Pakighiusa ug pakiglambigit, unod sa mensahe ni JAE sa gipahigayon nga sumad sa 121st Independence Day sa Kidapawan

NEWS | 2019/06/13 | LKRO

Pakighiusa ug pakiglambigit, unod sa mensahe ni JAE sa gipahigayon nga sumad sa 121st Independence Day sa Kidapawan

“Building relationship, forging alliances and partnership.”
Mao kini ang nahimong sentro sa mensahe ni Mayor Joseph A. Evangelista sa paghinumdom sa ika-121 na sumad sa Independence Day, sa milabay nga Hunyo dose.
Sigon sa mayor, dili kaya sa Kidapawan nga mag inusara ug nanginahanglan kini ug tabang gikan sa mga stakeholders ug mga investors.
Matud ni Mayor Evangelista, sa nahibilin niini ng tulo ka tuig sa pagdumala sa dakbayan, iyang ikatulohon ang paningkamot aron ma implementa ang nagkalain lain pang mga pryekto ug programa, nga iyang giluwatan panahon sa kampanya.
Prayoridad sa mayor ang pag abli sa bypass ug circumferential roads. Ipahigayon na ang pagpasemento ng circumferential road gikan sa overland terminal pagawas sa Colegio de Kidapawan. Usa pa ka circumferential road ang gisugdan nap ag semento gikan sa Colegio de Kidapawan pagawas sa Barangay Sudapin, lahus na sa highway padulong sa lungsod sa Magpet.
Tumong niini sigon sa mayor nga makunhuran ang hidaghanon sa mga sakyanan nga nagalabang sa sentrong bahin sa dakbayan.
Sa pikas bahin, abli ang dakbayan alang sa mga gusto nga mu abli ug negosyo. Sa muabot nga duha ka tuig, paga ablihan na ang pinaka dako nga Gaisano mall sa Kidapawan.
Dungag usa ka libo nga trabaho kini alang sa mga Kidapaweno, nga dakung tabang alang sa ilang matag pamilya.
Gibutyag pa ni mayor Evangelista nga kasamtangan, adunay trenta’y-siete (37) ka mga investors ang nisulod ug nibubo ug kapital sa dakbayan. Nangahulugan kini sigon sa mayor nga dungag upat ka libo (4000) nga dungag nga trabaho alang sa mga taga Kidapawan.