Category: Press Release

DINOMINA AT HINAKOT NG dalawang batang mananayaw mula sa Kidapawan City ang torneo at premyo sa International Dancesport Competition sa Hong Kong, China kamakailan lang.

Labing apat na Diamond Awards ang napanalunan nina Prince Angelou Bacalso Villarosa at Angel Burlat Rabe kapwa Grade 5 pupils ng Kidapawan City sa naturang kompetisyon.

Bitbit nilang dalawa kasama ang kani-kanilang mga ina at coaches ang napanalunang premyo sa courtesy call sa Tanggapan ni City Mayor joseph Evangelista October 24, 2018.

Grade 5 pupil ng Felipe Swerte Elementary School si Villarosa habang nagmula naman sa Central Mindanao Colleges si Rabe.

Silang dalawa ang kumatawan sa Pilipinas laban sa mga katunggali mula Asya, Europa, Hilaga at Timog Amerika na sumali sa torneo.

Napanalunan nina Rabe at Villarosa ang Top Prize sa labing apat na iba’t-ibang kategorya ng Latin American Dancesport gaya ng cha-cha-cha; rumba, jive; samba, paso-doble; salsa, tango at iba pang sayaw.

Produkto kapwa sina Rabe at Villarosa sa programa na One Team, One City, One Goal Sports Development ng City Government na nakatuon sa Dancesport at iba pang Sporting Events.

Nagbigay ng P30,000 na tulong pinasyal si Mayor Evangelista at P50,000 naman mula kay Senator Manny Pacquiao kina Rabe at Villarosa, kanilang coaches na sina Diodilito Laniton at Arens Brizuela upang makasali sa prestihiyosong kompetisyon.

Target na nilang sumali at manalo sa katulad ding kompetisyon na gaganapin naman sa bansang Australia sa unang bahagi ng 2019. (CIO/LKOasay)

Photo Caption – TOP WINNER: Kuha sa larawan sina Angel Burlat Rabe (kaliwa) at Prince Angelou Bacalso Villarosa (kanan) kasama si City Mayor Joseph Evangelista. Napanalunan nina Rabe at Villarosa ang Top Prize sa International Dancesport Competition sa Hong Kong China kamakailan lang. (CIO Photo)

PLANONG MAGBUO ng ‘Green Brigade” ng City Government sa dalawampu at siyam na barangay ng lungsod.

October 24, 2018 ng pangunahan ni City Mayor Joseph Evangelista ang dayalogo sa mga indigenous people ng Barangay Perez para sa planong pagbuo ng Green Brigade.

Sa ilalim nito ay tuturuan ng mga otoridad ang mga residente na ipatupad ang ilang environmental laws laban sa mga violators nito, matiyak na hindi basta-basta pinuputol ang mga puno at malinis ang water sources, mabigyan ng angkop na kaalaman sa usapin ng Disaster Risk Reduction, at magkaroon ng kabuhayan ang mga miyembro sa pamamagitan ng pagtatanim ng mga cash crops sa mga lugar na pinapayagan ng Department of Environment and Natural Resources.

Nais ng alkalde na magbuo nito upang ibayo pang maprotektahan ang water shed areas at natural resources ng tinatarget na mga barangay.

Mas mainam na unang mabuo ang Green Brigade sa barangay Perez lalo pa at dito matatagpuan ang pinakamalaking water shed area ng Kidapawan City na siya namang source ng maiinom na tubig ng mga mamamayan, ayon pa kay Mayor Evangelista.

Katuwang ng City LGU sa pinaplanong green brigades ang Barangay Council, Tribal Council, DENR at ang City PNP.

Photo Caption – Green Brigades planong buo-in ng City Government: Pinangunahan ni City Mayor Joseph Evangelista ang dayalogo sa mga indigenous people ng Barangay Perez October 24, 2018. Nais ng alkalde na makabu-o ng green brigades sa 29 barangay bilang pamamaraaan sa ibayong proteksyon ng kalikasan at likas na yaman.(CIO Photo)

Please be informed that all transactions with the National Bureau of Investigation Satellite Office in Kidapawan City are all temporarily suspended as of October 19, 2018.

This is due to the agency’s computer system server breakdown incurred at present.

BINIGYAN ng tulong pinansyal ng City LGU ang apat na mag-aaral mula sa public schools na naaksidente kamakailan lang.

Personal na inabot ni City Mayor Joseph Evangelista ang tulong bahagi ng insurance ng mga estudyante sa public schools.

Kinilala ang apat na sina Kietline Asumbrado ng Kalasuyan Elementary School; Joarcel Celis ng Paco NHS; Sheikhah Undong ng Patadon ES at Richard Alayon ng Spottswood NHS.

Death Assistance Benefit na nagkakahalaga ng P22,500 ang natanggap ng pamilya ni Undong matapos siyang matuklaw ng cobra at mamatay noong August 28, 2018.

Tig P2,500 naman ang tinanggap nina Celis, Asumbrado at Alayon matapos silang masangkot sa aksidente.

Naaksidente sa daan sina Celis at Asumbrado samantalang nagkaroon ng komplikasyon si Alayon matapos makagat ng putakti habang tumutulong sa kanyang ama sa pag-aani ng rambutan.

Gumaling at kapwa nakabalik na sa pag-aaral sina Celis at Alayon samantalang nagpapatuloy naman ang Physical Therapy ni Asumbrado.

Magbibigay naman ng dagdag na tulong si Mayor Evangelista sa kanyang magulang para sa kanyang paggaling ng makabalik na sa eskwelahan.

Sa halagang P20 ay makakaseguro na ng ayuda ang bawat mag-aaral na naka enrol sa public school kung sakaling sila ay maaksidente.

P10 dito ay magmumula sa fund raising activity ng eskwelahan at ang isa pang P10 ay mula naman sa Ciy Government.

Insurance provider ay ang Climbs Life and General Insurance Cooperative na kapartner din ng City LGU para naman sa insurance ng tricycle drivers.

Kasama ni Mayor Evangelista sa pagbibigay ng ayuda si Ms. Crizel Marie Naranjo na kawani ng Climbs Life Insurance Coop October 17, 2018 sa mismong Tanggapan ng Alkalde sa City Hall. (CIO/LKOasay)

Photo caption – INSURANCE CLAIM NG BATANG NAAKSIDENTE BINIGAY NA: P22,500 na Death Assistance Calim ang iniabot nina City Mayor Joseph Evangelista at ni Ms. Crizel Naranjo sa mga magulang ni Sheikhah Undong October 19, 2018. Si Undong ay natuklaw ng cobra at namatay noong August 28, 2018. Sa halagang P20 na insurance ay makasesegurong may tulong ang bawat mag-aaral sa public school sa panahon na sila ay maa-aksidente.(CIO Photo)

OPISYAL NG INILABAS NG City Comelec ang listahan ng lahat ng tatakbong opisyal sa lungsod pagsapit ng May 13, 2019 Mid Term Elections.

As of 5PM October 17, 2018, apat na Mayor, Tatlong Bise Mayor at dalawampu at siyam na City Councilors ang kabilang sa opisyal na listahan ng City Comelec na nagsumite ng kanilang mga Certificates of Candidacies.

Bagamat opisyal na ang listahan, maari pa ring magpalit ng kandidato ang Partido pagsapit ng November 30, 2018 basta’t kamag-anak ito at parehas ng apelyido, ayon na rin sa Comelec.

Kabilang sa opisyal na listahan ng City Comelec ang mga sumusunod: Mayor – Joseph Evangelista (Nacionalista Party) , Bernardo Piñol Jr.( PDP Laban); Meñoza, Hilario (Kilusang Bagong Lipunan); Aznar,Eligio Jr.(Ind).

Vice Mayor: Bombeo, Jivy Roe(NP); Palmones, Francis Jr.(PDP Laban); at Baynosa, Noel(Ind).

City Councilors: Dizon, Aljo Cris (NP); Gantuangco, Edgar(Ind); Malaluan, Marites(NP); Lonzaga, Gregorio(NP); Amador, Junares John(NP); Victoria, Cromwell(NP); Agamon, Carlo(NP); Manar, Marilou(NP); Dayao, Rex(NP); Lamata, Melvin, Jr.(NP); Suelan; Gasbamel Rey(NP); Remitio; Enrico Vicente(Ind); Salac, Peter(PDP); Omandac, Roberto Jr.(PDP); Angeles, Karl James(PDP); Anima, Ruel(PDP); Sungcad, Renan Moises(PDP); Sibug, Jason Roy(PDP); Padilla-Sison, Ruby(PDP); Villarico, Mark Anthony(PDP); Mundog, Oscar; Espejo, Januario Jr; ,Mondejar, John; Taynan, Lauro Jr; Manon-og, Ramon(PFP); Batingkay, Armando(PFP); Pagal, Airene Claire; Cabiles, Rodolfo Jr; at Himulatan, Salvador.

Magsisimula ang campaign period sa March 30, 2019 hanggang May 11, 2019.

January 13, 2019 hanggang June 12, 2019 ang election period kung saan ipagbabawal na ang mga appointments ng mga kawani at pagpapatupad ng proyekto sa gobyerno.

June 12, 2019 naman ang deadline sa pagsusumite ng Statements of Contributions and Expenditures o SOCE ng lahat ng mga kumandidato.(CIO/LKOasay)

SINAGOT ni City Mayor Joseph Evangelista ang pagba-byahe pauwi sa mga labi ng isang inmate mula sa lungsod na matagal ng nakapiit sa National Bilibid Prison sa Muntinlupa City.

Buong pasasalamat ang ipinaparating ng pamilya ng inmate na nakilalang si Castro Calihanan na taga Amas Kidapawan City sa alkalde sa agarang tulong na binigay nito upang mai-uwi at mahimlay sa Kidapawan City ang kanyang mga labi.

“ Usa ra dyud ka text si Mayor Evangelista nga nitubag dayon sa among problema sa pagpahiluna sa akoang igsoon. Utang kabubut-on namo ni sa iya”, wika pa ni Mrs. Lyna Pinantao na nakababatang kapatid ni Calihanan na siyang sumundo sa mga labi nito pauwi sa Kidapawan City.

October 6, 2018 na tumawag ang taga National Bilibid Prison kay Mrs. Pinantao na nagsabing patay na nga ang kanyang kapatid.

Agad siyang nagtext kay Mayor Evangelista na mabilis namang sinagot ng alkalde.

Sinagot ni Mayor Evangelista ang kanyang pamasahe at allowances palipad ng Maynila upang kunin ang labi ng kanyang kuya.

Nakipag ugnayan din ang alkalde sa pamunuan ng Philippine Air Force upang maikarga sa kanilang C 130 Cargo Plane ang labi ni Calihanan para maihatid sa Awang Airport sa Cotabato City.

Mula Awang Airport ay sinundo ng sasakyan ng Wood Haven Chapel na kinontrata ni Mayor Evangelista ang mga labi ng inmate.

Ni Piso ay walang ginastos sa pagba-byahe sa labi ng kanyang kuya pauwi, ayon pa kay Mrs. Pinantao.

Labinwalong taong nakulong sa National Penitentiary si Calihanan na nasakdal sa kasong murder noong 2001.

Namatay ang kanyang maybahay matapos ibaba ng korte ang hatol noong panahong ding iyon.

Dahil sa kabaitang kanyang ipinakita doon ay lalaya na sana siya sa susunod na taon ngunit nagkasakit ng pneumonia at sumakabilang noong October 6, paliwanag pa ng kanyang kapatid.

Nakalatag na ngayon ang mga labi sa tahanan ng kanyang kapatid sa Barangay Birada Kidapawan City.

Siya ay kabilang sa mga indigenous people ayon na rin sa mga namumuno sa Office of the Deputy Mayor for IP’s.(CIO/LKOasay)

SOLID PERFORMANCE at GOOD GOVERNANCE pa rin ang mananatiling sandigan ni City Mayor Joseph Evangelista sa pagtakbo para sa kanyang pangatlong termino bilang alkalde ng lungsod.

Naniniwala si Mayor Evangelista na suportado siya ng nakararaming mamamayan dahil na rin sa mga accomplishments na naabot ng City Government sa panahon ng kanyang panunungkulan.

Mula 2016 hanggang 2018 ng tatlong magkasunod na taon na ginawaran bilang Seal of Good Local Governance Hall of Famer ng DILG ang Kidapawan City bilang pagpapatunay ng maayos na pamamahala, epektibong pagbibigay serbisyo publiko at katapatan sa paggamit ng pondo ng gobyerno.

Nasa ika labing apat na Most Competitive City ng bansa ang Kidapawan City ngayong 2018 ayon na rin sa National Competiveness Council ng Department of Trade and Industry.

Hindi lamang ito sukatan ng maayos na pamamahala kungdi pagpapakita din sa ibayong kaunlaran ng lungsod sa panahon ng panunungkulan ni Mayor Evangelista.

Ng tanungin, wika pa ng alkalde na makakaasa pa ang lahat sa maayos na pamamahala at dagdag pang mga proyektong pang kaunlaran lalo na sa mga kanayunan.

October 15, 2018 ng sabay-sabay na nagsumite ng kani-kanilang Certificates of Candidacies sina Mayor Evangelista at mga kapartido sa ilalim ng Nacionalista Party.

Isinumite nila ang kanilang mga CoC’s pasado alas otso ng umaga sa mismong tanggapan ng City Comelec.

Tumatakbong mga City Officials sa ilalim ng Nacionalista Party sina Mayor Evangelista, City Councilor Jivy Roe Bombeo bilang Vice Mayor at mga City Councilors na sina: Gregorio Lonzaga; Marites Malaluan; Gasbamel Ray Suelan; Narry Amador; Melvin Lamata Jr; Carlo Agamon; Malou Cadeliña – Manar; Aljo Cris Dizon; Rex Dayao at Cromwell Victoria.

Hinihingi naman ni Mayor Evangelista ang solidong suporta ng lahat sa kanilang partido para sa May 13, 2019 Mid Term Elections. (CIO/LKOasay)

Photo Caption- MAYOR EVANGELISTA AT MGA KAPARTIDO NAGHAIN NA NG KANILANG CoC: October 15, 2018 ng maghain na ng kanyang Certificate of Candidacy si City Mayor Joseph Evangelista kasama ang kanyang mga kapartido sa ilalim ng Nacionalista Party.

PUMAYAG mismo ang Legal Office ng Department of the Interior and Local Government na bigyan ng P1,500 na honorarium ang mga bagong opisyal ng Sangguniang Kabataan sa lungsod.

Paliwanag ito ni City Mayor Joseph Evangelista sa mga bagong halal na opisyal ng Barangay na sumasailalim sa training on good governance sa kasalukuyan.

Sinabi ng DILG Legal na hindi nakasaad sa Local Government Code of 1991 na ipagbawal ang pagbibigay ng honorarium sa mga SK, paliwanag pa ng alkalde sa mga opisyal ng Barangay.

Personal na dumulog si Mayor Evangelista sa National Office ng DILG sa National Capital Region upang ilapit ang nabanggit na suliranin sa pagbibigay ng honorarium sa mga kabataang opisyal.

Nagbunga ito ng positibong aksyon mula sa City Government na maglaan ng pondo upang maibigay ang P1,500 na honorarium ng lahat ng SK officials kamakailan lang.

Idinahilan din ni Mayor Evangelista na kailangan ng mga SK officials ang honorarium sa pagtupad ng kanilang tungkulin.

Bunga nito, plano na rin niyang magbigay ng honorarium para naman sa mga purok leaders sa lungsod.

Hahanapan ni Mayor Evangelista ng paraan kung papaanong maibigay ito sa mga purok leaders pagsapit ng Kapaskuhan.

Makakatulong na ang pinaplanong honorarium upang magampanan ng maayos ng mga purok leaders ang kanilang tungkulin, wika pa ng alkalde. (CIO/LKOasay)

Photo Caption- BNEO/GREAT Training: Pinangunahan ni City Mayor Joseph Evangelista ang Basic Orientation for the Newly Elected Officials Towards Grassroots Renewal and Empowerment for Accountable and Transparent Barangays – BNEO GREAT kung saan tinuruan ang mga bagong halal na Barangay at SK officials sa tamang pamamalakad ng gobyerno at pagbibigay serbisyo publiko nitong October 9-11, 2018.(CIO Photo)

GIILA isip Outstanding Bridging Leader in Public Health si Mayor Joseph A. Evangelista, sa gipahigayon nga awarding sa Department of health sa General Santos City.

Mayor Joseph Arellano Evangelista, 2017 OUTSTANDING BRIDGING LEADER IN PUBLIC HEALTH. Kidapawan City, adjudged as RED ORCHID HALL OF FAME AWARDEE, during the Department of Health Mega Regional Awarding Ceremony held in Green Leaf Hotel in General Santos City on October 05, 2018.