City Gov’t pinuri sa maagap na aksyon sa kasagsagan ng lindol noong July 9.
KIDAPAWAN CITY – PINURI NG Publiko ang maagap na pagtugon ng City Government sa nangyaring lindol at aftershocks kamakailan lang.
Partikular dito ang pagsuspinde ng klase ng mga bata sa pribado at pampublikong eskwelahan matapos ang mga serye ng aftershocks dala ng 5.6 Magnitude na lindol noong July 9.
Una ng sinabi ni City Mayor Joseph Evangelista ang pagbibigay prayoridad sa seguridad ng lahat ng mag-aaral sa pribado at pampublikong eskwelahan kung kaya at minabuti ng City Government na suspendihin muna ang mga klase.
Bagay na pinsalamatan ng mga magulang lalo pa at naiwasang malagay sa peligro ang kanilang mga anak sa mga eskwelahan sa kasagsagan ng lindol.
Ipinag-utos ng alkalde sa CDRRMO at City Engineering Office katuwang ang DepEd at mga private schools administrator na suriin ang mga silid aralan kung may kasiraan ba na tinamo dahil sa lindol.
Nakitaan naman ng mga otoridad ng bitak ang iilang mga school buildings kung kaya’t pinagbabawal muna na gamitin ito ng mga estudyante habang hindi pa naisasaayos.
Bunga nito, iminumungkahi ng City Disaster Risk Reduction and Management Office na magkaroon ng Earthquake Mitigation Plan hindi lamang sa mga eskwelahan kungdi pati na rin sa mga ospital at iba pang establisimento para matiyak ang kaligtasan ng mga umuokupa nito.##(cio/lkoasay)
Photo caption- City Govt nagsagawa ng inspection sa mga gusali matapos ang 5.6 magnitude na lindol: Ipinaliwanag ni CDRRMO Psalmer Bernalte(nakatalikod) ang kanilang findings sa mga gusali ng KCNHS kay City Vice Mayor Jivy Roe Bombeo na nanguna sa structural safety assessment July 11, 2019.(cio photo)
Acting City Mayor Bombeo gi inspeksiyon ang mga dagkong building sa dakbayan
PERSONAL nga gi inspeksiyon ni acting City Mayor Jivy Roe Bombeo ang mga tag-as ug dagkung mga building sa dakbayan sa Kidapawan human ang nasinating linog sa milabay nga semana.
Unang gi adtuan sa acting mayor ang Kidapawan City Pilot Elementary School (KCPES) ug ang Kidapawan City National High School (KCNHS) asa nakita niini ang mga gagmay ngadto na sa dagkung mga liki sa classrooms.
Diha-diha dayong gimanduan ni Bombeo ang mga school administrators nga makig lambigit sa buhatan sa city engineering alang sa ipahigayong repair sa mga apektadong tunghaan.
Sunod nga gi adtuan sa mayor ang mga department store uban ang mga personahe sa Bureau of Fire Protection (BFP), City Disaster Risk Reduction and Management Office (CDRRMO), City Engineering ug Building Permit and Licensing Office.
Nakit an sa acting mayor nga aduna usab mga liki ang mga dagkong department store maong gi mando niini ang hinanaling pag ayo niini.
Gitagaan sab ni acting mayor Bombeo ug igong panahon ang mga tag-iya sa maong mga building aron mupahigayon ug repair.
Gusto man gud sa mayor nga luwas ang bisan kinsa nga musulod sa maong mga department store sa bisan unsang matang sa kalamidad.
Gi awhag ni mayor Bombeo ang mga katawhan nga kanunay mangandam sa tanang mga kalamidad ilabi na kadtong mga haduol sa mga landslide ug flood prone areas. (CIO)
Mayor JAE naimbetahan para dumalo sa pulong sa Dallas Texas
SA pambihirang pagkakataon, ay naimbitahan para sa isang pagpupulong sa labas ng bansa si Mayor Joseph A. Evangelista.
Makakasama ni Mayor Evangelista ang mga matataas na opisyal ng ibat-ibang bansa para sa isang linggong pulong na gaganapin sa Gaylord Texan Hotel sa Dallas, Texas mula July 14-18, 2019.
Ang pagsasanay na ito ay inorganisa at suportado ng Community Anti-Drug Coalitions of America o CADCA.
Suportado ng CADCA ang pagbuo at pagpapatibay ng bawat komunidad para sa pagbuo ng isang ligtas, maayos, at drug-free na pamayanan.
Napiling partisipante ang alkalde dahil sa puspusan at suporta nito sa kampanya kontra iligal na droga sa Kidapawan City.
Ibibida ni Mayor Evangelista sa harap ng iba pang lider ng ibat-ibang bansa ang matagumpay na implementasyon ng Balik Pangarap Program ng LGU-Kidapawan.
Asahan namang makakakuha nang dagdag na kaalaman ang alkalde lalo na ang technical assistance, pagbuo ng public policy at media strategies para mas lalo pang makilala ang lokal na programa kontra iligal na droga sa lungsod. (CIO)
Pacquiao vs Thurman fight libreng mapapanood ng live sa City Gymnasium
KIDAPAWAN CITY – LIBRE WITH NO COMMERCIAL BREAKS na mapapanood ang bakbakang Manny Pacquiao- Keith Thurman alas nuwebe ng umaga ng July 21, 2019 sa public viewing sa City Gymnasium.
Ito ay hatid ni City Mayor Joseph Evangelista at ng Belron Business Center kung saan ay mapapanood ng live mula sa MGM Grand Garden Arena sa Las Vegas Nevada USA ang laban.
Susubukang agawin ni Senator Pacquiao- na ‘regular champion’ sa 147 pound Welterweight Division ng World Boxing Association ang ‘super champion’ belt na hawak ng Amerikanong si Thurman.
Magsisimula ang public viewing alas nuwebe ng umaga sa pagbubukas ng mga preliminary bouts bago ang Pacquiao-Thurman Main Event na inaasahang magsisimula ganap na alas dose ng tanghali.
Hinihikayat naman ang lahat na sumunod sa security checks na gagawin ng mga otoridad bago ang panonood ng libre sa City Gymnasium. ##(cio/lkoasay)
(photo is from foxsports.com)
PTA subsidies sa mga public schools ibinigay na ng City Government
KIDAPAWAN CITY – MAHIGIT SA FIFTEEN MILLION PESO NA PTA subsidy ang sinimulang ipamahagi ng City Government sa mga pampublikong eskwelahan July 5, 2019.
Personal na iniabot ni City Mayor Joseph Evangelista ang P400 PTA subsidy para sa bawat batang naka enroll mula kindergarten hanggang senior high school sa mga public school.
Nilibre na ng Parents Teachers Association Subsidy ang bayarin ng mga estudyante, ayon pa kay Mayor Evangelista.
Direktang makakabenepisyo ng subsidy ang 38,380 na mga batang naka enroll sa public schools, wika pa ng pamunuan ng City Schools Division ng DepEd.
Sa P400 na subsidy, P100 ang ilalaan sa bawat homeroom projects ng mga estudyante samantalang ang natitirang P300 ay para naman sa mga proyekto ng PTA at iba pang development programs sa public school.
Nakadepende ang halaga ng PTA Subsidy sa dami ng naka enroll sa bawat eskwelahan.
Hindi lamang nakatulong na malibre ang bayarin ng mga bata sa mga eskwelahan ngunit, nakapag-ambag din ito upang tumaas ang enrolment sa mga public schools, ayon na rin kay mayor Evangelista.
Nagmula ang PTA subsidies sa Special Education Fund ng City Government.
Sa susunod na taon, ililibre na rin ng City Government ang mga day care pupils mula sa pinaplanong P1.2 Million na pondong ilalagak para rito.
Naglaan ng mahigit sa P600,000 ang City Government ngayong school year para mabawasan ang bayarin ng mga magulang na may mga anak na naka enroll sa day care centers ng Kidapawan City.##(cio/lkoasay)
photo caption – P400 PTA subsidy ibinigay na ng City Government: Personal na iniabot ni City Mayor Joseph Evangelista ang PTA Subsidy ng mga public schools sa Kalaisan Elementary School umaga ng July 8, 2019.Naglaan ng mahigit P15 Million ang City Government para mailibre na ang bayarin ng mga estudyante sa public schools.(cio photo)
Kidapaweño Top 8 sa June 2019 Criminologist licensure exams
KIDAPAWAN CITY – TOP 8 ang isang Kidapaweño sa June 2019 Criminologist Licensure Exams.
Ito ay sa katauhan ni Angelo Lorenzo Andrada, BS Criminology Graduate ng Central Mindanao Colleges na nakatira sa Osmeña Drive Poblacion Kidapawan City.
Nagpursige siya sa panahon ng kanyang review sa kabila ng kakulangan sa pera at pagkakasakit ng dengue habang naghahanda sa exam, wika pa ni Andrada.
Tumulong din sa kanyang panggastos si CMC Criminology Dean Ret P/Col Rolando Poblador dahil na rin sa kanyang ipinakitang potensyal na pumasa sa exams.
Pumasa siya sa exam na ginawa sa University of Mindanao sa Davao City noong June 9, 2019.
Nakatakda naman siyang gagawaran ng pagkilala ni City Mayor Joseph Evangelista sa July Convocation Program ng City Government bilang natatanging achiever ng lungsod ng Kidapawan.
Pinaplano na ni Andrada na pumasok at mapabilang sa Philippine National Police.
Payo niya sa mga nagpa-planong kumuha ng BS Criminology na subukan ito dahil maraming oportunidad na naghihintay kapag naipasa nila ang kanilang board exams.##(cio/lkoasay)
(Photo is from ret.P/Col Rolando Poblador fb page)
Bomb Drill matagumpay na isinagawa
KIDAPAWAN CITY – MATAGUMPAY NA isinagawa ang City Wide Simulation Bomb Drill na inorganisa ng mga lokal na otoridad sa lungsod July 2, 2019 ng hapon.
Layun ng aktibidad na suriin ang kahandaan ng City Government laban sa mga banta ng terorismo.
Pinangunahan ng CDRRMO, PNP at ng AFP ang simulation exercises na sorpresang isinagawa sa City Hiwalk at Datu Ingkal Street.
Sinadya na sorpresa at hindi ipinaalam sa publiko ang pagpapasabog ng improvised explosive device para masukat kung gaano kahanda ang publiko sakaling totoong mangyari man ito.
Ginawa ang pagpapasabog pasado ala una ng hapon kung saan ay agad nagmobilisa ang PNP, AFP , City Call 911, K9 Unit at ang Traffic Management Unit.
Kinordon ang lugar na pinangyarihan ng pagsabog.
Sumunod naman ang pagkuha sa mga kunyaring sugatan na mga biktima ng ambulansya ng Call 911 sabay dala sa mga pagamutan.
Iginiit ng CDRRMO na bagamat simulated o kunyari lang ang bomb drill, ganito o mas komplikado pa ang mangyayari kapag nagkaroon ng totoong pag atake.
Bunga nito ay ipinanawagan ni City Mayor Joseph Evangelista sa lahat na maging mapagmatyag sa kasalukuyan upang maiwasan ang kahalintulad na IED attack sa Indanan Sulu kamakailan lang.
Ang bomb drill ay isa lamang sa mga pamamaraan ng mga otoridad na gawing ‘hard target’ ang Kidapawan City laban sa ano mang pag-atake ng mga masasamang loob.
Ang bomb drill ay nagsilbing kick off ng pagdiriwang ng 2019 Disaster Awareness Month sa lungsod.
Tema ng pagdiriwang ay KATATAGAN SA KALAMIDAD ay Makakamtan Kapag Sapat ang Kaalaman sa Kahandaan.##(cio/lkoasay)
(photo courtesy of CDRRMO)
City Gov’t muling nagbigay ng commitment sa pagtulong sa mga senior citizen
KIDAPAWAN CITY – HANDANG TUMUGON ANG CITY Government sa mga pangagailangan ng mga Senior Citizens.
Ito ay katiyakang ibinigay ni City Mayor Joseph Evangelista sa mga opisyal ng Pederasyon ng Kapisanan ng mga Senior Citizens ng Kidapawan City sa induction ng mga bagong opisyal June 28, 2019.
Hahanapan niya ng paraan, ani pa ni Mayor Evangelista, na ibigay ang cash incentives para sa edad otsenta anyos pataas na mga senior citizens.
P20,000 para sa mga edad 80-89, P30,000 sa 90-99 at P50,000 para sa mga edad 100 taon pataas ang nais ibigay na cash incentive ng City Government sa mga senior citizens.
P27 Million ang kinakailangang pondo para rito kung kaya at isasangguni ni Mayor Evangelista sa mga kasapi ng konseho na pag-aralang mabuti kung papano ipatutupad ang nabanggit.
Ipatutupad din ng City Government ang house to house na delivery ng maintenance medicine ng mga senior citizens.
Katuwang ng lokal na pamahalaan ang With Love Jan Incorporated, DOH at OSCA sa programa.
Sa ganitong pamamaraan ay hindi na mahihirapan pa ang mga nakakatanda na pumunta sa sentro ng lungsod para lang bumili ng kinakailangang gamot.
May ibibigay din na libreng baston, walker at wheel chair sa mga senior citizens na nangangailanagn nito.
Kinakailangan lamang nilang makipag ugnayan sa mga lider ng senior citizens sa barangay.
Dinagdagan din ng alkalde ang pondo para sa meryenda ng mga nakakatanda tuwing may gaganapin silang pagtitipon sa kanilang mga barangay.
Libre na rin ang serbisyo ng pagnonotaryo lalo na sa mga titulo ng lupa at mahahalagang dokumento sa pamamagitan ni City Legal Officer Atty. Jose Paolo Evangelista na anak ng alkalde.
Bilang panghuli ay nagpasalamat naman si Mayor Evangelista sa patuloy na suporta at tiwala ng mga senior citizens sa kanyang liderato.##(cio/lkoasay)
Photo caption – MGA BAGONG OPISYAL NG SENIOR CITIZENS SA KIDAPAWAN CITY NANUMPA NA: Ibinigay ni City Mayor Joseph Evangelista ng Oaths of Offices ng mga bagong lider ng kapisanan ng mga Senior Citizens sa Kidapawan City June 28, 2019. Sila ay nakatakdang manglilingkod ng tatlong taon.(cio photo)
Byaheng Kidapawan-Gensan ng Yellow Bus Line tuloy na tuloy na
KIDAPAWAN CITY – TULOY NA TULOY NA ang byaheng Kidapawan City- General Santos City ng Yellow Bus Line Incorporated.
Alas kwatro y medya ng umaga ng July 5, 2019 babyahe ang unang bus ng YBL mula Kidapawan City via Calunasan M’lang patungong Tulunan – Datu Paglas at Buluan sa Maguindanao, Tacurong – Tantangan – Koronadal –Tupi –Polomolok sa South Cotabato at General Santos City and vice versa.
Ang direktang byahe ay hudyat ng pagbubukas ni City Mayor Joseph Evangelista sa lungsod para sa mga turista at mamumuhunan mula sa area ng Maguindanao, South Cotabato, Sultan Kudarat at Sarangani.
Kinumpirma mismo ni YBL Manager Olimpio M. Par ang naturang development matapos nilang mag-usap ng pamunuan ng City Overland Terminal at makumpleto ang mga kaukulang dokumento sa Department of Transportation para legal na makapag byahe.
Pumayag na ang DOTr sa bagong byahe kung saan ay magkakaroon ng official launching sa July 4, 2019 sa General Santos City.
Katunayan, ang byaheng Kidapawan-Gensan ay isa sa mga programa ng DOTr sa ilalim ng Duterte Administration na naglalayung mapaunlad pa ang maraming lugar sa Mindanao sa pamamagitan ng mga dagdag na rutang magkokonekta sa mga lalawigan nito.
Tinatayang 3-4 na oras ang byahe mula Kidapawan-Gensan and vice versa.
P230 ang regular na pamasahe at P200 para naman sa SP sa mga deluxe buses na babyaheng Gensan
P271 ang regular fare at P231 sa SP para naman sa mga aircon buses.
Sampung units muna ang inisyal na babyahe sa nabanggit na ruta.
4:30 AM ang first trip at 3PM naman ang last trip ng Kidapawan-Gensan route and vice versa.
Kaugnay nito ay may job opportunities din para sa mga taga Kidapawan City ang YBL para na rin sa kanilang dagdag na bagong 15 buses na babyahe sa kalaunan sa mga rutang nabanggit.
Naghahanap sila ng tig labinlimang mga bus drivers at konduktor para sa Kidapawan-Gensan route.
Maaring makipag ugnayan lamang sa kanilang opisina sa Koronadal City para makapag –aaply.
28 years old ang minimum age requirement ng bus driver, may professional driver’s license at six years experience sa pagmamaneho ng malalaking truck.
Sa mga konduktor naman, at least high graduate o college level ang kinakailangan.
Pwedeng mag-aaply ang mga babae bilang bus conductor, sabi pa ng pamunuan ng YBL.##(cio/lkoasay)
PHOTOS AND VIDEOS SEE MORE PHOTOS | SEE MORE VIDEOS
