IKINATUWA NG mga mahihirap na senior citizens ang pangakong tinupad ni City Mayor Joseph Evangelista na ibibigay at iaabot niya mismo sa barangay ang kanilang social pension.
Simula November 5, ibinigay na ng City Government ang ayudang pinansyal ng mga nakakatanda sa mga barangay ng lungsod.
Tinupad ng alkalde ang kanyang pinangakong ibibigay ang social pension sa mga barangay na mismo sa pagdiriwang ng Filipino Elderly Week noong October 2018.
Mas maiging gawin ito ng hindi na mahihirapan pang pumunta sa sentro ng Kidapawan City ang mahigit sa walong libong senior citizens na benepisyaryo ng programa, wika pa noon ni Mayor Evangelista.
Welcome development ito sa mga nakakatanda dahil hindi lamang sa mas madali na nilang matatanggap ang kanilang social pension kungdi mas secured pa sila sa pagtanggap nito.
Pinasalamatan nila si Mayor Evangelista sa pagtupad sa kanyang pinangako na masegurong mas mapapadali na lang ang pagtanggap ng kanilang social pension.
Tumanggap na tig P1,500 o P500 kada buwan mula Oktubre-Disyembre ang bawat senior citizen.
Sila yaong mga walang tinatanggap na regular pension gaya na lamang ng GSIS o SSS.
Nagmula ang pondo sa DSWD na dinownload sa City Government.(cio/lkoasay)
Photo Caption – PAGBIBIGAY NG SOCIAL PENSION MAS PINADALI NA NG CITY GOVERNMENT: Simula November 5, 2018, ibinibigay na ng City Government ang social pension ng mga mahihirap na Senior Citizens sa kani-kanilang mga barangay.Ito ay upang mas madali na lang para sa mga nakakatanda na tanggapin ang kani-kanilang ayuda ng hindi na kinakailangan pang pumunta sa sentro ng lungsod.(CIO Photo)
93.97% NA ANG NAITATALANG Tax Collection Efficiency Rate ng City Government hindi pa man natatapos ang taong kasalukuyan.
Nakamit ang mataas na rate dahil na rin sa pagpupunyagi ni City Mayor Joseph Evangelista na makakolekta ng kinakailangang buwis at makalikom ng pondo upang maipatupad at maitaguyod ang mga programa at proyekto ng Lokal na Pamahalaan.
Naitala ang mataas na tax collection rate sa buwan pa lamang ng Setyembre, ayon na rin sa datos ng City Treasurer’s Office.
Nakamit ang 93.97% na tax collection rate sa General Collections gaya ng lamang ng permits and licenses, clearance fees and surcharges, at iba pa.
Mula sa Local Estimates na P137,000,000, nakakolekta na ng P128,738,261.53 ang City Government as of September 2018.
P79.89% naman ang naitatala sa Basic Real Property taxes as of August 2018.
Mula sa Local Estimates na P25,500,000 sa real properties, nakakolekta na ang City Government ng P20,373,133.44 mula sa bayarin ng lupa, gusali at makinarya.
103.26% naman ang nakokolekta sa ilalim ng Special Education Fund na mula sa Local Estimate na P28M ay nahigitan na ng City Government sa P28,068,835.50.
Siniseguro ni Mayor Evangelista na napupunta sa pangunahing proyekto at pamimigay ng angkop na social services ang nakokolektang buwis ng City Government. (cio/lkoasay)
Photo Caption – MATAAS NA TAX COLLECTION RATE SA 2018: Nakapagtala ng 93.97% na Efficiency Rate sa General Collection ang City Government mula Enero-Setyembre 2018. Mapupunta sa pagpapatupad ng proyekto at pagbibigay ng angkop na basic services ang buwis na kinokolekta ng City Government pagsisiguro pa ni City Mayor Joseph Evangelista.(CIO File Photo)
Kidapawan City Mayor Joseph A. Evangelista, receives the Seal of Good Local Governance awards from DILG Secretary Eduardo Ano and Senator Sonny Angara, during the awarding ceremony at the Manila Hotel on Wednesday. With the mayor is City Councilor Jivy Roe Bombeo and City Local Government Operations Officer Ging Kionisala.
MULING INILUNSAD ng City Government ang taunang Angel Tree Program October 24, 2018.
Layun nito na tuparin ang kahilingan at mabigyan ng regalong pamasko ang ilang mahihirap na kabataan mula sa iba’t-ibang lugar sa lungsod.
Isusulat ng mga bata sa munting pirasong papel ang kahilingang pamasko at sabay-sabay na isasabit sa Angel Tree na nakalagay sa lobby ng City Hall.
Saka ito ibibigay ni City Mayor Joseph Evangelista at mga partners sa programa.
Ibibigay ng alkalde at kanyang partners ang mga hinihiling na regalo ng mga bata sa December 23, 2018, ayon na rin kay Ms. Aida Labina na Focal Person ng programa.
Dumaan muna sa masusing evaluation at pagkikilala ang mga mahihirap na bata na karapat-dapat na mabigyan ng regalo, dagdag pa ni Labina.
Kapartner ng City Government sa Angel Tree program ang mga business establishments sa Kidapawan City.
Ang project Angel Tree ay isa lamang sa tampok na aktibidad sa taunang Christmas Festival ng lungsod sa panahon ng Kapaskuhan. (CIO/LKOasay)
Photo Caption – CHRISTMAS WISH: Isa lamang si Nor Juhana Dumrang sa mga mahihirap na batang nagsabit ng kanilang kahilingang regalo pagsapit ng pasko sa Angel Tree ng City Government. Layun ng Angel Tree na tuparin ng City Government ang hiling at bigyang regalong pamasko ang mga mahihirap na mga bata sa Kidapawan City.(CIO Photo)
OUTSTANDING COOPERATIVES HERE are awarded during the celebration of the Cooperative Month 2018.
City Mayor Joseph Evangelista confered the awards on October 25, 2018 that served as the highlight of the coop celebration in the city.
Categories were divided into the amount of assets for each cooperative.
These are: Micro P3M below, Small P3M-P10M, Medium P10M-P100M and Large P100M up.
Awarded were: Cotabato Provincial Government Employees Retirees Multi Purpose Cooperative COPGREMCO for Best Micro Coop, Kidapawan City National High School Teachers Employees Retirees MPC KCNHTER for Best Small Coop; Kidapawan City Division Office Teachers Retirees Employees MPC KCDOTREMCO for Best Medium Cooperative.
Also given recognition were Sta Catalina MPC as Best Cooperative Branch and Mediatrix Multi-Purpose Cooperative for Best Large Cooperative.
The City Government has partnered with the 44 registered cooperatives in the City Cooperative Development Office-CCDO in facilitating the livelihood assistance program for identified beneficiaries.
Technical assistance were also given by the CCDO to cooperatives such as:preparation of reports to be submitted to the Cooperative Development Authority, provided Financial Management Training to cooperatives; and served as mediating party for concerns of cooperatives.
Prior to the Culmination Program on October 25, other activities featured during the Coop Month are Tree Planting Activity; Cooperative Officers Forum; and Blood Letting Activity.
The Cooperative Congress for all Cooperatives in the Province of North Cotabato is scheduled on October 30, 2018 at the Provincial Government Gymnasium . (CIO/LKOasay)
DINOMINA AT HINAKOT NG dalawang batang mananayaw mula sa Kidapawan City ang torneo at premyo sa International Dancesport Competition sa Hong Kong, China kamakailan lang.
Labing apat na Diamond Awards ang napanalunan nina Prince Angelou Bacalso Villarosa at Angel Burlat Rabe kapwa Grade 5 pupils ng Kidapawan City sa naturang kompetisyon.
Bitbit nilang dalawa kasama ang kani-kanilang mga ina at coaches ang napanalunang premyo sa courtesy call sa Tanggapan ni City Mayor joseph Evangelista October 24, 2018.
Grade 5 pupil ng Felipe Swerte Elementary School si Villarosa habang nagmula naman sa Central Mindanao Colleges si Rabe.
Silang dalawa ang kumatawan sa Pilipinas laban sa mga katunggali mula Asya, Europa, Hilaga at Timog Amerika na sumali sa torneo.
Napanalunan nina Rabe at Villarosa ang Top Prize sa labing apat na iba’t-ibang kategorya ng Latin American Dancesport gaya ng cha-cha-cha; rumba, jive; samba, paso-doble; salsa, tango at iba pang sayaw.
Produkto kapwa sina Rabe at Villarosa sa programa na One Team, One City, One Goal Sports Development ng City Government na nakatuon sa Dancesport at iba pang Sporting Events.
Nagbigay ng P30,000 na tulong pinasyal si Mayor Evangelista at P50,000 naman mula kay Senator Manny Pacquiao kina Rabe at Villarosa, kanilang coaches na sina Diodilito Laniton at Arens Brizuela upang makasali sa prestihiyosong kompetisyon.
Target na nilang sumali at manalo sa katulad ding kompetisyon na gaganapin naman sa bansang Australia sa unang bahagi ng 2019. (CIO/LKOasay)
Photo Caption – TOP WINNER: Kuha sa larawan sina Angel Burlat Rabe (kaliwa) at Prince Angelou Bacalso Villarosa (kanan) kasama si City Mayor Joseph Evangelista. Napanalunan nina Rabe at Villarosa ang Top Prize sa International Dancesport Competition sa Hong Kong China kamakailan lang. (CIO Photo)
PHOTOS AND VIDEOS SEE MORE PHOTOS | SEE MORE VIDEOS
