Category: Press Release

KIDAPAWAN CITY (March 22, 2022)- Pitong mga proyekto sa ilalim ng Local Government Support Funds – Support to Barangay Development Program o LGSF-SBDF ng National Task Force to End Local Communist Armed Conflict (NTF-ELCAC) sa Lungsod ng Kidapawan ang matagumpay na natapos (100% completed) at magagamit na ng mga mamamayan.

Kabilang dito ang Concreting of Farm-to-Market Road (Purok 3 to Purok 2) sa Barangay Sikitan na nagkakahalaga ng P12M kung saan ginanap ang isang ceremonial turnover alas-7 ng umaga sa nabanggit na barangay.

Nanguna si Kidapawan City Mayor Joseph A. Evangelista sa naturang turn-over at ribbon cutting kasama si DILG Cotabato Provincial Director Ali B. Abdullah at Barangay Kalaisan Punong Barangay Zacarias dela Cruz.

Dumalo rin sa aktibidad ang mga konsehal ng lungsod na sina Galen Ray Lonzaga, Carlo Agamon, at Aljo Cris Dizon ang representante mula sa 72nd IB ng Phil Army.

Pinasalamatan ni Punong Barangay dela Cruz ang national government partikular ang ELCAC sa pagpapatupad bg nabanggit na proyekto para sa kanyang barangay.

Nagpasalamat din siya kay Mayor Evangelista sa sinserong koordinasyon at pakikipagtulungan sa national government upang maisakatuparan ang proyektong farm to market road magpapabago sa takbo ng pamumuhay ng mga residente doon partikular na ang mga magsasaka.

Samantala, maliban sa farm-to-market road sa Barangay Sikitan (Purok 3- Purok 2) ay 100% completed o tapos na rin ang mga sumusunod na LGSF-SBDP funded projects ng ELCAC: 

School building (P1.5M) sa Barangay Marbel, concreting of farm-to-market road (P12M)sa Barangay Marbel, expansion of Level III water (P600,000) sa Sitio Sumayahon, Barangay Perez; expansion of level III  potable water system (P600,000) sa Purok Chico to Purok Avocado, Barangay Singao; expansion of level III potable water system (P590,000) sa Purok Marang, Barangay Singao; at expansion of level III water system (P100,000)sa Purok Mangga to Purok Durian, Barangay Linangkob, Kidapawan City.

Sa kanyang mensahe, pinuri ni DILG Cot PD Abdullah si Mayor Evangelista at ang buong City Government of Kidapawan dahil sa ibayong pagsisikap at pagpupursige na matapos at pormal na mai-turn over sa mga residente ang nabanggit na mga proyekto.

Layon ng NTF-ELCAC na wakasan na ang komunismo at armadong pakikibaka sa mga barangay sa pamamagitan ng mga programa at proyekto at hikayatin ang mga armadong grupo na magbalik-loob sa pamahalaan at magbagong-buhay. (CIO-JSCJ/AA/DV)

MGA MAGSASAKA SA KIDAPAWAN CITY NAKINABANG SA PROYEKTO NG DA 12 AT CITY GOVERNMENT OF KIDAPAWAN; KARAGDAGANG DUMP TRUCKS DUMATING NA!

KIDAPAWAN CITY (March 21, 2022) – LUBOS ang kasiyahan ng mga magsasaka mula sa ilang mga barangay Lungsod ng Kidapawan matapos nilang tumanggap ng proyekto mula sa Department of Agriculture o DA12.

Kabilang dito ang mga farmers mula sa MNLF Zone of Peace 5 sa Barangay Patadon Kidapawan City na nabiyayaan ng one unit hand tractor with trailer na gamit ang pondo mula sa PAMANA-OPAPP.

Nakabiyaya din ang mga farmers mula sa Barangay Ginatilan na tumanggap ng Support to Mushroom Production nakinapapalooban ng 2 units freezer, 2 units refrigerator, at 2 units autoclave mula sa 20% EDF pondo ng City Government.

Maliban dito, kabilang din sa nabigyan ng tulong ang mga naging participants ng hydroponics training sa lungsod na una ng isinagawa ng City Disaster Risk Reduction and Management Office kung saan nabigyan sila ng starter kits mula sa pondo ng CDRRMO na nagtataglay ng 5 m UV plastic, 2 m garden net, 5 packs lettuce seeds, 2 boxes styrobox, 35 pcs styrocups, 2 seedlings trays, 1 bag coco peat, at 2 bottles nutrient solution. Ilan naman  nito sa mga recipients nito ay mula sa Barangay Paco, Amas, at Singao.

Mismong si Kidapawan City Mayor Joseph A. Evangelista ang nanguna sa turn-over ng mga nabanggit na kagamitan kasama si City Agriculturist Marissa Aton sa City Pavilion na sinaksihan din ng ilang mga representante mula sa DA12.

“Patuloy ang City Government of Kidapawan sa pagpapatupad ng mga proyekto para sa sektor ng agrikultura. Patunay ito na hindi tayo titigil sa pagtulong lalo na sa mga maliliit na magsasaka na apektado ng COVID-19 pandemic at sa krisis na dulot ng oil price hike”, sinabi ni Mayor Evangelista.

Hinimok naman ni City Agriculturist Aton ang mga benepisyaryo na ingatan at pagyamanin ang proyektong kanilang natanggap at mas lalo pa itong palaguin upang makatulong sa kanilang pang araw-araw na pangangailangan.

“Bilang counterpart, hiling ko sa mga beneficiaries na ipakita ang wastong paggamit at mabuting pamamalakad ng mga kagamitang ito dahil layon nito na mapaangat ang antas ng pamumuhay ng mga magsasaka”, ayon kay Aton.

Bilang tugon, nangako naman ang mga beneficiaries na sina Ginatilan Mushroom Growers Association President Dan O. Sebastian at Kidapawan City Mushroom Republic Association President Manibua at mga residente mula sa MNLF Zone of Peace 5 na iingatan ang proyekto at gagawin itong mahalagang bahagi ng kanilang tuloy-tuloy na pag-unlad.

Samantala, kasabay ng aktibidad na ito kanina ay nai-turn over na rin sa Office of the City Engineer ang karagdagang apat na mga bagong dump trucks na binili ng City Government of Kidapawan upang magamit sa iba’t-ibang road projects.

Matatandaang bumili ng 10 mga bagong dump trucks ang city government na nagkakahalaga ng P73M upang magamit hindi lamang sa road projects kundi pati na sa iba’t-ibang proyektong inprastruktura at agrikultura. (CIO-JSCJ/IF/VH)

KIDAPAWAN CITY – LUBOS ang pasasalamat ng 179 beneficiaries ng OFW Village Pabahay Program na itinayo ng City Government of Kidapawan, at ng Cotabato Provincial Government na maituturing na kauna-unahan sa buong Pilipinas

Pormal na ginanap ang turn over ng housing project  ngayong araw ng lunes, March 21, 2022 kung lumipat na sa kanilang mga bagong bahay ang mga Overseas Filipino Workers (OFWs) na pawang mga biktima ng malalakas na lindol noong October 2019.

Mismong  sina Kidapawan City Mayor Joseph Evangelista at Cotabato Vice Governor Emmylou Talińo – Mendoza ang nanguna sa aktibidad na dinaluhan mismo ng mga benepisyaryo.

Dumalo din sa okasyon sina NHA 12 Regional Director Engr. Zenaida Cabiles, OWWA RWO 12 Regional Director Marilou Sumalinog, Department of Human Settlements and Urban Development 12 Assist RD Girafil Cabalquinto at si NHA General Manager Marcelino Escalada Jr.

Hudyat na ito na pwede ng lumipat sa mga bagong bahay ang mga OFW mula sa Kidapawan City kasama ang kanilang pamilya

“Taus-puso kaming nagpapasalamat kina Mayor Evangelista at Governor Mendoza sa pagbibigay ng pabahay sa amin. Nagbunga rin ang maraming taon na pagta-trabaho naming sa ibang bansa. Utang namin ito sa kanilang dalawa sa pagbibigay ng tahanan sa aming mga mahal sa buhay”, ayon kay Maribel Delicano na isang OFW na 13 taon nagtrabaho bilang household worker sa Lebanon at beneficiary ng OFW Village Pabahay Program.

Itinayo ang naturang proyekto sa isang 4.5 ektaryang lupain sa Barangay Kalaisan noong 2018 sa pagtutulungan ng noo’y Cotabato Governor Mendoza at Mayor Evangelista.

Katuparan ito sa kahilingang magkaroon ng disenteng tirahan ang mga OFW na personal na nakausap ni Mayor Evangelista sa kanyang pagbibista sa ibang bansa noong mga panahong iyon.

Marami sa kanila ang nawalan o nasiraan ng bahay matapos ang mga paglindol noong October 2019.

Hindi bababa sa 120 sq/m ang sukat ng lote habang nasa 30 sq/m naman ang sukat ng mismong bahay.

May sarili na itong Solar Panel, Water Tank, Septic Tank at Toilet fixtures bawat bahay.

Bukod Dito ay maglalagay ng Parks at Playgrounds, Community Facilities, Elevated Water Tank at Waste Treatment Facility ang City Government at partner agencies sa lugar.

Murang halaga lamang ang babayaran ng mga OFW’s sa kanilang buwanang bayarin sa City Government sa loob ng lima hanggang sampung taon.

Ang pondong malilikom mula sa bayaring ito ay gagamitin naman ng City Government sa pagbili ng mga lupain na pagtatayuan ng mga bagong pabahay sa mga target beneficiaries o mga OFWs.

Maliban sa bagong bahay, tumanggap din ng food packs ang 179 beneficiaries mula naman sa City Social Welfare and Development Office.

Samantala, maglalaan naman ng abot sa P2M  pondo ang NHA para naman sa electrification ng OFW Village.

Pinag-uusapan na ngayon nina Mayor Evangelista at Vice Governor Mendoza ang pagpapatayo ng isa pang Pabahay Program sa Barangay Amas Kidapawan City sa lalong madaling panahon. ##(CIO)

KIDAPAWAN CITY – PINANGUNAHAN NG City Government of Kidapawan ang pagdiriwang ng International Women’s Day kahapon, March 8, 2022.

Muling kinilala ng Lokal na Pamahalaan ang mahahalagang kontribusyon ng mga kababaihan sa patuloy na paglago pa ng lungsod na siyang pinaka highlight ng okasyon.

Sa kanyang mensahe, sinabi ni City Mayor Joseph Evangelista na hindi matatamo ng Kidapawan City ang kaunlaran nito kung walang nai-ambag ang mga kababaihan.

Bilang pagsuporta na rin sa mga kababaihan, nabigyan ng tulong pangkabuhayan ang mga Women in Distress and Crisis Situation na unang isinabatas ng Sangguniang Panlungsod.

Maliban kay Mayor Evangelista, naging panauhin din si Cotabato Vice Governor Emmylou Talino- Mendoza na may akda ng Gender Code of Cotabato na naglalayung palaguin pa ang women empowerment sa lalawigan.

Nagkaisang nagdiwang ang iba’t-ibang women’s organizations sa lungsod sa Women’s Month.

Ito ay kinapapalooban ng Kalipunan ng Liping Pilipina o KALIPI, Rural Improvement Club, Mother’s Club, Cotabato Indigenous People Women’s Association o CIPWA, Kidapawan City IP Women Federation, Pantawid Pilipino Women, Bangsamoro Women, Solo Parent Women’s Group, VAWC Survivors, Child Development o Day Care Workers, PWD Women’s Group at ang grupo ng mga kalalakihang napapabilang sa Men Opposed Against VAWC.

Dagdag din sa okasyon ang oath taking ng mga opisyal ng Local Council for Women o LCW na ibinigay ni Mayor Evangelista.

Nagsagawa rin ng libreng medical check-up para sa mga kababaihan ang With Love Jan Foundation Incorporated samantalang nagbigay din ng lecture sa mga batas na may kaugnayan sa women empowerment and rights protection si City Prosecutor Atty. Romeo Rodrigo sa okasyon.

May pacontest din na inorganisa ang City Government kung saan ay nagpakitang gilas ng kanilang mga talento sa pagsasayaw, at pag-awit ang mga kababaihan. ##(CIO/JSC/lkro)

KIDAPAWAN CITY – PINABIBILISAN na ng City Government of Kidapawan ang accreditation ng City Slaughterhouse mula sa National Meat Inspection Service o NMIS.

Sa ilalim ng accreditation ng NMIS, mangangahulugang malinis, mataas ang kalidad at ligtas na kainin ang karneng manggagaling sa pasilidad na ibebenta naman sa Mega Market, ayon kay City Mayor Joseph Evangelista na nagbigay ng kanyang mensahe sa mga butchers o nagkakatay ng karne na taga Kidapawan City na dumalo sa orientation na pinangunahan ng ahensya at ng Office of the City Veterinarian noong March 4, 2022.

Ang orientation ay pauna lamang sa mga requirements para ma-accredit ng NMIS ang City Slaughterhouse.

Tinuruan ng NMIS ang mga butchers sa tamang pagkatay ng karne ng baboy, baka at kambing sa pasilidad na matatagpuan sa Barangay Kalaisan ng lungsod.

Kinakailangan nilang pumasa sa pagsusulit na ibibigay ng NMIS upang makamit ang unang phase ng accreditation kung kaya’t hinihikayat sila ni Mayor Evangelista na seryosohin ang training.

Maliban kay Mayor Evangelista, dumalo rin sa naturang aktibidad sina NMIS Regional Technical Operation Center 12 Dr. Roberto Umali at si City Veterinarian Dr. Eugene Gornez.

Nagkakahalaga ng mahigit sa P10M ang bagong City Slaughterhouse na pinondohan ng City Government, NMIS at ng Department of Agriculture o Da, ayon sa pamunuan ng Office of the City Veterinarian.##(CIO/JSC/lkro))

KIDAPAWAN CITY – ISINAGAWA ng Commission on Elections o COMELEC ang Solidarity Forum, Candidates Briefing at Vote Counting machine o VCM Roadshow sa lungsod.

Layunin nito na ipagbigay alam sa lahat ng mga tumatakbo sa local positions sa lungsod pati na sa mga bayan sa Lalawigan ng Cotabato sa mga tamang gagawin para sa makamit ang malaya, maayos, mapayapa, patas at kapani-paniwalang halalan ngayong May 9, 2022 National and Local Elections. 

Ginanap naturang aktibidad sa City Convention Center nitong umaga ng March 1, 2022

Nanguna sa pagbibigay ng impormasyon si Kidapawan City Comelec Election Supervisor Angelita Failano at mga opisyal ng ahensya mula sa Provincial at Local Comelec, Department of the Interior and Local Government, Bureau of Internal Revenue, Department of Education, Armed Forces of the Philippines, Philippine National Police at ang City Health Office.

Ipinaliwanag ng mga resource speakers ang nilalaman at kahalagahan ng RA 9006 o Fair Elections Act tulad ng tama o wastong pangangampanya, tamang sukat ng campaign posters at paraphernalia, political ads sa radyo at TV, tamang pangangampanya gamit sa social media lalo na ang Facebook pagtatalaga ng common poster areas.

Kabilang din sa tinalakay ang intimidation o panananakot sa mga supporters at botante, pagpapasa ng Statement of Contributions and Expenditures o SOCE at ang pagsunod na mga itinatakdang anti-COVID-19 protocols.

Ipinagbigay alam din ng Comelec ang operasyon ng Vote Count Machines o VCM na gagamitin sa casting at counting of votes sa araw ng halalan.

Nabigyan ng pagkakataong bumoto ang mga dumalo sa aktibidad sa mock election kung saan ay inalam ang kapasidad ng VCM sa pagbibilang ng boto.

Pumirma naman sa isang Solidarity Pledge para sa mapayapa at malinis na halalan ang mga dumalong local candidates at supporters matapos ang open forum ng aktibidad.

Pinasalamatan ng COMELEC at ng mga partner agencies kabilang na ang PPCRV at mga local candidates sa pagbibigay ng oras para sa forum.

Patunay lamang ito na tumatalima sa itinatakda ng batas ang mga dumalong kandidato sa Solidarity Forum at Candidates Briefing.##(CIO/JSC/lkro)

KIDAPAWAN CITY – MAS pinabilis pa ngayon ng City Governent of Kidapawan ang pagsasa-ayos ng mga kalsada lalo na sa malalayong barangay ng lungsod.

Nitong umaga ng March 1, 2022, ay ginanap sa City Pavillon ang blessing and turn over ng anim na mga Volkswagen Six Wheeler Dump Trucks bilang mga karagdagang equipment ng City Government para sa Road Rehabilitation Projects..

Pinangunahan ni City Mayor Joseph Evangelista kasama ang mga miyembro ng Sangguniang Panlungsod Ng Kidapawan at mga Department Heads ng City Government ang mga bagong trucks sa City Motorpool Division na siya namang magpapatakbo sa mga nabanggit na trucks.

Ang mga bagong dump trucks ay pauna lamang sa walong mga bagong equipment na gagamitin ng City Government para matugunan ang kahilingan ng mga residente lalo na sa mga kanayunan na magkaroon ng maayos na daan.

Nagkakahalaga ng mahigit sa P73 million ang walong mga brand new heavy equipment kung saan ay nauna ng dumating ang anim na Volkswagen Dump Trucks.

Inaasahan naman ang pagdating ng dalawa pang six-wheeler heavy duty trucks na tutulong din sa pagsasaayos ng mga daan sa iba’t ibang barangay pati na sa sentro ng lungsod.##(CIO/JSC/lkro)

KIDAPAWAN CITY (February 24, 2022) – ISANG van na puno ng produktong gulay mula sa mga vegetable grower ng Lungsod ng Kidapawan ang bumiyahe kahapon patungong Lalawigan ng Bukidnon at Cagayan de Oro City.

Ayon kay City Agriculturist Marissa Aton, layon ng hakbang na ito ay mas mapalakas pa ang produksyon at kita ng mga vegetable growers sa lungsod partikular na ang mga magsasaka mula sa mga Barangay ng Malinan, Amazion, at Gayola.

Kabilang sa mga iniluwas o send-off ng mga bagong ani at preskong gulay ay talong, ampalaya, upo, kalabasa, pechay, broccoli, at pipino o katumbas ng 2,033 kilos ng gulay na bibilhin ng mga vegetable wholesalers sa nabanggit na mga lugar.

Sinabi ni Aton na sapat ang supply ng gulay sa lungsod at hindi magkukulang ang mga paninda sa mega market at mga talipapa ganundin sa iba pang outlet tulad ng bagsakan kahit pa mag-transport ng gulay patungo sa ibang rehiyon.

Mas makabubuti nga raw ito para sa mga magsasaka o local vegetable growers dahil sa mas lalawak ang kanilang market opportunity sa pamamagitan ng karagdang buyers o link sa mga buyers, dagdag pa ni Aton.

Una ng sinabi ni City Mayor Joseph A. Evangelista na patuloy ang suporta ng City Government of Kidapawan sa agriculture sector na kinabibilangan naman ng mga local farmers, fisherfolks, livestock raisers, at fruit growers.

Katunayan, ang City Government na ang bumili sa nabanggit na mga gulay bilang bahagi ng cost recovery program at marketing assistance sa mga vegetable grower kaya wala ng middle man sa pagbenta ng mga produkto. 

Bahagi ito ng layuning mapalakas ang food supply at food sustainability ng Lungsod ng Kidapawan sa harap na rin ng nagpapatuloy na pandemiya ng Covid-19 kung saan maraming mga farmers ang naapektuhan. (CIO-jscj/if/aa

KIDAPAWAN CITY (February 21, 2022) – ANIM na mga kooperatiba ang makatatanggap ng tig P200,000 o kabuuang P1.2M na pautang mula sa City Government of Kidapawan.

Ito ang ipinahayag ni Kidapawan City Mayor Joseph A. Evangelista sa kanyang pakikipag-usap sa mga opisyal at miyembro ng mga kooperatiba sa session hall ng Liga ng mga Barangay, alas-onse ng umaga ngayong araw ng Lunes kung saa dumalo rin sa pulong si ABC President at Ex Oficio Morgan Melodias.

Mula ito sa Livelihood Fund ng City Government na naglalayong

tulungan ang mga kooperatiba sa pamamagitan ng pagbibigay ng dagdag na pondo, ayon kay Mayor Evangelista.

Kabilang ang mga sumusunod na kooperatiba sa makikinabang sa hakbang kung saan nakapagsumite na rin ng kani-kanilang project proposal – AGJOAN Multi-Purpose Cooperative (Barangay San Isidro), Birada MPC (Barangay Birada), Kidapawan pangkabuhayan Marketing Cooperative (Barangay Poblacion), Macebolig Farmers MPC (Barangay Macebolig), Stanfilco Kidapawan Consumer Cooperative (Barangay Sudapin), at Sumbac MPC (Barangay Sumbac).

Lahat sila ay naglalayong gamitin ang matatanggap na pondo bilang dagdag o additional capital for consumer store at dagdag na pautang na rin para sa mga miyembro.

Agad ding sinimulan ng mga representante ng naturang mga kooperatiba ang pag-comply sa mga requirements na hinihingi ng City Cooperative Development Office o CCDO.

Maliban sa Project Proposal, ilan din sa mga kailangang isinumite ay Letter of Intent, Certificate of Registration, Audited Financial Statement (3 years), Board Resolution at iba pa.

Kaugnay nito, hinikayat ni City Cooperative Officer Dometillo B. Bernabe ang mga beneficiaries na isumite na agad ang mga requirements sa kanilang opisina upang ito ay masur isa lalong madaling panahon.

Samantala, ipinanukala naman ni Mayor Evangelista na amiyendahan ang Executive Order 058 o ang Livelihood Fund Management Committee sa layuning mapabilis ang ayuda o tulong sa mga kooperatiba sa lungsod.

Binigyang-diin ng alkalde na isa sa mga nakikitang pagbabago sa ordinansa ay kung mahusay naman ang performance ng isang kooperatiba sa loob ng isang taon ay hindi na kailangang mag-antay pa ito ng tatlong taon bago makinabang sa pautang o ayuda ng City Government. (CIO-jscj/if)

KIDAPAWAN CITY (February 21, 2022) – MAGSISIMULA na ang extended limited face-to-face classes sa abot sa 27 pampublikong paaralan sa lungsod sa darating ng February 28, 2022.

Ito ang ipinahayag ni Kidapawan City Mayor Joseph A. Evangelista sa Inter-Agency Task Force for COVID-19 at Health Cluster meeting na ginanap sa City Mayor’s Conference Room alas-nuebe ng umaga.

Masayang sinabi ni Mayor Evangelista na 100% ready na ang naturang bilang ng mga paaralan para magsagawa ng face-to face classes matapos na nakapasa ang mga ito sa School Safety Assessment Tool o SSAT at iba pang requirements na itinakda ng Department of Education o DepEd at ng Department of Health o DOH.

Sinabi ng alkalde na kailangan ng bumalik ang mga bata sa paaralan para sa face-to-face learning dahil malaki ang pagkakaiba nito kumpara sa modular at blended learning.

“Ito na ang tamang panahon upang makabalik ang mga mag-aaral at mga guro sa paaralan. Tayo ay nasa Alert Level 2 na at patuloy na bumababa ang COVID-19 cases sa lungsod. Mataas din ang ating vaccination rate kaya’t tuloy tayo sa Road to Recovery”, ayon kay Mayor Evangelista.

Ang mga public schools na magbubukas ay kinabibilangan ng 18 elementary o primary – Upper Singao ES, Datu Saliman ES, RBA Sabulao, F. Suerte, Kidapawan City Pilot ES, Nuangan ES (District 1);  Malinan ES, Amas CES, Gayola ES, Onica ES, Patadon ES, San Roques ES, Katipunan ES, Amazion ES (District 5); Mateo ES (District 4); Kalasuyan ES, Lanao CES, Singao IS (District 3); at 9 na high-schools o secondary – Amas NHS, Juan L. Gantuangco, SAT (District 4); Spottswood NHS, Kalaisan NHS, Saniel NHS (District 3); Manongol NHS, Ginatilan NHS, Mt. Apo NHS – Balabag Ext., Mt. Apo NHS (District 2), ayon naman kay City Schools Division Superintendent Natividad Ocon.

Binigyang-diin ni Mayor Evangelista na walang anumang hihingiing kontribusyon ang mga paaralan sa mga magulang o mga mag-aaral sa pagsisimula ng face-to-face classes.

Ito ay matapos magpalabas ng P5.3M na pondo ang City Government of Kidapawan mula sa Special Education Fund o SEF para gamitin sa mga essentials at iba pang mahahalagang requirements kaugnay ng pagsisimula ng klase.

Una ng nagsumite ang bawat paaralan ng kanilang request base na rin sa kanilang pangangailangan o sa COVID-19 response at mga karagdagang facilities sa loob at labas ng paaralan upang matiyak ang kaligtasan ng mga guro, mag-aaral, at mga magulang.

Hindi na rin dapat mag-alala pa ang mga guro at magulang sa maintenance ng mga paaralan dahil maglalagay ang City Government ng 10 workers bawat paaralan na tatanggap ng sweldo sa pamamagitan ng Tulong Panghanapbuhay sa Ating Disadvantaged at Displaced Workers o TUPAD, sinabi pa ni Mayor Evangelista.

Matatandaang apat na mga paaralan sa Kidapawan City ang una ng nagsagawa ng limited face to face classes at ito ay kinabibilanbgan ng Paco National High School, Kidapawan City National High School, at Northwest Hillside School at naging matagumpay sa kabuuan ang limited face-to-face classes sa loob ng halos 4 na buwan. 

Kaugnay nito, hinikayat ng alkalde ang lahat ng sektor na patuloy na magtulungan at magkaisa lalo na sa kampanya laban sa COVID-19.

Partikular niyang ipinanawagan ang palaging pagsunod sa minimum health standards at iba pang mga pag-iingat upang hindi na kumalat pa ang COVID-19.

Bilang panghuli, ipinahayag din ng alkalde na inaasahang magbubukas din para sa extended limited face to face classes ang karagdagang 40 bago matapos ang buwan ng Marso, 2022. (CIO-JSCJ/IF)