin din nito.

Ang AFP Reservists ay mga sibilyan na sumailalim sa mga pagsasanay upang maging katuwang ng AFP sa panahon ng emerhensya, kalamidad at iba pang krisis.

Inaasahang matatapos ang gusali sa Abril sa sususnod na taon.

Kidapawan City – (October 23, 2023)
Pitong mga atleta, na nag-uwi ng karangalan sa lungsod, ang pinarangalan ng Lokal na Pamahalaan, kasabay ng convocation program sa City Hall Lobby, kanina.

Ito’y sina Sheen Nebres, Kristallen Gaspe, Randolph Gantuangco, Jefferson Medida, Von John Letada, at Limuel Fernandez, na nagkamit ng unang gantimapala sa pinakaunang Hermosa Ultimate Frisbee Tournament noong Oktubre 7-8, 2023 sa Edwin Andrew’s Air Base, Zamboanga City; at Jhong Marasigan, na nagkampeyon sa Offroad Challenge – Stock Modified Category sa 67th Baungon, Bukidnon Charter Day Celebration nito lamang Oktubre 14, 2023.

Pinarangalan din si Disability Affairs Officer Louie Quebec ng City LGU, na tumayong Frisbee Team Manager.

Inaasahan ng Lokal na Pamahalaan na sa pamamagitan ng pagkilalang ito ay mas marami pang mga manlalaro sa lungsod ang mahihikayat na pagtagumpayan ang mga patimpalak na kanilang lalahukan.

Kidapawan City – (October 23, 2023)
Pinasalamatan at pinuri ng City Government ang ipinakitang kabutihang-loob ng labing isang (11) empleyado nito matapos nilang tulungan ang isang residenteng nagkaroon ng temporary amnesia kamakailan lang.

Kinilala ang mga empleyado na sina: Roel Camat, Gelbert Daligdig, at Victor Encarnacion ng Civil Security Unit (CSU); Noel Ledesma ng Traffic Management Enforcement Unit (TMEU); PEMS Mai Yasmin Labuga, Pat. Jerson Chavez, at Pat. Jobert Panictican ng City PNP; Alfred Manso, Rome Canson, Ryan Jan Simpao, at Rogelio Poselero III ng K9 Unit.

Inaasahan ng City Government na ang kanilang ipinamalas na kabutihang-loob ay magsilbing inspirasyon upang tularan ng kanilang kapwa lingkod bayan.

Kidapawan City — (October 23, 2023)
Pinuri ng City Government ang kagitingan ng tatlong kasapi ng Barangay Peacekeeping Action Team (BPAT) sa katatapos lang na flag ceremony sa City Hall, kanina.

Tumanggap ng Certificate of Commendation ang magkapatid na Dionisio at Albert Cortez dahil sa kanilang ipinakitang kagitingan sa pagkakahuli ng mga carnapper sa Barangay Amazion-Paco Boundary sa lungsod noong September 18, 2023.

Katulad na Certificate din ang tinanggap ng kasamahan nilang si Sanbert Tabanao, dahil din sa ipinakita nyang kagitingan sa pagkakahuli naman ng isang tulisan sa Barangay Balindog sa lungsod noong August 29, 2023.

Umaasa ang City Government, na magiging modelo ang tatlong BPAT members sa kanilang mga kasamahan at sa komunidad narin sa kabuoan.