TATLONG GKK’s BINIGYANG PARANGAL AT CASH INCENTIVE SA KANILANG PAGSALI SA CANOPY’25

NEWS | 2024/02/21 | LKRO

KIDAPAWAN CITY – ( February 20, 2024) TUMANGGAP ng Certificate of Completion at P10,000 cash incentive ang tatlong (3) Gagmay’ng Kristohanong Katilingban o GKK na nagtanim ng daan-daang puno sa ilalim ng Canopy’25 program ng City Government.

Inabot mismo ni City Mayor Atty. Jose Paolo M. Evangelista ang certificates at cash incentives sa Immaculate Conception GKK ng Barangay Mua-an, Our Mother of Perpetual Help GKK Barangay Nuangan at Sto. Niňo GKK ng Barangay Ginatilan.

600 na bilang ng durian seedlings ang itinanim ng Immaculate Conception, 200 seedlings (50 durian, 50 mangosteen at 100 lanzones) ang sa Our Mother of Perpetual Help at 827 durian seedlings naman sa Sto Niňo.

Itinanim ng nabanggit na mga GKK’s ang dami ng puno sa bakuran ng kanilang mga miyembro at sa iba’t-ibang lugar na rin ng kanilang pamayanan.
Iginawad ang certificates at cash incentives sa mga GKK sa ginanap na Convocation Program ng City Government, Lunes ng umaga, February 19, 2024.