Month: March 2023

Maaalala na ang lokal na pamahalaan ng Kidapawan sa pamamagitan ng opisina ng City Tourism (KCTPO) at Traffic Management and Enforcement Unit (TMEU) ay nagsimulang isagawa ang oryentasyon para sa mga kwalipikadong traysikel na opereytor at drayber na opisyal na makapagpasakay ng mga delegado sa nalalapit na SOCCSKSARGEN Regional Athletic Association (SRAA) Meet ngayong Abril 24-29, 2023.

Ang nasabing oryentasyon ay dinaluhan ng mga iba’t-ibang kwalipikadong miyembro ng mga Tricycle Operators and Drivers Associations (TODA) sa tulong ni G. Jabbi Omandac, ang Presidente ng Federation of Tricycle Operators and Drivers Associations o FKITA.

Kasama sa programa ng nasabing oryentasyon ay ang Values Formation with Life Skills Training on Communication Styles by Mr. Michael Joseph Salera, Project Development Officer II of CSWDO, Republic Act No. 11313 or the Safe Spaces Act / Bawal Bastos Law by Ms. Ivy Mae Vios-Getutua, Legal Assistant ng City Legal Office at Traffic Rules & Regulations, and Fare Matrix by Ms. Richelle Taclindo, Head of Planning and Enforcement ng TMEU.

Inaasahan na ang lahat ng mga leksiyon sa oryentasyon ay madadala at patuloy na maaalala ng lahat lalo na sa nasabing okasyon.

Lubos naman ang pasasalamat ng lahat kay City Mayor, Atty. Jose Paolo M. Evangelista sa oportunidad na binigay nito para sa kanila at sa insentibong ipinagkaloob.

Magpapatuloy naman ang oryentasyon sa natitirang iskedyul sa Abril 3, 4, 11, 12, 13, 17 & 19 sa City Convention Hall.

Para sa mga nais sumali sa oryentasyon at maging isang ganap na luntian trike, maaaring makipag-ugnayan sa tanggapan ng City Tourism o Pag-amuma (dating Brgy. Affairs) at hanapin lamang si G. Jabbi Omandac.

KIDAPAWAN CITY (Marso 29, 2023) – ISANG makasaysayang araw para sa mga guro at mag-aaral ng Datu Igwas IP Integrated School sa Sitio Embasi, Barangay Perez, sa Lungsod ng Kidapawan ang araw na ito ng Miyerkules, Marso 29, 2023.Ito ay matapos isagawa doon ang turn-over ng isang school building project (4-classrooms) mula sa Consulate General of Japan in Davao sa ilalim ng Grant Assistance for Grassroots Human Security Projects na nagkakahalaga ng P5,116,874.05. Sinimulan ang konstruksiyon ng naturang proyekto noong May 2022 at natapos ngayong buwan ng Marso 2023 o katumbas ng 10 buwan at gagamitin ng mga estudyante ng Junior High School.Dumalo bilang panauhing pandangal ang mismong Consul General of Japan (nakabase sa Davao City) na si Yoshihisa Ishikawa kasama si Mindanao Children’s Library Executive Director Tomo Matsui at iba pang dignitary mula sa nabanggit na mga tanggapan.Sa hanay naman ng DepEd ay dumalo si Kidapawan Schools Division Superintendent Dr. Natividad Ocon, CESO VI at Datu Igwas IP Integrated School Teacher-in-Charge Johnny Serrano kasama ang mg guro at mga batang mag-aaral ng naturang paaralan.Nakiisa din sa mahalagang okasyon si Punong Barangay Jabert Hordista, Sr. at mga kagawad ng barangay upang saksihan ang turn-over kasama si Vivien Igwas na kumatawan kay Raden Igwas (LAMAD/CADT Chairman).Samantala, sa hanay ng City Government of Kidapawan ay dumalo bilang representante ni City Mayor Atty Jose Paolo Evangelista si City Councilor Gallen Ray Lonzaga, City Planning and Development Officer Engr. Divina Fuentes, at mga pesonnel ng CPDO.Ipinadala naman ni Cotabato Provincial Governor Emmylou Talino-Mendoza bilang representante sa okasyon si Board Member Ryl John Caoagdan ng 2nd District of Cotabato. Lahat sila ay nagpasalamat kay Consulate General Ishikawa sa pagbibigay ng proyekto na makatutulong ng malaki sa mga mag-aaral at magpapabago sa buhay ng mga taga Sitio Embassi. Magkasunod namang isinagawa ang Ceremonial turn-over of the key at ang cutting of ribbon and unveiling of marker kasama ang mga nabanggit na mga dignitary at iba pang bisita. (CIO)

KIDAPAWAN CITY (Marso 30, 2023) – SA pamamagitan ng one-day seminar-workshop na pinangunahan ng Local Civil Registry ng Kidapawan City kahapon Marso 29, 2023 ay tiyak na mapalalakas pa ang Civil Registration o ang pagpapatala ng birth, marriage, death certificates, ng mga mamamayan ng lungsod.Ang naturang aktibidad na ginanap sa City Convention Center ay may temang “Strengthened Civil Registration Through High Registration Accuracy” seminar-workshop na dinaluhan ng abot sa 20 mga government nurses at lying-in clinics sa lungsod kung saan nabigyan sila ng karagdagang impormasyon sa wastong pagpapatala ng civil registry documents tulad na lamang ng mga nabanggit na dokumento, ayon kay Acting Local Civil Registrar Mercedes Tolentino.Sa ngayon ay ang LCR Kidapawan ang nagpoproseso ng mga dokumento para sa birth, marriage, and death certificates kung kaya’t unti-unti ay binigyan din ng sapat na kaalaman ang mga personnel sa pampublikong hospital tulad ng nurses at iba pa na matutunan ang paglalagay ng wastong impormasyon sa mga dokumento tulad ng date and place of birth, date and place of death, at iba pang impormasyong inilalagay sa mga civil registry documents.Sa pamamagitan nito ay maiiwasan ang mga delay, errors, at iba pang problem sa mga birth, marriage, at death certificates, ayon pa kay Tolentino at mas magiging madali para sa mga residente ang makaproseso ng iba pang transaksyong nangangailangan ng mga civil registry documents.Dalawang opisyal mula sa Philippine Statistics Authority o PSA Cotabato ang naging speakers sa seminar-workshop at ito ay sina Sally Fe Dalo-on, Registration Officer II na nagbahagi ng Basic Concept and Procedures of Civil Registration (birth and death certificates) at Engr. Belinda Penuela, Chief Statistical Specialist na nagbahagi naman ng RA 9255 – An Act Allowing Illegitimate Children to Use the Surname of their Father, Amending for the Purpose Article 176 of EO 209 Family Code of the Phils at RA 9858 – An Act Providing for the Legitimation of Children Born to Parents Below marrying Age- Amending for the Purpose the Sec. 1 Art 1 of EO 177 Family Code of the Philippines. Matapos ang lectures ay nagkaroon ng Open Forum ang mga speakers, participants at mismong LCR employees kung saan nagkaroon ng pagkakataon ang bawat isa na makapagtanong at masagot ang ilang mga mahahalagang bagay sa paggawa ng civil registry documents.Sinundan naman ito ng workshop partikular na kung papano mag-fill out o papano ilalagay ng tama ang mga data sa Certificate of Live Birth (COLB) at Certificate of Death (COD) na malugod ding ginawa ng mga partisipante.

KIDAPAWAN CITY (Marso 30, 2023) – NAGING highlight ng ika-10 Regular Annual Assembly ng Mindanao Transportation Service Cooperative o MINSTRANSSCO ang blessing ng kanilang anim na mga bagong passenger bus na may rutang Makilala-Digos City-Toril. Isinagawa ang blessing and formal turn-over ng nabanggit na mga sasakyan mula sa AutoKid (supplier) kasama ang ilang personnel mula sa Development Bank of the Philippines o DBP (financier), Cooperative Development Authority o CDA alas-9 ng umaga sa City Pavilion.Nanguna sa pagtanggap sa mga bagong bus ang mga opisyal ng MINTRANSSCO na kinabibilangan nina Vice Chairman Rommel Nambong, Board of Directors Elmer Bernaldez at Danilo Costes, Secretary Van Aragon at iba pa.Ang MINTRANSSCO ay rehistrado sa CDA sa Lalawigan ng Cotabato at nakapagbigay ng trabaho at iba pang tulong sa maraming miyembro nito.Ginanap naman sa City Gymnasium ang nabanggit na assembly pagsapit ng alas-10 ng umaga kung saan dumagsa ang mga opisyal at miyembro ng MINTRANSSCO mula sa Lungsod ng Kidapawan at mga kalapit na bayan ng M’lang, Tulunan, Bansalan, at Arakan.Si Acting City Administrator Janice Garcia ang ipinadala ni City Mayor Atty Jose Paolo Evangelista sa aktibidad upang ihatid ang kanyang pagbati sa MINTRANSSCO lalo na sa mga opisyal at kasapi nito.Ginanap din ang Chairman’s Report at Financial Statement Report at ang election of new set of officers (2023-2024) na kinabibilangan ng BOD Chairman, Vice-Chairman, BOD, Treasurer, Secretary at mga Chairperson ng iba’t-ibang committees tulad ng Audit, Election, Education, at Ethics kung saan Oath-Taking ang mga ito sa harapan ni Demetillo Bernabe, ang City Cooperative and Development Officer ng Kidapawan. (CIO)

KIDAPAWAN CITY (March 31, 2023) – MULING namahagi ng mga libreng biik ang City Government of Kidapawan sa pamamgitan ng Office of the City Veterinarian sa mga hog raisers na una ng naapektuhan ng African Swine Fever.

Ginanap ang hog dispersal ngayong araw ng Biyernes, March 31, 2023, alas 8 Ng umaga.

Layon ng programa na tulungan ang mga naapektuhang mga nag-aalaga ng baboy na maka-ahon mula sa negatibong epekto ng ASF sa kanilang komunidad.

Si City Mayor Atty. Jose Paolo Evangelista at City Veterinarian Dr. Eugene Gornez ang nanguna sa pamamahagi ng naturang mga alagang hayop sa 17 mga beneficiaries ng programa na nagmula sa mga barangay ng Indangan, Balabag, San Isidro, Sto. Niňo, Balindog, Manongol, Sudapin, New Bohol at Macebolig.

Dalawa hanggang tatlong mga biik ang natanggap ng mga beneficiaries ng ASF Recovery Program ng City Government.

May kalakip din na starter feeds para pagkain ng mga biik upang di na gaanong gumasto pa ang mga hog raisers.

Libre walang babayaran ang mga hog raisers na ang mga biik at tanging 50% ng kabuo-ang halaga ng feeds ang ibabalik ng mga beneficiaries sa City Government, ayon kay Mayor Evangelista.

May nilagdaang Memorandum of Agreement o MOA sa pagitan ng mga beneficiaries at ang City Government kung saan nakasaad and responsibilidad ng bawat beneficiary na paramihin ang mga biik at sa City Government naman ang pagmo-monitor sa kalagayan ng biik na manatiling malusog at maayos na lumaki para maibenta sa mga pamilihan.

Pasasalamat naman ang ipinapaabot ng mga nakatanggap ng naturang ayuda sa tulong ng City Government.

Matatandaang sumailalim sa ‘culling’ ang lahat ng mga baboy sa mga lugar na tinamaan ng ASF para masegurong hindi ito makahawa sa iba pang mga hayop sa kalapit na lugar.

Nagresulta naman ito sa pagkalugi ng maraming hog raisers sa kasagsagan ng ASF. (CIO)

KIDAPAWAN CITY – THE CITY Government of Kidapawan and the Republic of Indonesia have agreed to forge a partnership in terms of Trade Investment and Tourism. City Mayor Atty. Jose Paolo Evangelista welcomed His Excellency Dr. Achmad Djatmiko – Consul General of the Republic of Indonesia in Davao City on Friday, March 24, 2023 during the latter’s courtesy call and joint meeting on trade, investment and tourism promotion with the Local Chief Executive of the city. The officials met and talk about prospects that will form a lasting partnership between Kidapawan City and Indonesia that will bring in more prosperity and cultural exchange. The dialogue between the two officials centered mainly on trade and investment opportunities, tourism, agriculture, culture and the arts and sustainable environmental protection.Dr. Djatmiko admired the city for its beautiful landscape and greenery and considers these as potential for a strong partnership between his country and Kidapawan. Dr. Djatmiko led the Indonesian Consular team composed of Consul for Economic Affairs Novita Sientya Deysie Supit and Consular Staff for Economic, Information and Socio-Cultural Affairs Algen Landas, Geovani Mecompodis and Arvando Natanel Tampubolon. Also present were Department of Trade and Industry Cotabato Provincial Director Ferdinand Cabiles, Kidapawan Chamber of Commerce President Rey Narciso and Jennie Recimilla – Cabrera who is President of the Kidapawan Travel Agency Association. ##(CMO/cio)

KIDAPAWAN CITY (Marso 27, 2023) – ABOT sa 43 na mga kasapi ng Kidapawan Fish Vendors Association o KCFVA ang nakatanggap ng mga bagong digital weighing scale mula sa City Government of Kidapawan sa pamamagitan ng Local Economic and Investment Promotion Office o LEDIPO.

Ginawa ang pamamahagi sa loob ng Kidapawan City Public Market o mega market nitong Marso 24, 2023.

Nagkakahalaga ng P3650 ang bawat weighing scale kung saan kalahati lamang ang babayaran ng mga vendors o P1,825 sa loob ng 12 buwan o katumbas ng P152 per month habang ang kalahati ay sagot na ng City Government of Kidapawan.

Mismong si Kidapawan City Mayor Atty. Jose Paolo Evangelista ang nanguna sa naturang distribusyon ng libreng timbangan kasama si LEDIPO Head Stella Hernandez at mga personnel ng tanggapan kasama ang market administration.

Layon ng pamamahagi na ma-upgrade ang mga kagamitan ng mga fish vendors partikular na sa ginagamit nilang mga weighing scale.

Ipinaabot naman ng KCFVA ang kanilang pasasalamat kay Mayor Evangelista sa pamamagitan ng kanilang presidente na si Noel Pagayon.

Inaasahan na sa pamamagitan ng mga bagong digital na timbangan ay mapapahusay pa ang takbo ng kalakalan sa Public Market o mega market ng lungsod. (CIO)

KIDAPAWAN CITY (Marso 28, 2023) – BINUKSAN na ngayong araw na ito ng Martes, March 28, 2023 ang Cotabato Integrated Farm Training Center, Inc. na matatagpuan sa Purok Guyabano, KM 116 Paco, Kidapawan City at siyang pinakabagong Learning Site for Agriculture (Level 1).

Dumalo sa simpleng Opening Ceremony and Unveiling of Signage ng Cotabato Integrated Farm Training Center, Inc. ang ilang mga heads at representatives ng iba’t-ibang ahensiya na kinabibilangan nina Engr. Franklin Beltran (TESDA), Jose Cabulanan (Dept of Tourism), Ruel Villanueva (OPAG), City Agriculturist Marissa Aton, Punong Barangay Edgarlito Elardom mga personnel mula sa DA-ATI12 at iba pang mga bisita.

Naitatag ang CIFCTI matapos na irekomenda ito ng City Government of Kidapawan sa pamamagitan ni City Mayor Atty Jose Paolo Evangelista upang mabigyan ng accreditation bilang learning site (Level 1) at makapasa sa mga requirements na itinakda ng DA-ATI12 tulad ng orientation of the prospective LSA, accomplishment of the farm profile form, field validation/ocular inspection, LSA development plan, at iba pa.

Sa pamamagitan ng CIFTCI ay magkakaroon ng pagkakataon ang magsasaka kabilang ang mga young farmers na mabigyan ng sapat na training sa mga makabagong pamamaraan ng agrikultura sa tulong ng mga nabanggit na ahensiya ng pamahalaan.
Kabilang dito ang agricultural technologies, doable farming strategies, emulation, at iba pa.

Nakapaloob din sa mga pakinabang bilang learning site for agriculture (Level 1) ang mga sumusunod – practicum area, venue for practical and hands-on training, visitation area, On-the-Job Training (OJT) site for ATI scholars and other interested students/individuals.

Ang CIFTCI na ang pang-apat na Learning Site for Agriculture sa Kidapawan City. Ang tatlong iba pa ay kinabibilangan ng La Villa Aqua Farm (Brgy Manongol), Dr. Alfred Essentials (Brgy Birada) at Heavens Bounty Farm (Binoligan).

Ginawaran naman ng Certificate of Learning Site for Agriculture mula sa DA-ATI12 si Engr. Jimmy Fontanilla, may-ari ng CIFTCI na nagpapatunay na may angkop na kakayahan ang kanyang pasilidad para sa pagpapaunlad ng kaalaman, produksiyon, at kita ng mga magsasaka o iba pang indibidwal o grupo mula sa sektor ng agrikultura.

Nagtapos ang programa sa pamamagitan ng unveiling of signage ng CIFTCI na sinaksihan ng mga nabanggit na heads at representatives, barangay officials, farmers, at iba pa.

Para sa karagdagang impormasyon ay maaring bumisita sa CIFTCI o tumawag sa CP no. 0910-555-7247 o di kaya ay makipag-ugnayan sa Office of the City Agriculturist sa City Hall, Barangay Avenue Drive, Brgy. Poblacion, Kidapawan City o magpadala ng email sa [email protected] (CIO)

KIDAPAWAN CITY (Marso 27, 2023) – MATAPOS ang ginawang practical exam ng abot sa 27 mga butcher o matadero nitong Biyernes, Marso 24, 2023 ay tuloy-tuloy na ang operasyon ng Kidapawan City Slaughterhouse o mas kilala sa tawag ng Kidapawan “AA” Slaughterhouse ngayong araw ng Lunes, Marso 27, 2023. Matatandaang natapos na ang isinagawang dry run ng bagong slaughterhouse na matatagpuan sa Barangay Kalaisan ng lungsod partikular na ang mga bagong pasilidad nito na kinabibilangan ng lairage/holding pen, restraining/stunning box, scalding vat, hoist, manual pulley system, dehairing platform pati na evisceration/splitting platform, offal cleaning room, meat hanging area at meat van.Nagkakahalaga ng P25M ang Kidapawan City Slaughterhouse na isang counter-parting project sa pagitan ng National Meat Inspection Service ng Department of Agriculture o DA-NMIS (P10M) at ng City Government of Kidapawan (P15M).Makakaya ng bagong slaughterhouse ang pagkatay ng mula 10-12 cattles o baka at mula 50-60 hogs o mga baboy bawat araw.Ang City Veterinarian Office sa pangunguna ni Dr. Eugene Gornez ang mangangasiwa sa technical aspect partikular na sa paggamit ng mga bagong makinarya o pasilidad ng Kidapawan “AA” Slaughterhouse.Malaking pakinabang naman sa mga mamamayan ng lungsod ang pagkakaroon ng modernong slaughterhouse dahil makatitiyak na maayos at nasusunod ang mga itinakda ng NMIS pagdating sa wastong pagkatay ng mga hayop tulad ng baka, baboy, at kambing na siya namang mandato ni City Mayor Atty. Jose Paolo Evangelista sa OCVET at sa Local Economic Development and Investment Promotion o LEDIPO at Market Administration na siyang mga tanggapan nangangasiwa sa operasyon ng slaughterhouse. Naigawad naman sa Kidapawan City Slaughterhouse o “AA” Slaughterhouse ang kinakailangang License to Operate o LTO kung kaya’t tuloy-tuloy na ang operasyon ng naturang pasilidad. (CIO)

KIDAPAWAN CITY (Marso 21, 2023) – DALAWANG natatanging aktibidad ang isinagawa ngayong araw na ito ng Martes, Marso 21, 2023 sa bahagi ng Sarayan River na matatagpuan sa Barangay Ginatilan, Kidapawan City partikular sa Purok 7 ng nabanggit na barangay.Ito ay ang paglulungsad ng Balik-Sigla sa Ilog at Lawa o BASIL at ang tree planting activity na pinangunahan ng Office of the City Agriculturist (OCA) kasama ang City Agricultural and Fishery Council, Inc (CAFCI) at mga opisyal ng Barangay Ginatilan sa pangunguna ni Punong-Barangay Arlene Cabacungan at ang mismong mga residente sa lugar.Abot sa 10,000 tilapia fingerlings ang inilagak o pinakawalan sa ilog ng Sarayan kung saan nagmula ang nabanggit na bilang ng fingerling mula sa Bureau of Fisheries and Aquatic Resources o BFAR habang abot naman sa 100 cacao seedlings mula sa OCA ang itinanim sa gilid na bahagi ng ilog, ayon kay City Agriculturist Marissa Aton. Layon ng BASIL na manumbalik ang sigla ng naturang ilog pati na ang mga isdang nabubuhay dito at mapanatili ang natural habitat nito kung kaya’t dito ibinuhos ang mga tilapia fingerlings, ayon pa rin kay Aton.Bahagi naman ng CANOPY 25 tree planting and tree growing project ng City Government of Kidapawan sa pangunguna ni City Mayor Atty Jose Paolo Evangelista ang ginawang pagtatanim ng mga cacao seedling sa ilog. Madadagdag ang mga itinanim na cacao sa lumalaking bilang ng mga punong naitanim na ng mga volunteers kung saan target na makamit ang abot sa 2.5 milyong punong-kahoy sa loob ng isa o dalawang taon para na rin sa kaligtasan ng kapaligiran at proteksyon ng mamamayan.Para naman kay Punong-Barangay Cabacungan, mapalad ang kanyang barangay na isa sa mga piling lugar na pagtataniman ng iba’t-ibang uri ng punong-kahoy at mga fruit trees at sa ginawang launching ngayong araw ng BASIL ay manunumbalik ang dating kalagayan ng ilog ng Sarayan.At para naman mapaigting pa ang CANOPY 25 ay gumawa ng hakbang sa pamamagitan ng panukala ang mga opisyal ng Barangay Ginatilan upang makapagtanim hindi lamang sa palibot ng Sarayan River kundi pati na sa gilid ng kalsada o government roads.Bilang panghuli ay may mensahe naman ang Punong-Barangay sa mga mamamayan ng Ginatilan at pati na sa mga residente ng iba pang barangay sa Lungsod ng Kidapawan.Kaugnay nito, inaasahang magtutuloy-tuloy na ang sama-sama at nagkakaisang pagkilos para sa CANOPY 25 at tuluyan ng makamit ang mithiing maitanim ang abot sa 2.5 milyong punong kahoy para sa kapakanan hindi lamang ng mga tao sa kasalukuyan ngunit sa mga susunod pang mga henerasyon.