NEWS | 2024/02/21 | LKRO
Kidapawan City (February 21, 2024) – Mas maraming kongkretong daan ang nais maipagawa ng Lokal na pamahalaan ng Kidapawan sa mga barangay.
Ngayong araw February 21, apat na magkakasunod na groundbreaking ceremony na nagkakahalaga ng 20 Million Pesos ang pinangunahan mismo nila City Mayor Atty. Jose Paolo M. Evangelista, City Vice Mayor Melvin E. Lamata, Jr. at mga City Councilors
Kabilang sa nabigyan ng proyekto ang Purok 5 sa Brgy. Mua-an, Purok 2A sa Brgy. Manongol, Purok 4 sa San Roque at Purok 3 sa Brgy. Katipunan.
Mismong ang mga Punong Barangay ang tumanggap sa mga proyektong inihandog sa kanila ng pamahalaan.
Malaki ang kanilang pasasalamat sa nasabing mga proyekto lalo pa at alam nila ang hirap na nararanasan ng kanilang mga nasasakupan sa tuwing babyahe sa mga daang nabanggit.
Umaasa sila na maiibsan na rin ang hirap ng mga motorista sa tuwing dadaan sa lubak-lubak at sira-sirang daan dahil sa magsisimula na ang pag-sasaayos dito.
Makakaasa ang bawat Kidapaweños na mas maraming proyekto pa ang isasagawa ng LGU, lalo na sa mga malalayong Barangay na problema rin ang transportasyon.
PHOTOS AND VIDEOS SEE MORE PHOTOS | SEE MORE VIDEOS
