PRESS RELEASE
December 5, 2018
Christmas bonuses didiretso sa kamay ng mga empleyado ng City Government – Mayor Evangelista
KIDAPAWAN CITY – PERANG MATATANGGAP at diretso na sa kamay ng mismong empleyado ang kanyang christmas bonus mula sa City Government.
P30,000 na cash bonus ang matatanggap ng bawat regular at casual employee ng City Government.
P5,000 na cash at P2,000 na gift checks ang para naman sa mga job order workers samantalang mabibigyan din ng pamasko ang mga public school teachers; at mga barangay officials at barangay workers.
Ipinag-utos ni City Mayor Joseph Evangelista sa City Treasurer’s Office na payroll system at hindi na idadaan pa sa ATM ng empleyado ang kanyang matatanggap na Christmas bonus.
Mapapasakamay mismo ng empleyado ang kanyang bonus ng hindi na dadaan pa sa mga indibidwal na kanyang inutangan ng pera.
Bad news ito sa mga nagpa-“5-6” na pinagsanglaan ng mga ATM Cards ng ilang empleyado.
Nagmula sa P73 Million Supplemental budget na inaprubahan ng Sangguniang Panlungsod December 4, 2018 ang mga Christmas bonuses.
Simula sa December 17, 2018 ay matatanggap na ng mga empleyado ang kanilang mga Christmas bonus.##(CIO/LKOasay)
PRESS RELEASE
December 5, 2018
Mayor Evangelista bukas sa mga kritisismo
KIDAPAWAN CITY – BUKAS si City Mayor Joseph Evangelista sa mga kritisismong pumupuna sa kanyang pamamalakad.
Reaksyon ito ng alkalde ng tanungin patungkol sa pagiging 5th Most Competitive City ng lungsod sa buong Mindanao batay na rin sa inilabas ng National Competitive Council ng Department of Trade and Industry sa mga Most Outstanding Cities 2018 ng bansa.
Ani pa ng alkalde, bahagi lamang ng pagbibigay serbisyo publiko ang kritisismo sa kanyang administrasyon.
Maliwanag na tumaas ang antas ng performance ng City Government sa larangan ng Government Efficiency and Resiliency, Business Friendliness at Infrastructure, wika pa ni Mayor Evangelista.
Nariyan ang Public Safety Program sa pamamagitan ng Call 911, Social Welfare Desk para sa mga nangangailangan ng ayudang medikal; PTA subsidies na ginawang libre ang pag-aaral sa mga public schools; matataas na Tax Collection Efficiency, Electrification project sa mga tahanan at pagbibigay ng serbisyong patubig sa mga malalayong barangay; Street lighting Project, Maternal Health Care and Wellness Program; pagpapatayo ng mga Barangay Health Stations; dagdag na mga city roads at public infrastructures, pagbibigay ng ayudang abono, seedlings at farm equipments sa mga magsasaka; livelihood assistance katuwang ang Department of Labor and Employment; Pabahay sa mga informal settlers, Business One Stop Shop para gawing mas mabilis ang pagpo-proseso at aplikasyon ng business permit and licenses.
Kumpiyansa na ring mamuhunan ang mga investors sa Kidapawan City dahil na rin sa epektibong pamamalakad ng alkalde.
December 8, 2018 ay pangungunahan ni Mayor Evangelista ang Groundbreaking Ceremony ng itatayong P1.5 Billion na bagong JS Gaisano Mall sa tapat ng Our Lady Mediatrix of All Graces Cathedral.
Ang nabanggit ay isa lamang sa mga multi-million investments na pumasok sa Kidapawan City mula pa 2013 na siya ring unang taong termino ni Mayor Evangelista.
Nauna lamang ang Davao; Cagayan de Oro; Tagum at Cotabato City sa Kidapawan City sa Most Outstanding Cities ng Mindanao sa taong 2018 batay na rin sa inilabas na report ng National Competitive Council.##(CIO/LKOasay)
PRESS RELEASE
December 4, 2018
City Gov’t nakatulong sa mataas na participation rate ng mga pampublikong paaralan – DepEd
KIDAPAWAN CITY – 98% SA ELEMENTARY AT 97% SA HIGH SCHOOL ang naitalang participation rate ng City Schools Division ng DepEd para sa school year 2018-2019.
Resulta ng tulong ng City Government sa mga pampublikong paaralan ang natalang mataas na participation rate ng DepEd, ayon pa kay City Schools Division Head Romelito Flores na kanyang sinabi sa State of the Division Address December 3, 2018 sa pagdiriwang ng DepEd day sa lungsod.
Ang naturang accomplishment ay bahagi ng partnership ng City Government at DepEd sa pagsegurong lahat ng mga bata ay nag-aaral sa paaralan.
Ani pa ni Flores, nakamit ang bilang na nabanggit sa tulong ng P300 na subsidy ng City Government para sa bawat batang nag-aaral sa elementary at public high school sa Kidapawan City.
Nalibre na ng Parents Teachers Association subsidy mula sa City Government ang pag-aaral ng mga bata sa public school, wika pa ng opisyal.
Maliban dito ay may libreng Supplemental Feeding din ang City Government at DepEd para sa mga bata na malnourished sa mga pampublikong paaralan.
Inilibre na rin ng City Government ang pag-aaral ng mga batang katutubo sa pitong mga IP Schools sa ilang barangay ng lungsod.
Upang magkaroon ng ibayong kakayahan ang mga guro, sinagot ng City Government ang bahagi ng kanilang Post Graduate Studies o Masteral Courses.
Sa ganitong pamamaraan ay napapanatili ng DepEd Schools Division ang mataas na kalidad ng edukasyon sa mga public schools.
Taong 2017 ng simulang ipagdiwang ng City Schools Division ang Kidapawan City DepEd Day tuwing December 1.
Nagpalabas ng isang Executive Order si Mayor Evangelista para sa nabanggit bilang pagbibigay pugay sa mahahalagang kontribusyon ng mga guro sa patuloy na pag-unlad ng lungsod.
Ngayong taon ay isinali na sa pagdiriwang ang mga teachers mula naman sa mga pribadong paaralan sa Kidapawan City.
Highlight ng pagdiriwang ang State of the Division Address na ibinabahagi ng DepEd Schools Division Superintendent.
Kasali din ang pagbibigay parangal sa mga non-teaching personnel ng City DepEd na kinilala sa kanilang magandang performance sa trabaho. ##(CIO/LKOasay)
Photo caption – SPECIAL EDUCATION FUND UTILIZATION IPINAGBIGAY ALAM NG DEPED SA CITY GOVT: Ibinigay ni City DepEd Chief Romelito Flores kay City Mayor Joseph Evangelista ang talaan sa kung papaanong ginasta ng City Schools Division ang kanilang Special Education Fund o SEF sa pagdiriwang ng City Teachers Day December 3, 2018. Kasama din sa larawan sina City DepEd Officials Jasmin Isla at Meilrose Peralta.(CIO Photo)
PRESS RELEASE
December 3, 2018
Karagdagang P30k bonus, tatanggapin nang mga empleyado ng Kidapawan City LGU
TIYAK na magiging masaya at masagana ang Pasko at Bagong Taon ng mga kasalukuyang empleyado ng Pamahalaang Lokal ng Kidapawan City.
Itoy makaraang ianunsyo ni City Mayor Joseph A. Evangelista, ang pagbibigay ng karagdagang Christmas Bonus, para sa mga regular, casual, Job Order workers at kasama maging mga government workers na naglilingkod sa mga barangay at national line agencies na nasa lungsod.
Lahat ng mga regular at casual employees ay makatatangap ng tig P30,000 na dagdag na bonus samantalang ang mga job order workers ay makakatanggap naman nang P5000 na cash at P2000 na gift check.
Magkakaiba naman ang halaga na tatanggapin nang iba pang government workers na naglilingkod sa mga barangay at national line agencies.
Ayon sa butihing Mayor, ibibigay ang nasabing mga insentibo simula sa December 17, 2018.
Malaking tulong para sa mga empleyado ang karagdagang biyaya mula sa City Government lalo na at papalapit na ang kapaskuhan at bagong taon. Ang karagdagang insentibo ay pasasalamat narin ng Lokal na Pamahalaan ng Kidapawan sa naging kontribusyon ng mga empleyado sa mga pagpupunyagi ng Pamahalaang Lokal sa kasalukuyang taon kabilang dito ang pagkakamit ng City Government of Kidapawan bilang Seal of Good Local Governance Awardee sa ikatlong pagkakataon, liban pa sa ibat ibang parangal na tinanggap nito mula sa ibat – ibang ahensya ng pamahalaang national at mga pribadong award giving bodies.
Subalit nag abiso din ang alkalde sa magtira nang kahit na kaunting halaga mula sa tatanggaping bonus upang may madukot sa oras nang pangangailangan.
Bukod dito, sinabi ni Mayor Evangelista, na may i-aanunsiyo siyang karagdagang sorpresa sa mga empleyado ng City Government of Kidapawan bago mag Disyembre 15, 2018.##(CIO/WAMagbanua)
PRESS RELEASE
November 27, 2018
Member consumers ng COTELCO sa lungsod mabibigyang muli ng electric subsidy
KIDAPAWAN CITY – MAGANDANG BALITA PARA sa mga COTELCO member consumers ng Kidapawan City.
Ibabawas na sa billing para sa buwan ng December 2018 ang babayaran sa Cotabato Electric Cooperative ang subsidy para sa tinatayang 29,000 households sa lungsod.
Inanunsyo ni City Mayor Joseph Evangelista ang naturang development sa unang araw ng serye ng kanyang consultations sa mga purok leaders ng Poblacion Kidapawan City November 27, 2018.
Nagmula ang subsidy sa share ng Kidapawan City mula sa Energy Development Corporation sa pagpapatakbo nito ng Mt. Apo Geothermal Plant.
Huling nagbigay ng electric subsidy ang City Government noon pang 2015.
Cash itong ibinigay noong mga panahong iyon, ayon pa kay Mayor Evangelista.
Otomatikong ibabawas na ang bagong electric subsidy sa December bill ng bawat member consumer na kanyang babayaran sa COTELCO sa January 2019, paliwanag pa ng alkalde.
Ginawa ito upang hindi na maabala pa ang bawat member consumer ng COTELCO sa Kidapawan City.
Mula 2015-2017 ang sakop ng electric subsidy.
P340.75 ang mababawas sa electric bill ng member consumer kung siya ay miyembro na ng COTELCO sa taong 2015 pababa.
P222.53 Naman ang itatapyas sa COTELCO bill kung 2016 nagpakabit ng linya ng kuryente at P93 naman kung 2017 na naging miyembro ng COTELCO.
Ang halaga ng electric subsidy ay nakadepende sa kung ilang buwan na aktibo ang electric connection ng isang consumer.
Tumaas ng pitong libong households ang bilang ng nakabitan ng linya ng kuryente sa lungsod mula 2015.
Nakatulong ang National Intensified Household Electrification – NIHE Project kung saan ay nagkaroon ng linya ng kuryente yaong mga tahanan sa mga malalayong lugar sa mga barangay ng Kidapawan City.##(CIO/LKOasay)
Photo Caption – PUROK CONSULTATION NI MAYOR EVANGELISTA: Masayang kinakausap ni City Mayor Joseph Evangelista ang ilang purok leaders ng Brgy Poblacion na dumalo sa consulation ng alkalde November 27, 2018.Inanusnyo i Myor Evangelista sa aktibidad na ito ang pamimigay ng electric subsidy sa lahat ng members consumers ng COTELCO sa Kidapawan City.Ibabawas ang subsidy sa December 2018 bill ng bawat member.(CIO Photo)
PRESS RELEASE
November 27, 2018
MKWD-Magpet Boundary road maliwanag na pagsapit ng gabi
KIDAPAWAN CITY – MALIWANAG AT LIGTAS NA PARA SA LAHAT ang pagdaan sa Metro Kidapawan Water District –Kidapawan City Magpet Boundary road pagsapit ng gabi.
November 26 ng gabi ng i-switch on ni City Mayor Joseph Evangelista at ng COTELCO ang may 135 units ng streetlights sa lugar.
Bahagi ng Public Safety Program ang nabanggit na pet project ni Mayor Evangelista.
Makakatulong ng malaki ang streetlights sa kampanya kontra krimininalidad at kaligtasan ng mga motorista sa daan.
Nagkakahalaga ng mahigit sa P6.7 Million ang isangdaan at tatlumpo’t limang 110 Watts LED streetlights na inilagay ng City Government sa lugar.
Ilan lamang ito sa iba pang streetlighting projects na ipinatutupad ng City Government sa kasalukuyan.
Nariyan ang P3M na streetlight project sa Barangay Magsaysay to Barangay Junction na proyektong magbibigay liwanag sa gabi sa daan patungo ng munisipyo ng M’lang.
Naipatayo na ang may 58 poste ng ilaw sa nabanggit na lugar.
Sa katapusan ng buwan ng Disyembre 2018 ay inaasahang sisindi na ang lahat ng pailaw mula Magsaysay hanggang Junction.
Patuloy naman ang paghuhukay sa pagtatayuan ng poste ng may 131 streetlights na ilalagay ng City Government mula Crossing Binoligan hanggang sa hangganan ng Kidapawan City at President Roxas.
Nagkakahalaga ng mahigit sa anim na milyong piso ang nabanggit na proyektong pailaw.
Pinondohan ng 20% Economic Development Fund ang mga nabanggit na streetlighting projects.
Samantala, magsasagawa na ng public bidding ang City Government para naman sa mahigit P5 Million na streetlighting project na magkokonekta mula Barangay Balindog tungo sa boundary ng Kidapawan-City-Matalam sa Barangay Patadon.
Nagmula ang P5 Million sa Performance Challenge Fund na premyo ng City Government sa pagkamit nito ng Seal of Good Local Governance o SGLG mula sa Department of the Interior and Local Government.
115 units ng streetlights ang ilalagay sa nabanggit na lugar.
Sa pamamagitan nito ay magliliwanag na ang buong kahabaan ng National Highway ng Kidapawan City mula sa Landmark sa boundary nito sa Munisipyo ng Makilala hanggang sa hangganan sa bayan ng Matalam sa Barangay Patadon simula sa 2019.##(CIO/LKOasay)
PRESS RELEASE
November 26, 2018
Tricycle seminar at inspection sa December 4, 5, 6 at 7 2018
KIDAPAWAN CITY – MAAGANG GAGAWIN sa December 4,5,6 at 7 2018 ang seminar at inspection ng lahat ng tricycle na bumibyahe sa lungsod
Ipinag-utos ni City Mayor Joseph Evangelista ang pagsasagawa ng maagang seminar at inspection upang hindi na mahihirapan pa ang mga operators at drivers sa renewal ng kanilang tricycle franchise pagsapit ng January 2019.
Mandatory na para sa mga hindi pa nagpapakulay ng ‘off white’ ang pagpipintura ng kanilang units, ayon na rin sa Traffic Management Unit.
Gagawin ng TMU at City Tricycle Franchising Regulatory Board o CTFRB ang seminar at inspection.
Alinsunod na rin sa unified color coding scheme sa taong 2020 kung saan inaasahang 100% ng kulay puti ang lahat ng 3500 tricycles na bumibyahe sa Kidapawan City.
Ganito rin sa mga units na ‘kupas’ na ang kanilang pinturang puti na kinakailangang magpadagdag ng kulay sa kanilang tricycle, dagdag pa ng TMU.
Maliban sa kulay puti, dapat din na gumagana ang mga passenger, signal at break lights; may garbage receptacle sa loob ng unit, maayos ang mga upuan at siyempre, kumpleto ang dokumento gaya ng franchise, OR/CR ng motor at dapat may professional driver’s license ang mismong tsuper.
Narito ang mga schedules:
December 4 8:30 am at 1:00 pm para sa lahat ng rutang KD-1.
December 5 8:30 am para sa lahat ng KD-2,3 at 4.
December 5 1:00 pm KD-5,6 at 7.
December 6 8:30 am KD-8,9,10 at 11;
December 6 1:00 pm para sa lahat ng KD numbers na hindi pa nakaka-attend ng seminar.
December 7 8:30 am para sa lahat ng mga KD na hindi pa nakaka-seminar sa mga petsang nauna ng nabanggit.
Mangyaring dalhin ng mga operators at drivers ang kanilang pragkisa, OR/CR at Professional Driver’s License sa seminar.
Sa linggong ito na ipagbibigay alam naman ng TMU at CTFRB ang lugar kung saan gagawin ang seminar.
Wala ng extension na ibibigay pa ang City Government.##(CIO/LKOasay)
Photo Caption- UNIFIED COLOR CODING SCHEME NG MGA TRICYCLE IPATUTUPAD NA SA 2020: Dapat kulay ‘off-white’ na ang lahat ng tinatayang 3,500 bilang ng bumibyaheng tricycle sa Kidapawan City sa taong 2020. Magiging mandatory na ang pagpapakulay ng puti bilang bahagi ng rekisitos sa renewal ng tricycle franchise sa Enero 2019.(CIO Photo)
PHOTOS AND VIDEOS SEE MORE PHOTOS | SEE MORE VIDEOS
