Author: IAN FAMULAGAN

After 3 years of hiatus, SOCCSKSARGEN Region’s prime products, culture, and tourist destinations will once again be showcased in 𝗧𝗿𝗲𝗮𝘀𝘂𝗿𝗲𝘀 𝗼𝗳 𝗦𝗢𝗫: A Travel & Trade Expo Year 5 on June 23-25, 2023 at Midtown Atrium, Robinsons Place Manila.

𝑬𝒙𝒄𝒊𝒕𝒊𝒏𝒈 𝑬𝒙𝒉𝒊𝒃𝒊𝒕 𝑶𝒇𝒇𝒆𝒓𝒊𝒏𝒈𝒔:
*Iconic Crafts
*Wearables/ cultural fabric
*Fishery Products
*Processed Foods
*Tour Packages on sale
*Free Sultan Kudarat coffee

𝑹𝒆𝒈𝒖𝒍𝒂𝒓𝒔
*B2B – SOX Tourism Council and other Tour Operators
*Investment Forum
*Product Presentations

Daily Cutural Performances by

• Koronadal Hinugyaw Dance Troupe

Fashion Show

• Fashion Collections by Ivan Raborar

𝑺𝑨𝑽𝑬 𝑻𝑯𝑬 𝑫𝑨𝑻𝑬𝑺!

See you there!

📸Treasures of SOX (FB Page)

Isa sa pangunahing layunin ng banderang Luntian Kidapawan ng lokal na pamahalaan ay ang pagsiguro at pagpapalakas ng food sufficiency at isa sa mga pangunahing hakbang upang makamit ito ay ang paghikayat sa mga magsasaka ng lungsod na magtanim ng mga gulay at prutas. Subalit, panay naman ang pagsubok na hinaharap ng mga magsasaka dulot ng patuloy na pagtaas ng presyo ng mga fertilizer, binhi, at iba pang farming products at agricultural inputs, dinagdagan pa ng mahigit dalawang taong pandemyang COVID-19 na nagdulot sa iba na mahirapang magsimula muli.

Bilang tugon sa mga hinaing at pangangailangan ng mga magsasaka sa lungsod ay may mga farm inputs at equipments na iniaabot sa iba’t-ibang grupo ng mga magsasaka sa Kidapawan sa pamamagitan ng Office of the City Agriculturist. Ang mga nabanggit na mga ayuda ay iniimbak at dinadaan sa masusing inspekyon bago ipinapamahagi upang masiguro na kapaki-pakinabang ito.

Subalit, nangangailangan ang mga farm inputs na kinabibilangan ng mga binhi, pampataba at kemikal, farming tools, equipments at machineries ng angkop na imbakan upang masigurong ligtas ito mula sa iba’t-ibang mga elemento, maiwasang masira o mawala, at masigurong maipamahagi sa mga benepisyaryo na nasa tamang kondisyon.

Giit pa ni City Agriculturist Marissa T. Aton ay maraming beses na na hindi naiimbak ng maayos ang mga farm inputs noon na nakatakdang ipamigay sa mga magsasaka at iba pang mga asosasyon dahil sa walang angkop na istruktura na pagiimbakan noon. Ito ay nakakalat sa iba’t-ibang pasilidad ng compound, at kadalasan dahil sa hindi angkop na pagiimbak sa mga ito ay nakakalimutan o di naman kaya ay nalalantad ito sa mga elemento at mga peste na maaaring makasira sa mga ito.

Dahil dito ay pinatayuan nga ng angkop na imbakan ang OCA sa loob ng DA Compound na matatagpuan sa Barangay Kalaisan ng lungsod. Ang nasabing compound ay may lawak na 4.8 hectares kung saan nakapaloob ang lahat ng proyektong pang-agrikultura, demo area at imbakan ang mga farm inputs at equipments.

Upang mas masiguro na ligtas at nasa tamang kondisyon ang mga nakatakdang ipamahagi na mga farm inputs sa mga farmer associations at organizations ay pinagawan ng sariling pasilidad ang Office of the City Agriculturist ng 8×12-meter Agricultural Production and Food Sufficiency Program Bodega na nagkakahalaga ng abot sa P 2,082, 491.00. Pondo na kinuha mula sa 2022 budget 20% Economic Development Fund.

Ngayon ay makakasiguro na ang mga mamamayan at mga benepisyaryo na tiyak na makakarating sa kanila ang mga tulong nang nasa pinakamaayos na kondisyon. Dagdag pa ni Ms. Aton ay asahan daw na mas lalo pang mapapaganda ang takbo ng serbisyo na ibinibigay ng kanyang tanggappan para sa Kidapaweño at maisulong ang Food Sufficiency sa ilalim ng banderang Luntian Kidapawan

KIDAPAWAN CITY (June 19, 2023) – TUMANGGAP ng accreditation mula sa Office of the City Mayor ang tatlong mga People’s Organizations o POs mula sa lungsod.

Sa pamamagitan ng accreditation ay mabibigyan ng prayoridad para sa pagtanggap ng livelihood projects mula sa City Government of Kidapawan ang tatlong POs na kinabibilangan ng Manongol IP Women’s Organization, Kidapawan City Inland Fisherfolks Association at Poblacion Overseas Filipino Workers Association.

Personal na iniabot ni City Mayor Atty. Jose Paolo M. Evangelista kasama ang mga miyembro ng Sangguniang Panlungsod ang Certificate of Accreditation para sa tatlong POs sa ginanap na Flag Raising Ceremony at Employee Convocation ngayong umaga.

Sumailalim muna sa training ng Advancing the People’s Organization of Kidapawan CIty Through Innovation and Development of Social Capital o APO KIDS ang mga nabanggit na POs.

Isa sa mga nangungunang programa ni Mayor Evangelista ang APOKIDS na naglalayong tulungang maging matatag, maunlad at produktibo ang mga PO at Civil Society Groups sa lungsod.

Binigyan ng kaalaman sa financial literacy, entrepreneurial mind-setting, simple bookkeeping, records management and leadership and management seminar workshops ang tatlong nabanggit na POs, ayon kay Atty. Levi Jones Tamayo, ang Head ng Civil Society Development Unit (CSDU) ng City Mayor’s Office.

Sapat na ang naturang mga trainings para makatanggap ng ayudang pangkabuhayan mula sa City Government of Kidapawan ang naturang mga POs, dagdag pa ni Tamayo.

Kabilang sa first batch ang tatlong mga POs na nakatanggap ng accreditation o pauna lamang sa mga organisasyon na tinutulungan ng CSDU kung kaya’t hinihikayat ang iba pa na ayusin ang pamamalakad upang makatanggap din ng tulong mula sa Lokal na Pamahalaan. (CIO)

KIDAPAWAN CITY (Hunyo 19, 2023) – PORMAL na ipinakilala ang abot sa 12 bagong itinalagang government doctors sa Lungsod ng Kidapawan sa ginanap ng Flag Raising Ceremony and Employee Convocation sa City Hall Lobby ngayong araw ng Lunes, Hunyo 19, 2023.
Ito ay kinabibilangan nina Dr. Lady Lyssah D. Salac na itinalaga sa Office of the Senior Citizen Affairs o OSCA, Dr. Christine Delight Ruiz na itinalaga sa Universal Health Care – Primary Care Facility (North Easter Kidapawan UHC) na matatagpuan sa Barangay Mua-an; Dr. Kenneth O. Pedregosa na napabilang sa programang Doctors to the Barrios o DTTB, Dr. Jovelina Morillo, Dr. Christina Chen, Dr. Meriefleur Eddah Gabunales, Dr. Aenizylle Lara Salvilla, na pawang nakatalaga sa City Health Office o CHO; Dr. Jose Martin M. Evangelista, Pediatrician – CHO; Dr. Ted Calica – CHO; at mga dentists na sina Dr. Michelle Debelos, Dr. Marietta Teofilo, at Dr. Maricel Alvarez (augmentation from Dept. of Health).
Malugod naman silang binati ni City Mayor Atty. Jose Paolo M. Evangelista kasama ang mga Konsehal ng lungsod na sina Jason Roy Sibug, Carlo Agamon, Galen Ray Lonzaga, Michael Ervin Ablang, at ABC Pres/Ex-Officio Morgan Melodias at ng mismong mga empleyado ng City Government of Kidapawan.
Dumalo din sa aktibidad sina City Health Officer Dr. Jocelyn Encienzo, Assistant City Health Officer Nerissa Paalan, at Admin Officer IV Ian Russel Gonzales.
Nangako naman ang naturang mga doktor na pag-iibayuhin ang kanilang serbisyo alisunod sa mandato ni Mayor Evangelista na laging unahin ang kapakanan ng mamamayan partikular na sa aspeto ng kalusugan at kaligtasan

TUMANGGAP ng mga bagong gawang “Umpak” o tribal attire ang mga mag-aaral ng abot sa limang mga Indigenous Peoples School na matatagpuan sa Kidapawan City. Kabilang dito ang Datu Domingo Ongcas IP School sa Barangay Ginatilan, Datu Umpan IP School sa Barangay Balabag, Datu Umin IP School sa Barangay Junction, Datu Igwas IP Integrated School sa Barangay Perez, at Datu Ambas Manib IP School sa Barangay Ilomavis na ang mga mag-aaral ay pawang nabibilang sa tribong Obo Monuvu.Ginawa ang unang pamamahagi ng libreng “Umpak” nitong Hunyo 14, 2023 sa Datu Domingo Ongcas – 82 mag-aaral (Kinder to Grade 4) at Datu Umpan 175 mag-aaral (Kinder to Grade 6).Ang ikalawang pamamahagi naman ay ginanap naman ngayong araw Hunyo 16, 2023 sa Datu Sumin – 82 mag-aaral (Grade 4) at Datu Igwas – 260 mag-aaral (Kinder to Grade 10). Itatakda pa ang araw ng pamamahagi sa Datu Ambas Manib na abot sa 50 mag-aaral (Kinder to Grade 2) ang makatatanggap din ng libreng IP attire.Ang “Umpak” ay customary attire na naka-disenyong blouse para sa mga babae at disenyong jacket naman ang para sa mga lalaki IP pupils na kanilang gagamitin sa pagpasok sa paaralan bawat Biyernes. Ginagamit ito kasabay o kasama ang mga accessories sa katawan na sinusuot ng Obo Monuvu. Ang mga disenyo naman ng “Umpak” ay nagpapakita ng mayamang kultura ng mga IP at ang kanilang pagmamahal sa sariling kasuotan.Ginawa ng City Government of Kidapawan sa pangunguna ni Mayor Atty. Jose Paolo M. Evangelista ang pamamahagi ng libreng “Umpak” o IP attire sa mga mag-aaral na Obo Monuvu upang mapanatili at mas mapalakas pa ang kanilang kultura at tradisyon sa harap na rin ng makabagong panahon.Sang-ayon naman dito si City Schools Division Superintendent Dr. Natividad G. Ocon, CESO VI kung saan binigyan niya ang go-signal ang pagsusuot ng “Umpak” sa mga nabanggit na paaralan bawat Biyernes. Si Ana Amelita S. Lapotaje, Presidente ng IP Women Federation of Kidapawan ang umikot sa mga IP schools para sa kaukulang koordinasyon, pagkuha ng bilang at sukat, at schedule ng pamamahagi ng mga “Umpak”. (CIO)

KIDAPAWAN CITY (Hunyo 13, 2023) – NAGBUNGA ang pagsisikap ng abot sa limampu’t tatlong jobseekers sa isinagawang 125th Independence Day: Kalayaan Job Fair sa City Convention Center kahapon, Hunyo 12, 2023.

Ito ay makaraang matanggap sila o Hired On The Spot (HOTS) at agad ding magsisimula sa trabaho, ayon kay Public Employment Service Office o PESO Manager Herminia Infanta.

Sa naturang bilang na 53, dalawampu’t dalawa ang male applicants habang nasa tatlumpu’t-isa naman ang female applicants, na pawang natanggap sa local employments, ayon pa kay infanta.

Layon ng 125th Independence Day: Kalayaan Job Fair na matulungan ang mas jobseekers mula sa Kidapawan City at maging sa mga kalapit na munisipyo o probinsiya na makahanap ng mapapasukang trabaho na angkop sa kanilang kakayahan o kapasidad.

Nagsimula ang job fair alas-otso ng umaga at nagtapos bandang alas-tres ng hapon kung saan nakapagtala ang PESO Kidapawan ng kabuoang bilang na 135 interested job applicants.

Samantala, ang mga local companies/employers na nagbukas ng kanilang kumpanya sa mga aplikante ay kinabibilangan ng Gaisano Grand Kidapawan, Toyota Kidapawan, Skygo Marketing, Elvir’s Bluesky Telecom, at McDonalds.

Kaugnay nito, pinasalamatan naman ni Infanta ang naturang mga kumpanya at ganundin ang Department of Labor and Employment o DOLE sa patuloy sa suporta at sa maayos na koordinasyon sa bawat job fair na isinasagawa ng PESO.

Magpapatuloy raw ang PESO Kidapawan sa pagsasagawa ng mga job fair alinsunod na rin sa mandato ni City Mayor Atty. Jose Paolo Evangelista na tulungang makahanap ng trabaho ang malaking bilang ng mga jobseekers mula sa lungsod lalo na ang mga fresh graduates. (CIO)

KIDAPAWAN CITY (Hunyo 10, 2023) – MALAKI ang magagawa ng itatayong Dog Impounding Building project sa pagpapalakas ng serbisyo ng Office of the City Veterinarian o OCVET.

Ginawa ang groundbreaking ng proyekto sa Barangay Kalaisan kahapon, Hunyo 9, 2023 na pinangunahan ni Mayor Atty. Jose Paolo Evangelista kasama si City Veterinarian Dr. Eugene Gornez at mga konsehal ng lungsod na sina Galen Ray Lonzaga, Michael Earvin Ablang, at Judith Navarra.

May kakayahang nag-accommodate ng mula 40-60 na mga asong mahuhuli sa Operation Askal (asong kalye) o street dogs ang itatayong dog impounding building.

Isa sa mga hamon na kinakaharap ng OCVET ay ang kakulangan ng impounding area para sa mga aso kaya sagot ito sa kahilingan ng tanggapan.

Sa oras na matapos ang bagong gusali ay inaasahang mapapalawak pa ng OCVET ang kanilang serbisyo para na rin sa kaligtasan ng publiko partikular na ang pagsugpo sa nakamamatay na rabies at aksidente sa daan dulot ng mga pagala-galang aso, ayon na rin sa mandato ni Mayor Evangelista sa OCVET.

Nagbigay naman ng ibayong sigla at inspirasyon kay Dr. Gornez ang itatayong building ganon din sa hanay ng mga personnel ng OCVET.

Matatandaang may dog impounding ang OCVET sa Barangay Magsaysay pero ito ay hindi sapat para mag-accommodate ng mga aso maliban pa sa may kalumaan na ang pasilidad.

Mula naman sa 20% Economic Development Fund o EDF 2023 ang P1.8M na pondong gagamitin sa konstruksiyon ng bagong dog impounding ayon sa inilatag na Program of Work na inilatag ng Office of the City Engineering.

Agad sisimulan ngayong Hunyo ang pagtatayo ng proyekto at inaasahang matatapos sa 4th quarter ng kasalukuyang taon. (CIO)

KIDAPAWAN CITY (Hunyo 6, 2023) – MAHALAGA ang paglalagay ng box culvert sa kanal upang maging maayos ang daloy at maiwasan ang overflowing o pag-apaw ng tubig.
Kaya naman isang magandang balita para sa mga residente ng Purok 1 ng Barangay Indangan sa Kidapawan City ang isinagawang groundbreaking ng box culvert project (one barrel box culvert, slope protection and PCCP) ngayong araw ng Martes, Hunyo 6, 2023, alas-siyete y media ng umaga.
Nagkakahalaga ng P2,260,219.00 ang nabanggit na proyekto na nanggaling sa Local Disaster Risk Reduction and Management Fund o LDRRMF of 2023 at tinatayang matatapos sa loob ng 90 araw, ayon kay Engr. Lito Hernandez, ang City Engineer ng Kidapawan.
Bahagi naman ito ng priority infrastructure projects ng City Government of Kidapawan para sa mga barangay tulad ng Indangan at iba pang mga lugar na nangangailangan ng makabuluhang proyektong magpapaangat ng kanilang pamumuhay.
Matatandaang bago lamang ay nagkaroon din ng groundbreaking ceremony ng mga proyekto sa iba pang mga barangay tulad ng Manongol, Perez, at Sibawan kung saan mismong si City Mayor Atty Jose Paolo Evangelista ang nanguna kasama ang mga konsehal, key personnel mula sa City Engineering, OCBO, at iba pang opisina.
Ayon kay Mayor Evangelista, ibinabalik lamang ng City Government of Kidapawan ang buwis na kanilang binabayaran sa pamamagitan ng proyekto tulad ng box culvert na lubhang mahalaga para sa Purok 1 ng Indangan.
Dapat raw ingatan ng mga residente ang proyekto sa pangunguna ni Punong Barangay Sedinio Alilian at mga barangay kagawad dahil ito ay inilaan para sa kaayusan ng barangay.
Kabilang sa pag-iingat na gagawin ay huwag silang magtapon ng basura sa kanal upang hindi bumara at hindi agad masira ang box culvert.
Sa ginanap na groundbreaking sa Indangan ay dumalo naman ang mga Konsehal ng lungsod na sina Airene Claire Pagal, Judith Navarra, Aljo Cris Dizon, Michael Earving Ablang, at Galen Ray Lonzaga na pawang nagpahayag ng kasiyahan at suporta sa barangay.
Buo din ang suporta na ibinigay ng mga Department Heads na sina Engr. Hernandez, Engr. Jicylle Merin (OCBO) at Acting City Administrator Janice V. Garcia sa naturang aktibidad. (CIO)

KIDAPAWAN CITY (Hunyo 5, 2023) – LUBOS ang kasiyahan ng mga residente ng Barangay Sibawan, Kidapawan City makaraang gawin ang groundbreaking ceremony ng road concreting project na nagkakahalaga ng P6.6M ngayong araw ng Lunes, Hunyo 5, 2023, alas-nuwebe ng umaga.

Abot sa 620 meters ang haba ng naturang road concreting project na ang pondo ay mula sa 20% Economic Development Fund o EDF ng 2023 (Resolution No.079 – Reprogrammed).

Masiglang pinangunahan ni City Mayor Atty. Jose Paolo Evangelista ang groundbreaking ceremony ng gagawing kalsada na siya namang magbibigay ng ginhawa sa mga residente at iba pang gagamit o dadaan sa lugar.

Kasama ng alkalde sa mahalagang aktibidad sina City Councilors Rosheil Gantuangco-Zoreta, Aljo Cris Dizon, Francis Palmones, Jr. at mga Department Heads ng City Government na sina Engr, Lito Hernandez (City Engineering), Engr. Jicylle Merin (Office of the Building Official), Engr. Francisco Tanaid, Jr. (Assistant CGSO), at Acting City Administrator Janice V. Garcia, pati na ang mismong mga kagawad ng Barangay Sibawan.

Una ng ipinarating ni Punong Barangay Roger Toledo ng Sibawan ang kanyang taos-pusong pasasalamat sa City Government of Kidapawan at sa administrasyon ni Mayor Evangelista sa paglalagay ng mahalagang proyekto sa kanyang barangay.

Inaasahang matatapos ang konstruksyon ng nabanggit na road concreting project sa loob ng 75 araw, ayon sa Office of the City Engineer. (CIO)

KIDAPAWAN CITY (Hunyo 5, 2023) – INIHAYAG ng Business Permit and Licensing Office o BPLO ang kanilang accomplishment report o mga nagawa mula Enero hanggang Mayo 2023 sa flag raising ceremony at employee convocation na ginanap alas-otso ng umaga ngayong araw ng Lunes.

Sa pangunguna ni BPLO Head Lope B. Quimco ay nakapag-issue ng abot sa 4,760 Business Permits ang naturang tanggapan kung saan 4,122 ay renewals o mga existing businesses at 638 ay mga new business holders o bagong bukas na negosyo.

Matatandaang naging matagumpay ang Electronic Business One-Stop-Shop o E-BOSS na isinagawa ng City Government of Kidapawan sa pangunguna ng BPLO kasama ang iba pang tanggapan ng City Government at mga national line agencies.
Tungkulin ng BPLO na bigyan ng kaukulang business permits and licenses ang mga negosyo sa lungsod maging ito man ang ay existing business o new business basta kumpleto at aprubado ang lahat ng requirements sa pagkuha ng nabanggit na mga dokumento.

Maliban rito ay na nakapag-proseso din ang BPLO ng abot sa 3.041 tricycle permits. Sa kasalukuyan ay nakikipagkoordinasyon sila sa Traffic Management and Enforcement Unit o TMEU para sa apprehension ng nalalabing 310 tricycle operators/drivers na hindi nakakuha ng kaukulang tricycle permit.

Nakapagbigay rin ng libreng serbisyo ang BPLO sa abot sa 10 barangay sa lungsod sa isinagawang Kidapawan Dad-an ug Proyekto ug Serbisyo o KDAPS kung saan hindi na kinailangan pa ng mga residente na magtungo sa iba’t-ibang tanggapan dahil mismong ang BPLO kasama ang ibang opisina ang pumunta sa kanilang barangay.

Bahagi o kasama din ang BPLO sa itinatag na Joint Inspection Team na nagmo-monitor/nagsasagawa ng inspection sa mga business establishments na nagresulta sa 386 Notice of Violations at 251 Closure Orders. Sa naturang bilang ay abot naman sa 177 ang matagumpay na nakakuha ng Business Permit matapos makapag-comply sa lahat ng requirements na itinakda ng City Government.

Inaanyayahan ng BPLO ang publiko na bumisita sa kanilang tanggapan kung may mga inquiries o katanungan o maaari silang tumawag sa 064-577-1606 o mag-email sa [email protected]. (CIO)