PTA subsidies sa mga public schools ibinigay na ng City Government
KIDAPAWAN CITY – MAHIGIT SA FIFTEEN MILLION PESO NA PTA subsidy ang sinimulang ipamahagi ng City Government sa mga pampublikong eskwelahan July 5, 2019.
Personal na iniabot ni City Mayor Joseph Evangelista ang P400 PTA subsidy para sa bawat batang naka enroll mula kindergarten hanggang senior high school sa mga public school.
Nilibre na ng Parents Teachers Association Subsidy ang bayarin ng mga estudyante, ayon pa kay Mayor Evangelista.
Direktang makakabenepisyo ng subsidy ang 38,380 na mga batang naka enroll sa public schools, wika pa ng pamunuan ng City Schools Division ng DepEd.
Sa P400 na subsidy, P100 ang ilalaan sa bawat homeroom projects ng mga estudyante samantalang ang natitirang P300 ay para naman sa mga proyekto ng PTA at iba pang development programs sa public school.
Nakadepende ang halaga ng PTA Subsidy sa dami ng naka enroll sa bawat eskwelahan.
Hindi lamang nakatulong na malibre ang bayarin ng mga bata sa mga eskwelahan ngunit, nakapag-ambag din ito upang tumaas ang enrolment sa mga public schools, ayon na rin kay mayor Evangelista.
Nagmula ang PTA subsidies sa Special Education Fund ng City Government.
Sa susunod na taon, ililibre na rin ng City Government ang mga day care pupils mula sa pinaplanong P1.2 Million na pondong ilalagak para rito.
Naglaan ng mahigit sa P600,000 ang City Government ngayong school year para mabawasan ang bayarin ng mga magulang na may mga anak na naka enroll sa day care centers ng Kidapawan City.##(cio/lkoasay)
photo caption – P400 PTA subsidy ibinigay na ng City Government: Personal na iniabot ni City Mayor Joseph Evangelista ang PTA Subsidy ng mga public schools sa Kalaisan Elementary School umaga ng July 8, 2019.Naglaan ng mahigit P15 Million ang City Government para mailibre na ang bayarin ng mga estudyante sa public schools.(cio photo)
Kidapaweño Top 8 sa June 2019 Criminologist licensure exams
KIDAPAWAN CITY – TOP 8 ang isang Kidapaweño sa June 2019 Criminologist Licensure Exams.
Ito ay sa katauhan ni Angelo Lorenzo Andrada, BS Criminology Graduate ng Central Mindanao Colleges na nakatira sa Osmeña Drive Poblacion Kidapawan City.
Nagpursige siya sa panahon ng kanyang review sa kabila ng kakulangan sa pera at pagkakasakit ng dengue habang naghahanda sa exam, wika pa ni Andrada.
Tumulong din sa kanyang panggastos si CMC Criminology Dean Ret P/Col Rolando Poblador dahil na rin sa kanyang ipinakitang potensyal na pumasa sa exams.
Pumasa siya sa exam na ginawa sa University of Mindanao sa Davao City noong June 9, 2019.
Nakatakda naman siyang gagawaran ng pagkilala ni City Mayor Joseph Evangelista sa July Convocation Program ng City Government bilang natatanging achiever ng lungsod ng Kidapawan.
Pinaplano na ni Andrada na pumasok at mapabilang sa Philippine National Police.
Payo niya sa mga nagpa-planong kumuha ng BS Criminology na subukan ito dahil maraming oportunidad na naghihintay kapag naipasa nila ang kanilang board exams.##(cio/lkoasay)
(Photo is from ret.P/Col Rolando Poblador fb page)
Bomb Drill matagumpay na isinagawa
KIDAPAWAN CITY – MATAGUMPAY NA isinagawa ang City Wide Simulation Bomb Drill na inorganisa ng mga lokal na otoridad sa lungsod July 2, 2019 ng hapon.
Layun ng aktibidad na suriin ang kahandaan ng City Government laban sa mga banta ng terorismo.
Pinangunahan ng CDRRMO, PNP at ng AFP ang simulation exercises na sorpresang isinagawa sa City Hiwalk at Datu Ingkal Street.
Sinadya na sorpresa at hindi ipinaalam sa publiko ang pagpapasabog ng improvised explosive device para masukat kung gaano kahanda ang publiko sakaling totoong mangyari man ito.
Ginawa ang pagpapasabog pasado ala una ng hapon kung saan ay agad nagmobilisa ang PNP, AFP , City Call 911, K9 Unit at ang Traffic Management Unit.
Kinordon ang lugar na pinangyarihan ng pagsabog.
Sumunod naman ang pagkuha sa mga kunyaring sugatan na mga biktima ng ambulansya ng Call 911 sabay dala sa mga pagamutan.
Iginiit ng CDRRMO na bagamat simulated o kunyari lang ang bomb drill, ganito o mas komplikado pa ang mangyayari kapag nagkaroon ng totoong pag atake.
Bunga nito ay ipinanawagan ni City Mayor Joseph Evangelista sa lahat na maging mapagmatyag sa kasalukuyan upang maiwasan ang kahalintulad na IED attack sa Indanan Sulu kamakailan lang.
Ang bomb drill ay isa lamang sa mga pamamaraan ng mga otoridad na gawing ‘hard target’ ang Kidapawan City laban sa ano mang pag-atake ng mga masasamang loob.
Ang bomb drill ay nagsilbing kick off ng pagdiriwang ng 2019 Disaster Awareness Month sa lungsod.
Tema ng pagdiriwang ay KATATAGAN SA KALAMIDAD ay Makakamtan Kapag Sapat ang Kaalaman sa Kahandaan.##(cio/lkoasay)
(photo courtesy of CDRRMO)
City Gov’t muling nagbigay ng commitment sa pagtulong sa mga senior citizen
KIDAPAWAN CITY – HANDANG TUMUGON ANG CITY Government sa mga pangagailangan ng mga Senior Citizens.
Ito ay katiyakang ibinigay ni City Mayor Joseph Evangelista sa mga opisyal ng Pederasyon ng Kapisanan ng mga Senior Citizens ng Kidapawan City sa induction ng mga bagong opisyal June 28, 2019.
Hahanapan niya ng paraan, ani pa ni Mayor Evangelista, na ibigay ang cash incentives para sa edad otsenta anyos pataas na mga senior citizens.
P20,000 para sa mga edad 80-89, P30,000 sa 90-99 at P50,000 para sa mga edad 100 taon pataas ang nais ibigay na cash incentive ng City Government sa mga senior citizens.
P27 Million ang kinakailangang pondo para rito kung kaya at isasangguni ni Mayor Evangelista sa mga kasapi ng konseho na pag-aralang mabuti kung papano ipatutupad ang nabanggit.
Ipatutupad din ng City Government ang house to house na delivery ng maintenance medicine ng mga senior citizens.
Katuwang ng lokal na pamahalaan ang With Love Jan Incorporated, DOH at OSCA sa programa.
Sa ganitong pamamaraan ay hindi na mahihirapan pa ang mga nakakatanda na pumunta sa sentro ng lungsod para lang bumili ng kinakailangang gamot.
May ibibigay din na libreng baston, walker at wheel chair sa mga senior citizens na nangangailanagn nito.
Kinakailangan lamang nilang makipag ugnayan sa mga lider ng senior citizens sa barangay.
Dinagdagan din ng alkalde ang pondo para sa meryenda ng mga nakakatanda tuwing may gaganapin silang pagtitipon sa kanilang mga barangay.
Libre na rin ang serbisyo ng pagnonotaryo lalo na sa mga titulo ng lupa at mahahalagang dokumento sa pamamagitan ni City Legal Officer Atty. Jose Paolo Evangelista na anak ng alkalde.
Bilang panghuli ay nagpasalamat naman si Mayor Evangelista sa patuloy na suporta at tiwala ng mga senior citizens sa kanyang liderato.##(cio/lkoasay)
Photo caption – MGA BAGONG OPISYAL NG SENIOR CITIZENS SA KIDAPAWAN CITY NANUMPA NA: Ibinigay ni City Mayor Joseph Evangelista ng Oaths of Offices ng mga bagong lider ng kapisanan ng mga Senior Citizens sa Kidapawan City June 28, 2019. Sila ay nakatakdang manglilingkod ng tatlong taon.(cio photo)
Byaheng Kidapawan-Gensan ng Yellow Bus Line tuloy na tuloy na
KIDAPAWAN CITY – TULOY NA TULOY NA ang byaheng Kidapawan City- General Santos City ng Yellow Bus Line Incorporated.
Alas kwatro y medya ng umaga ng July 5, 2019 babyahe ang unang bus ng YBL mula Kidapawan City via Calunasan M’lang patungong Tulunan – Datu Paglas at Buluan sa Maguindanao, Tacurong – Tantangan – Koronadal –Tupi –Polomolok sa South Cotabato at General Santos City and vice versa.
Ang direktang byahe ay hudyat ng pagbubukas ni City Mayor Joseph Evangelista sa lungsod para sa mga turista at mamumuhunan mula sa area ng Maguindanao, South Cotabato, Sultan Kudarat at Sarangani.
Kinumpirma mismo ni YBL Manager Olimpio M. Par ang naturang development matapos nilang mag-usap ng pamunuan ng City Overland Terminal at makumpleto ang mga kaukulang dokumento sa Department of Transportation para legal na makapag byahe.
Pumayag na ang DOTr sa bagong byahe kung saan ay magkakaroon ng official launching sa July 4, 2019 sa General Santos City.
Katunayan, ang byaheng Kidapawan-Gensan ay isa sa mga programa ng DOTr sa ilalim ng Duterte Administration na naglalayung mapaunlad pa ang maraming lugar sa Mindanao sa pamamagitan ng mga dagdag na rutang magkokonekta sa mga lalawigan nito.
Tinatayang 3-4 na oras ang byahe mula Kidapawan-Gensan and vice versa.
P230 ang regular na pamasahe at P200 para naman sa SP sa mga deluxe buses na babyaheng Gensan
P271 ang regular fare at P231 sa SP para naman sa mga aircon buses.
Sampung units muna ang inisyal na babyahe sa nabanggit na ruta.
4:30 AM ang first trip at 3PM naman ang last trip ng Kidapawan-Gensan route and vice versa.
Kaugnay nito ay may job opportunities din para sa mga taga Kidapawan City ang YBL para na rin sa kanilang dagdag na bagong 15 buses na babyahe sa kalaunan sa mga rutang nabanggit.
Naghahanap sila ng tig labinlimang mga bus drivers at konduktor para sa Kidapawan-Gensan route.
Maaring makipag ugnayan lamang sa kanilang opisina sa Koronadal City para makapag –aaply.
28 years old ang minimum age requirement ng bus driver, may professional driver’s license at six years experience sa pagmamaneho ng malalaking truck.
Sa mga konduktor naman, at least high graduate o college level ang kinakailangan.
Pwedeng mag-aaply ang mga babae bilang bus conductor, sabi pa ng pamunuan ng YBL.##(cio/lkoasay)
Php 1.007 Billion Budget for 2020 planong ipasa ng City Gov’t
KIDAPAWAN CITY – MAPAPABILANG NA SA BILLIONAIRE CITY ANG Lungsod ng Kidapawan.
Sa unang pagkakataon kasi ay aabot na sa mahigit isang bilyong piso ang magiging budget ng City Government sa susunod na taon.
Inihayag ni City Mayor Joseph Evangelista ang pinaplanong pagpapasa ng 2020 Php 1.007 Billion Annual Budget June 27, 2019 sa pagtitipon ng mga bagong halal na opisyal at mga department heads ng City Hall.
Ito na ang pinakamalaking budget ng City Government na inaasahang magbibigay pa ng dagdag na serbisyo, programa at mga proyekto para sa mamamayan ng lungsod, wika pa ni Mayor Evangelista.
Nakapaloob sa Executive Legislative Agenda o ELA ang pagpapasa ng naturang budget kung saan ay magsisilbing gabay sa City Government sa kung ano-anong mga proyekto, programa at serbisyo ang ipatutupad nito mula 2019-2022.
Posibleng maipapasa ang Php 1 Billion budget sa huling bahagi ng taong kasalukuyan.
Sa pamamagitan nito, ay mas mapapagtuonang pansin ang mga programa at serbisyong nasa ilalim ng Health, Education, Social Services, Manpower-Job generation; Revenue Generation, Agriculture, Tourism, Infrastructure Development at Public Safety.
Magiging prayoridad ni Mayor Evangelista na makipag-usap sa mga lokal na opisyal ng bayan ng Makilala at Bansalan Davao del Sur para sa planong pagbubukas at pagko-kongkreto ng Maligaya Balindog- Singao- Makilala-Bansalan Road.
Sa pamamagitan nito ay magkakaroon na ng alternatibong ruta ang mga sasakyan papasok at palabas sa nabanggit na mga lugar.
Patuloy naman ang plano ng alkalde na hikayatin ang Department of Foreign Affairs na maglagay na ng extension office sa lungsod ng Kidapawan.
Dahil na rin sa dumaraming mga OFW’s na nag-aaply ng socialized housing sa City LGU, prayoridad din ni Mayor Evangelista na magdagdag pa ng Resettlement Site para sa magiging tahanan ng mga Overseas Filipino Workers na taga Kidapawan City.
Pinaplanong magbigay ng 1,000 slots ng City Government sa mga OFW’s na walang naipundar na bahay mula sa 350 slots na binigay nito sa kasalukuyan kapag naitayo ang dagdag na Resettlement Site.##(cio/lkoasay)
Photo caption – MGA BAGONG HALAL NA OPISYAL NG KIDAPAWAN City:(mula sa kaliwa) City Councilors Gregorio Lonzaga; Aljo Cris Dizon; Narry Amador; Melvin Lamata Jr; Carlo Agamon; Vice Mayor Jivy Roe Bombeo; City Mayor Joseph Evangelista; City Councilors Peter Salac; Marites Malaluan; Liga President Morgan Melodias; Airene Claire Pagal at Ruby Padilla- Sison.(cio photo)
Libreng vending umbrella gihatag sa LGU-Kidapawan sa mga farmer-vendors
Personal nga gitunol ni Mayor Joseph A. Evangelista ang libreng mga vending umbrella alang sa mga farmer-vendor sa Kidapawan.
Mikabat sa saysenta’y-sais ka mga mag uuma nga namaligyaay ug mga lagutmon sa squaremart ang nakadawat sa maong regalo gikan sa mayor.
Nag gikan ang mga swerteng vendors sa mga barangay sa Balabag, Singao, Ginatilan, Ilomavis ug Onica.
Dakong tabang ang mga vending umbrella alang sa mga farmer-vendor aron dili mainitan o mabasa inig mubunok ang makusog nga uwan.
Gimando ni Mayor Evangelista kang City Acting Agriculturist Marisa Aton, nga mupahigayon ug pag panglista sa mga mag uuma nga naga baligya ug lagutmon sa squaremart ug sa mega market, aron sila usab matagaan ugf susamang butang. (CIO)
City Gov’t nominado sa Jose Tuburan Jr. Local Governance Award
KIDAPAWAN CITY – NOMINADO ANG LUNGSOD PARA SA Jose Tuburan Jr. Local Governance award.
Proyekto ng Cotabato Provincial Government ang gawad bilang pag-alala kay dating Cotabato Vice Governor Jose Tuburan Jr at ibinibigay sa mga natatanging LGU ng lalawigan na nagpakita ng maayos na pamamahala at nakapagbigay ng nararapat na serbisyo publiko sa mamamayan.
June 24, 2019 ng sumailalim sa evaluation ang City Government mula sa mga evaluators na nagmula pa sa iba’t-ibang tanggapan ng Provincial Government.
Mainit naman silang tinanggap ni City Mayor Joseph Evangelista kung saan ay inilahad ng alkalde ang iba’t-ibang mga programa at proyekto ng City Government.
Nanguna sa evaluation team si Provincial Planning Development Coordinator Cynthia Ortega.
Sinuri nila ang mga Data Capture forms ng mga programa at proyekto na inihanda ng City LGU sa nasabing evaluation.
Tatlong milyong piso ang gantimpala para sa sino mang mananalong LGU ng lalawigan na gagawaran ng nabanggit na patimpalak.
Nanungkulan bilang Bise Gobernador ng lalawigan ng Cotabato si Tuburan noong 1987-1992.
Siya ay kinilala sa kanyang dedikasyon bilang public official.
Sumakabilang buhay siya noong 2017.
Una ng ginawaran ni Mayor Evangelista bilang Kidapawan City Hero si Vice Governor Tuburan noong February 2018.##(cio/lkoasay)
PHOTOS AND VIDEOS SEE MORE PHOTOS | SEE MORE VIDEOS
