Month: April 2023

KIDAPAWAN CITY (April 18, 2023) – DALAWANG mga piling barangay sa Lungsod ng Kidapawan ang pagtatayuan ng mga karagdagang mga Super Health Center na nagkakahalaga ng mahigit P8M bawat isa. Ito ay kinabibilangan ng Barangay Binoligan (Western Kidapawan Super Health Center- P8.1M) at Barangay San Isidro (North-Western Super Health Center- P8.2M) kung saan ginanap ang Groundbreaking Ceremony kahapon, Abril 17, 2023 sa pangunguna ni City Mayor Atty Jose Paolo Evangelista at si Dept. of Health (DOH) 12 Regional Director Dr. Aristides Concepcion-Tan. Layon ng paglalagay ng mga Super Health Centers ay upang mas mailapit pa sa mamamayan ang serbisyong pangkalusugan at medical at mapanatili ang maayos na pamumuhay sa mga barangay. Maliban rito ay mas madaling makatanggap ng serbisyo ang mga mamamayan dahil nasa mismong barangay na ang nabanggit na pasilidad at hindi na kailangan magtungo pa sa sentro o sa City Health Hospital upang magpatingin.Mga mahahalagang serbisyo ang hatid ng Super Health Center tulad ng TB DOTS, birthing center, laboratory, x-ray, ultrasound, pharmacy, kasama pa ang ambulatory surgical unit – basic services, EENT services, outpatient services at ang telemedicine. Sa pamamagitan naman ng telemedicine ay hindi na kailangan pa ng may sakit o ng pasyente na bumiyahe dahil sa pamamagitan lamang ng virtual communication ay gagawin ng espesyalista ang diagnosis sa kanya.Gagamitin ang pondo mula sa DOH para sa konstruksiyon ng mga Super Health Center ng Barangay Binoligan at San Isidro habang maglalaan din ng counterpart ang City Government of Kidapawan at ito ay ang sweldo ng mga itatalagang personnel, regular supplies, at mga gamot na kakailanganin ng mga pasyente na magpapatingin doon.Kaugnay nito, kapwa naman nagpahayag ng ibayong pasasalamat ang mga Punong-Barangay na sina Ricky Rogero ng Barangay Binoligan at Dionisio Wanal ng San Isidro pati na ang kanilang mga kagawad at residente o naninirahan sa lugar.Una ng nagkaroon ng P8M Urban Health Center sa Barangay Mua-an noong 2019 at P9M Super Health Center sa Barangay Kalaisan na sinimulang itayo nitong nakalipas na 2022 at matatapos na sa darating na buwan ng Mayo 2023 na tiyak namang magdudulot ng ginhawa sa mga mamamayan pagdating sa usapin ng essential medical services. (CIO)

KIDAPAWAN CITY (Abril 14, 2023) – PAKIKINABANGAN na ng tatlong purok sa Barangay Junction, Kidapawan City ang bagong water system facilities na ipinagkaloob sa kanila ng City Government of Kidapawan na nagkakahalaga ng P3,535,646.25.Kabilang rito ang Purok Pag-asa na nabigyan ng 1unit Elevated Steel Tank, Purok Madasigon na nabigyan ng 1 unit ng Concrete Ground Reservoir at ang Purok Mauswagon na nabiyayaan ng 1unit Concrete Ground Reservoir at 1 Deep Well Drilling, ayon kay Engr. Lito Hernandez, ang City Engineer ng Kidapawan. Ginanap ang blessing and turn-over ceremony ng naturang proyekto ngayong araw ng Biyernes, Abril 14, 2023, alas-10 ng umaga.Mula sa General Fund ang pondong ginamit para sa proyekto na naglalayong mabigyan ng sapat at malinis na tubig ang mga residente ng nabanggit na mga purok. Si City Mayor Atty. Jose Paolo Evangelista ang nanguna sa turn-over kasama si Engr. Hernandez kung saan pormal at masayang tinanggap ni Junction Punong Barangay Crestitutu Sarigumba, mga purok leaders at kanilang nasasakupan ang tatlong proyekto.Dumalo din sa mahalagang aktibidad sina City Councilors Carlo Agamon, Galen Ray Lonzaga, Jason Roy Sibug, Airene Claire Pagal, Judith Navarra, Michael Earvin Ablang at ABC Kidapawan President at Ex-Oficio Morgan Melodias.Pinasalamatan ni Sarigumba si Mayor Evangelista sa natanggap na mga proyekto na ayon pa sa kanya ay lubhang kinakailangan ng mga purok at ngayong napasakamay na nila ito ay nangakong iingatan at gagamitin ng maayos ang mga pasilidad. (CIO)

KIDAPAWAN CITY (Abril 14, 2023) – MATAGUMPAY na isinagawa ngayong araw na ito ng Biyernes, Abril 14, 2023 ang Groundbreaking Ceremony at Laying of Capsule ng gagawing Kidapawan City Circumferential Road (By-Pass and Diversion Roads) sa bahagi ng Barangay Nuangan at bahagi ng Barangay Magsaysay ng lungsod.Nagkakahalaga ng P183,350,000.00 ang naturang proyekto na ang pondo ay mula sa General Appropriations Act – Dept of Public Works and Highways – Regular Fund na naisakatuparan sa pamamagitan ng City Government of Kidapawan.Mismong si City Mayor Atty. Jose Paolo Evangelista ang nanguna sa seremonya ng groundbreaking ng proyekto kasama si Engr. Eliseo Ontoc, MPA (DPWH District Engineer) at ang espesyal na panauhin sa katauhan ni 2nd District of Cotabato Representative Rudy S. Caoagdan. Sisimulan naman ang konstruksiyon ng proyekto sa Abril 25, 2023 at inaasahang matatapos sa loob ng 310 calendar days kung saan tuluyan ng magagamit para maibsan ang mahigpit na daloy ng trapiko sa national highway.Kaugnay nito, pinasalamatan ni Nuangan Punong Barangay Cristina Padaya ang City Government of Kidapawan at si City Mayor Atty. Jose Paolo Evangelista sa mahusay na pakikipag-ugnayan sa ahensiya ng pamahalaan at sa pagsisikap nito na maisakatuparan ang napakahalagang proyekto. Kasama ng alkalde sa groundbreaking at laying of capsule ang mga konsehal ng Lungsod ng Kidapawan na sina Francis Palmones, Jr. Carlo Agamon, Galen Ray Lonzaga, Jason Roy Sibug, Airene Claire Pagal, Judith Navarra, Michael Earvin Ablang, at si ABC Kidapawan President at Ex-Oficio Morgan Melodias. Nasa aktibidad din si City Engineer Lito Hernandez at mga residente ng nabanggit na mga barangay. (CIO)

KIDAPAWAN CITY (Abril 13, 2023) – BILANG bahagi ng pagpapalago ng kanilang produksiyon at kita, isinagawa ng Highland United Beekeepers’ Association of Kidapawan o HUBAK ang isang mahalagang proseso na kung tawagin ay stingless bee rearing and colony splitting.Ayon kay City Agriculturist Marissa Aton, mahalaga ang prosesong ito sa layuning maparami ang mga colony o propagation of stingless bee. Nakapaloob sa proseso ang paglalagay ng mga bee colony sa isang splitting area gamit ang mga kahon o wooden boxes upang paglipatan ng mga bee colony at nang sa gayon ay dumami o madagdagan pa ang mga colony o bahay ng mga bubuyog pati na ang mga queen bee.Kailangan namang magsuot ng mga proteksyon sa mukha at katawan ang mga miyembro ng HUBAK na magsasagawa ng stingless bee rearing and colony splitting. May apat na venue naman kung saan isinagawa ang nabanggit na proseso ng rearing and colony splitting at ito ay kinabibilangan ng Heaven’s Bounty Farm (Barangay Binoligan), Bayot Farm (Barangay Balindog), Dikoy’s Farm (Lower Nuangan), at Cresenta Integrated Farm (Barangay Indangan).Kasamang nagsagawa ng nabanggit na proseso ang ilang mga key personnel ng HUBAK at ito ay sina Corafer Moreno (Coordinator), Marc Joshua Padua (President), Garry Ayuste (Coach at Proprietor ng BEEngo Farm na nakabase sa Tunga, Leyte at mga miyembro ng HUBAK. Itinatag ang HUBAK alinsunod sa kautusan ni City Mayor Atty. Jose Paolo Evangelista upang mapalago ang beekeeping at honey production sa lungsod at maging bahagi ng income-generating livelihood ng mga mamamayan.Makakatulong din ito sa pagkakaroon ng balanse sa ecosystem ng lugar. (CIO//Photos by Highland United Beekeepers’ Association of Kidapawan)

KIDAPAWAN CITY (Abril 13, 2023) – MAS pinalakas pa ang kampanya para sa kaligtasan ng kapaligiran o environmental protection sa Lungsod ng Kidapawan.Ito ay makaraang bumalik ang iba’t-ibang departamento ng City Government of Kidapawan sa watershed na matatagpuan sa Sitio Sumayahon, Barangay Perez, Kidapawan City upang magtanim ng mga karagdagang punong-kahoy tulad ng lawaan, dao, tinikaraan at iba pang maituturing na endemic trees sa naturang lugar na isang Strict Protection Zone.Hinati sa apat na grupo ang iba’t-ibang mga tanggapan ng City Government upang magsagawa ng tree planting at tree growing activity at ito ay ang mga sumusunod: Group 1 – Office of the City Agriculturist, Office of the City Assessor, City Health Office, Public Employment and Service Office, at City Environment and Natural Resources Office na una ng nagtungo sa watershed (Site 3) kahapon, Abril 12, 2023. Group 2 – Office of the City Accountant, Office of the City Engineer, City Social Welfare and Development Office, Office of the Senior Citizens Affair, Office of the Civil Registrar, City Information Office, Local Economic Development and Investment Office, City Legal Office, Sangguniang Panlungsod ng Kidapawan, SP Secretary, at Office of the City Treasurer kung saan nagtungo ang mga ito ngayong araw ng Miyerkules, Abril 13, 2023. Group 3 – Civil Security Unit, Office of the City Veterinarian, Office of the City Mayor, Office of the City Vice-Mayor, Kidapawan City Anti-Vice Regulation, Market Administration, Overland Terminal, Building Permit Licensing Office, Culture and Arts, Tourism, PODO, Internal Audit Service, at Information Communication Office, Tribal Office, City Administrator, GeoPindot, City Gymnasium and Convention na magtatanim sa Abril 18, 2023. Group 4 – Office of the City Budget Officer, Human Resource Management Office, City Cooperative Development Office, City General Services Office, Bids and Awards Committee, City Disaster Risk Reduction and Management Office, Office of the City Building Official, City Planning and Development Office, Pag-Amuma Assistance Unit (PAU), Motorpool, at Traffic Management and Enforcement Unit.Magagawang itanim ng mga nabanggit na grupo/departamento ang tinatayang 8,000 punong-kahoy na naayon naman sa layunin ng CANOPY 25 kung saan target na makapagtanim ng kabuuang 2.5 milyong punong-kahoy at mapalakas pa ang proteksiyon at pangangalaga ng kapaligiran at para mabawasan ang mga matitinding pagbaha at iba pang uri ng kalamidad. Inilungsad ang CANOPY 25 nitong Pebrero 21, 2023 sa bahagi Sarayan River, Barangay Ginatilan, Kidapawan City kung saan nakiisa ang iba’-t-ibang sektor tulad ng government, non-government organizations, peoples’ organizations, academe, business, at maraming iba pa sa pagtatanim ng mga endemic trees sa lugar.Samantala, mas lumawak pa ang suporta sa CANOPY 25 na isa sa pinakamahalagang proyekto ni City Mayor Atty. Jose Paolo Evangelista dahil sa patuloy na pagdami ng mga volunteers mula sa iba’t-ibang sektor ng lipunan na kaisa sa layuning mailigtas ang mga mamamayan partikular na ang mga susunod na henerasyon mula sa negatibo o mapanirang epekto ng pagbabago ng klima o climate change. (CIO)