Kidapawan City – (October 20, 2023)
Apatnapung (40) Persons with Disability (PWD) mula sa ibaβt-ibang barangay sa lungsod ang sumasailalim ngayon sa Livelihood Skills Training ng TESDA sa Senior Citizen Health and Wellness Center sa OsmeΓ±a Drive.
Sa tulong ni Amelyn Layos, instructor ng Kidapawan Technical School, tinuturuan ang mga partisipante ng Basic Beauty Care, kagaya ng manicure, pedicure at haircutting o paggugupit ng buhok.
Sa pamamagitan ng training na ito, inaasahan ng pamahalaan na mas magkakaroon pa ng kompyansa sa kanilang sarili ang mga PWD, lalo na sa pagkakaroon nila ng kaalaman para sa kanilang kabuhayan.
(OCTOBER 20, 2023) – Nagtipun-tipon ngayon sa Camp Cesaria, sa Barangay Ilomavis, Kidapawan City and tatlong daan (300) na mga Barangay Health Workers (BHW) mula sa anim na distrito ng lungsod.
Layon ng BHW Congress na ito, na ma-update ang mga Health Workers sa kanilang mga kaalaman at kasanayan sa pagtupad ng kanilang mga tungkulin bilang katuwang ng City Government lalo na sa pagbibigay ng pangunahing serbisyong pangkalusugan sa kani-kanilang komunidad.
Inaasahang mas magiging epektibo ang mga BHW sa pagsasagawa ng kani-kanilang mga tungkulin pagbalik nila sa kanilang distrito para sa mas malusog at matiwasay na pamayanan ng Kidapawan.
Nakatakdang dumalo sa pagtitipon ang ilang opisyal ng City Government, sa pangunguna ni City Mayor Atty Jose Paolo Evangelista.
Kidapawan City — (October 16, 2023)
Tumatanggap at nagpoproseso na ngayon ng online application sa building at occupancy permits ang Office of the Building Official (OBO) dito sa lungsod.
Ayon kay Engineer Jicylle Merin, ang Acting Building Official, kailangan lang magregister o gumawa ng account sa kanilang portal upang ma-access at madownload ang form.
Pagkatapos mafill-out at mapirmahan ng Professionals kagaya ng Electrical, Sanitary, Structural, Civil at Mechanical Engineer ang form, kailangan itong i-upload kasabay ang mga requirement na makikita rin sa portal. Maghihintay na lamang ng limang (5) araw ang aplikante para sa pagpoproseso ng mga dokumento.
Makakatanggap ng email mula sa OBO ang aplikante kapag kailangan nang magbayad sa Treasurer’s Office sa City Hall.
Para sa karagdagang impormasyon, maaring tumawag sa kanilang hotline sa 09518437677.
KIDAPAWAN CITY β (October 9, 2023) MALAKING TULONG kontra sunog ang bagong fire truck, na ibinigay ng Lokal na Pamahalaan, sa Bureau of Fire Protection o BFP sa lungsod. Itinurn-over ang bagong truck matapos ang blessing, kasabay ng flag ceremony kaninang umaga, Lunes, October 9, 2023.
Ayon kay FC/Insp. Marleap Nabor, ang City Fire Marshal, gagamitin nila ito bilang pangunahing taga responde sa mga insidente ng sunog hindi lang sa lungsod kundi pati narin sa mga kalapit na bayan.
Ang bagong Fuso Fire Truck, na binili ng LGU sa halagang, P2.1 Million mula sa Local Disaster Risk Reduction and Management Fund, ay may water capacity na 1,500 liters. Maliban sa malalaking sunog, malaki rin ang pakinabang nito sa mga insidente ng grass fires, dahil na rin sa mataas ang ground clearance ng bagong truck.
Pinasalamatan ng BFP ang Kidapawan City Government sa walang humpay na suporta nito sa programa ng kanilang departamento.
Ito na ang pang-anim sa fire truck ng City BFP sa kasalukuyan. ###(CIO/lrko)
Kidapawan City – (October 9, 2023)
Nakatakdang ayusin at pagandahin ng Lokal na Pamahalaan ang halos limang (5) ektarya na pampublikong Sementeryo sa Barangay Binoligan.
Dahil dito, inaabisuhan ang mga residente, na may mga libing ng kamag-anak sa sementeryo, na makipag-ugnayan sa mga opisina ng Economic Enterprise Management Office (EEMO) o kaya sa Local Economic Development and Investment Promotions Office (LEDIPO) sa City Hall, para sa pagpapa-exhume o pagpapahukay ng mga ito upang malagyan ng tamang pangalan, bago ang paglilipat ng mga ito sa bone niches.
Ngayong October 27, 2023 nakatakdang isagawa ng City Government ang general exhumation o paghuhukay ng mga puntod at paglilipat ng mga remains ng mga sumusunod na pangalan ng mga yumao.
Kidapawan City — 682 na mga furparents ang nakinabang sa libreng ligation, castration at anti-rabies vaccination ng kanilang mga alagang hayop nitong Huwebes, September 28, 2023.
Umabot sa 1,108 na kabuoang bilang ng mga domestic animals ang nabigyan ng serbisyo kasabay ng selebrasyon ng World Rabies Day.
Layunin nito na maitaas ang kamalayan, at maisulong ang pagpapabakuna laban sa nakamamatay na rabies.
At upang matiyak ang tagumpay ng aktibidad at mas maraming kliyente ang mapaglingkuran, nakiisa din sa pagdiriwang ang mga kinatawan ng ibaβt-ibang ahensya at pribadong sektor, kagaya ng Therpyβs Vet Clinic, MFC Pet Life, Toledo-Dela Cruz Animal Health, Highlands Veterinary Clinic, Office of the Provincial Veterinarian o OPVET, Veterinary Medicine Students ng USM-Kabacan, at Feed Companies ng Pilmico at Pigrolac.
KIDAPAWAN CITY β (September 19, 2023)
PUPUNAN ni City Mayor Atty. Jose Paolo Evangelista ang budget para sa mga Persons With Disability (PWD) dito sa lungsod. Tiniyak nya ito sa pagtitipon ng mga opisyal ng PWD City Federation, kamakailan lang.
Sa kasalukuyan kasi, tinatayang aabot hanggang P19M ang 1% ng CY 2023 Annual Budget na maaaring magamit para sa mga kaakibat na programa ng PWD.
Bibigyan ng City Government ng mga skills at technical training, livelihood, medical at social welfare assistance ang 3,232 na mga PWD sa lungsod, para na rin mas mapaunlad pa ang kanilang kakayahan, magkaroon ng kompyansa sa sarili at marangyang kabuhayan.
Pinag-aaralan din ngayon ng Sangguniang Panlungsod, ang pagpapasa ng isang ordinansa na tutugon sa mga pangangailangan ng mga PWD, kabilang na ang sasakyang magagamit para sa mga aktibidad ng PWD Affairs.
Nagpaabot naman ng pasasalamat si Rey Herrera, ang presidente ng City Federation of PWD.
Direktang ipinatutupad ng mga tanggapan ng City Social Welfare and Development, PWD Affairs, Office of the City Mayor, PWD City Federation at mga partner agencies ang mga programa patungkol sa pagpapaunlad ng mga PWD sa lungsod. ##(CIO/lkro)
September 16, 2023 — The RP-Mission and Development Foundation Inc. (RPMD), a Non-Government Organization, has recently announced the result of their nationwide evaluation called, the “Top Performing City Mayors and District Representatives in the Philippines”, for the second quarter of the year.
Based on the foundation’s poll, that was done on June 25 to July 5, 2023, Kidapawan City Mayor Atty Jose Paolo M. Evangelista got the 5th rank with 85.75% as proficient City Mayors in the country who have showcased outstanding leadership. Mayor Pao is the only City Mayor in Region XII, who was recognized as such.
The foundation surveyed 10,000 randomly selected registered voters across diverse districts, achieving a Β±1% margin of error at a 95% confidence level, reflecting official voting demographic profiles and ensuring data accuracy.
Congratulations Mayor Atty Pao Evangelista!
KIDAPAWAN CITY (September 15, 2023) β
MGA SERBISYO katulad ng birth registration, medical, dental at social services, mga serbisyong legal, pagpaparehistro at enrollment sa Registry System for Basic Sectors in Agriculture, ilan lang ito sa dinala ng Lokal na Pamahalaan sa mga residente ng Barangay Sudapin nitong Biyernes, September 8, 2024.
Kabilang sa serbisyong handog ng LGU ang kasalan, kung saan mismong si City Mayor Atty Jose Paolo Evangelista ang nangulo, para sa mga magsing-irog na matagal nang nagsasama.
Umabot sa 1,400 na mga residente ang nakabenepisyo sa outreach program na ito ng LGU na tinawag na, Kabarangayan Dad-an og Proyekto ug Serbisyo (KDAPS), na karaniwang isinasabay sa selebrasyon ng Founding Anniversary ng mga barangay.
Ang Sudapin ay isa sa malalaking barangay ng lungsod, na may 11,563 na populasyon (na nagrerepresenta sa 7.19% na kabuuang populasyon ng lungsod), base narin sa datus ng Philippine Statistics Authority (PSA) noong taong 2020. ##(CIO/ra)
KIDAPAWAN CITY β (September 13, 2023) TUMANGGAP ng libreng Physical Therapy (PT) Session ang dalawampung (20) Persons with Disability (PWD), kasabay ng pagdiriwang ng World PT Day sa Dizon Clinic, sa JP Laurel Street, Barangay Poblacion, nitong nakaraang Sabado, September 2.
Kabilang sa mga tumanggap ng libreng serbisyo, mula sa PWD Affairs Office, City Social Welfare and Development Office (CSWDO), mga doktor at Physical Therapists, ang mga batang PWD mula sa Special Education Program o SPED ng Kidapawan City Pilot Elementary School.
β Ang libreng PT session ay tulong natin sa mga kapatid nating PWDβs. Dahil may kamahalan ang pagpapa-therapy, nakipag coordinate tayo sa sektor ng mga physical therapists at malugod naman nilang tinanggap ang ating imbitasyonβ, wika pa ni Persons with Disability Affairs Officer Louie Quebec.
Nagpasalamat ang mga nakabenepisyong PWD sa programang ito ng City Government.
Maliban sa libreng PT session, tinuruan din ang ilang mga benepisyaryo ni Dr. Jan Nathleen Dizon, isang Physical Medicine and Rehabilitation specialist , lalo na yung mga may edad na, ng mga paraan upang maiwasan ang sakit na arthritis at mga paraan upang mapanatiling malusog at malakas ang kanilang pangangatawan.##(CIO/lkro)
PHOTOS AND VIDEOS SEE MORE PHOTOS | SEE MORE VIDEOS
