P400 PTA Subsidy ipatutupad ni Mayor Evangelista pagsapit ng school year 2019-2020
KIDAPAWAN CITY – ITATAAS NI CITY MAYOR JOSEPH EVANGELISTA sa P400 ang Parents Teachers Association Subsidy kada estudyanteng naka enroll sa public schools pagsapit ng school year 2019-2020.
Nais ni Mayor Evangelista na gawing magaan para sa mga magulang na pag-aralin ang kanilang mga anak sa public schools.
Ito ay pasasalamat na rin ng alkalde sa aktibong suporta ng mga magulang sa pagsusulong ng kanyang Education, Health and Nutrition programs sa mga pampublikong paaralan.
Ito ay mas mataas kumpara sa P300 na PTA subsidy sa kasalukuyan.
Sa pamamagitan nito ay halos malilibre na ang mga bayarin ng mga estudyante sa enrollment mula sa kindergarten hanggang senior high school sa mga pampublikong paaralan.
Tinatayang mahigit sa 36,000 na mga mag-aaral sa mga pampublikong paaralan ang direktang makikinabang sa PTA subsidy.
Kada bata ang sakop ng PTA Subsidy, paglilinaw pa ni Mayor Evangelista.
Makakatulong din ito sa mga paaralan sa pagpapatupad ng mga proyekto ng PTA.
Nagsimulang ipatupad ang PTA subsidy sa P100 noong school year 2014-2015.
Inihayag ni Mayor Evangelista ang dagdag na PTA subsidy sa awarding ng cash incentives sa mga nanalong atleta sa SRAA Meet kamakailan lang.
Alinsunod din ang dagdag na PTA subsidy sa zero collection policy ng Department of Education.##(CIO/LKOasay)
100 graduates nagtapos sa JobStart Ph program
KIDAPAWAN CITY – EKSAKTONG ISANGDAANG GRADUATES SA ilalim ng JobStart Philippines Program ang nagtapos sa kanilang short term courses noong March 15, 2019.
Layun ng programa ng mabigyan ng trabaho ang mga out of school youths, mga hindi nakapagtapos ng kolehiyo o yaong mga nagnanais makakuha ng skills development.
Pinondohan ng Canadian Government, Asian Development Bank at ng Department of Labor and Employment ang JobStart program.
Para maisakatuparan ang JobStart, nakipagkasundo si City Mayor Joseph Evangelista sa pamamagitan ng Public Employment Services Office para mabigyan ng trabaho ang mga beneficiaries ng programa, sa mga local employers na naghahanap ng mga empleyado.
Ilan lamang sa mga local employers ay ang Auto Haven Inc, D Farmhaus Picnic Grove and Garden Resort, Institute for Motorbikes and Auto Mechanics Inc; Kidapawan Technical School and Training Center, GS Ferrolino Construction and Supply; North Point College of Arts and Technology; DOLE Stanfilco at iba pang partner employers.
Libre para sa mga beneficiaries ang six month training na ibinigay ng kanilang mga employers na may kaakibat pa na allowances.
Matapos ang training ay pwede na silang i-hire mismo ng employer kapag pumasa sa assessment ng Technical Education and Skills Development Authority.
May matatanggap na National Certification o NC 2 Eligibility mula sa TESDA ang pumasa sa assessment ng ahensya.
Ginanap ang graduation ceremony ng 100 JobStart graduates sa City Convention Center.
Ito ay dinaluhan ng mga kaanak ng mga graduates at mga dignitaries mula sa DOLE 12, TESDA, Asian Development Bank, Kidapawan City Government at mga partner employers.##(CIO/LKOasay)
Photo caption : JOBSTART GRADUATE: personal na iniabot ni DOLE 12 Regional Director Sisinio B. Cano ang Certificate of Completion ng isa sa mga graduates ng JobStart Ph noong March 15, 2019.(CIO Photo)
Mayor Evangelista hindi gagamitin sa politika at ipauubaya sa tamang ahensya ang pagbibigay tulong sa mga sinalanta ng El Niño
KIDAPAWAN CITY – HINDI magagamit sa pamomulitika ang pinaplanong relief distribution ng City Government sa deklarasyon ng state of calamity sa lungsod bunga ng El Niño.
Ito ang pagbibigay linaw ni City Mayor Joseph Evangelista lalo pa at inaasahang mahahagip ng kampanya sa local positions ang distribution ng relief assistance sa mga naapektuhang pamilya at komunidad.
Kahit pa nga noong 2016 Elections na panahon din na nanalasa ang EL Niño at kahit wala siyang katunggali, hindi sumali at nagpakita si Mayor Evangelista sa mga relief distribution bilang pagtalima sa batas at pagpapakita ng delikadesa sa mga mamamayan.
Bagamat March 29, 2019 pa magsisimula ang kampanya, hindi niya pakikialaman ang pagbibigay ng tulong.
Bagkus, ipauubaya na lang niya ito sa CSWDO, CDRRMO at sa Philippine Red Cross ang pamamahagi ng tulong na kinabibilangan ng bigas, de-latang pagkain, instant noodles at iba pa.
Mahigpit na ipinagbabawal ng RA 10121 at ng Comelec ang pagsali ng mga politiko sa relief assistance.
Kaugnay nito ay umabot na sa mahigit limampu at tatlong milyong piso ang naitalang damyos sa mga pananim ng unang tatlong barangay na nagdeklara ng state of calamity sa lungsod.
Ang mga ito ay ang Macebolig, Malinan at Patadon.
Patuloy naman ang pagbibigay ng tubig maiinom ng City Government sa mga lugar na tuyo na ang balon at malayo sa linya ng Metro Kidapawan Water District.
P13 Million ang ipapalabas na pondo ng City Government para sa relief assistance.
May P18 Million namang nakalaan sa El Niño Action Plan para sa recovery kagaya ng pagbibigay ng binhi ng palay, mais at gulay na itatanim ng mga apektadong magsasaka kapag normal na ang pag-ulan at infrastructure projects para maibsan ang epekto ng tagtuyot tulad na lamang mga water systems.
Posibleng magagamit ng City Government ang pondo sa El Niño Action Plan kapag lumampas sa tinatayang panahon ang tagtuyot para madagdagan ang relief assistance para sa mga nasalanta, pagtitiyak pa ng CDRRMC.##(CIO/LKOasay)
Livelihood programs tumulong sa pag-angat ng kabuhayan ng mga kababaihan – Mayor Evangelista
KIDAPAWAN CITY – PRAYORIDAD pa rin para kay City Mayor Joseph Evangelista ang pagbibigay tulong kabuhayan para sa sektor ng kababaihan sa lungsod.
Binigyan ng tulong ng alkalde ang mga kababaihan sa pamamagitan ng mga sustainable livelihood programs na nakatulong na mai-angat ang antas ng kanilang pamumuhay.
Muling sinabi ni Mayor Evangelista ang pagpapatupad ng mga programang pangkabuhayan sa mga kababaihan sa pagdiriwang ng Women’s Month ngayong buwan ng Marso.
Ilan lamang dito ay ang pagbibigay niya ng titulo ng lupa para sa Rural Improvement Club o RIC Women’s organization para maitaguyod ang kanilang hanapbuhay.
Matatagpuan ang lupain at gusali ng RIC sa tabi ng City Gymnasium.
Gumagawa sila ng masarap na kape at nananahi ng mga damit sa nabanggit na pasilidad.
May Beauty Salon na rin sila na matatagpuan sa Women’s Training Center sa Mega Market.
Kamakailan lang ay tumanggap ng mga makinang panghabi ng Indigenous Attire ang mga kasapi ng IP Women’s Federation ng Kidapawan City mula sa City Government.
Gagamitin ito sa paghahabi ng mga kasuotang katutubo para suotin ng mga estudyante sa kanilang klase sa mga araw ng biyernes.
May nakalaan din na kabuhayan assistance para sa iba pang tribal, indigent at moro women na ibibigay si Mayor Evangelista.
Ilan lamang ang mga nabanggit sa interventions ng City Government para mabigyan ng kabuhayan ang mga kababaihan sa lungsod.##(CIO/LKOasay)
CDRRMC recommends for declaration of state of calamity
KIDAPAWAN CITY – THE CITY DISASTER Risk Reduction and Management Council here is recommending to the Sangguniang Panlungsod for the declaration of a state of calamity in this city due to the onset of the El Niño Phenomenon.
Through CDRRMC Resolution number 05, the declaration will pave the way for City Mayor Joseph Evangelista to authorize the use of the Quick Response Fund to provide immediate relief asssistance to families adversely affected by the dry spell.
Psalmer Bernalte, CDRRM Officer confirm the said development after the members of the CDRRMC met and discussed the immediate action to be done to offset the effects of the EL Niño on March 12, 2019.
Earlier, three hard hit barangays have declared their own state of calamities after the dry spell damaged their crops and stopped the agriculture related livelihood of their residents.
These barangays are Macebolig, Malinan and Patadon.
The City Agriculture Office has reported a 35% damage on rice; 27.5% damage on corn; 37.5% for lakatan banana and 16% to other high value crops among the three viilages mentioned.
Crop damages are estimated to be more than P53 Million, according to the CDRRMC.
Relief assistance consisting of rice and canned goods will be given by the City Social Welfare and Development Office to the affected families.
Rice and corn seedlings will also be dispersed by the City Agriculture Office later to affected farmers to be planted once the normal rains come.
The CDRRMC is hoping for the immediate approval of the SP for the declaration of state of calamity within this week.##(CIO/LKOasay)
Photo Caption – State of Calamity recommended: members of the City Disaster Risk Reduction and Management Council here met and discussed the adverse effects of the El Nino Phenomenon. Initial damage to crops is reported at P53 Million. The CDRRMC will recommend to the Sangguniang Panlungsod for the declaration of state of calamity to provide immediate relief assistance to affected families.(CDRRMO Photo)
Zero rabies death naitala sa Kidapawan City sa magkasunod na apat na taon
KIDAPAWAN CITY—SA magkasunod na apat na taon, walang naitalang namatay dahil sa rabies sa Kidapawan City.
Ayon kay City Veterinarian Dr. Eugene Gornez, mas aktibo na raw kasi ang mga pet owners sa pagpapabakuna nang anti-rabies sa kanilang mga alagang aso at pusa.
Sa katunayan sa mga nakalipas na mga taon aabot sa 15, 000 mga aso at pusa ang nabigyan ng libreng anti-rabies vaccines.
Itoy matapos na ipinag utos ni Mayor Joseph A. Evangelista na paigtingin pang lalo hanggang sa mga malalayong barangay ng lungsod ang kampanya kontra rabies.
Sa katunayan, naglaag ang City Government ng P550, 000 na pondo sa taong ito para ipambili ng anti-rabies vaccines.
Samantala, target ngayong taon ng City Veterinary Office na mabigyan ng libreng bakuna kontra rabies ang may 17, 000 na mga aso at pusa.
Gagawin ang pagbabakuna sa March 30, kung saan nagtalaga nang may 68 mga vaccination stations sa kabuoan nang Barangay Poblacion.
Ngunit nilinaw ni Dr. Gornez na ang mga nais na magpabakuna mula sa mga kalapit na barangay ay hindi tatangihan ng kanilang mga tauhan.
Mas lumiit narin daw ang bilang ng mga asong pagala-gala sa lansangan dahil mas mataas na ang antas ng kaalaman ng mga pet owners hingil sa kanilang responsibilidad.
Kaugnay nito hinikayat ni Gornez ang mga pet lovers na magtungo sa kanilang tanggapan upang mag avail ng kanilang libreng bakuna konta rabies. (CIO/Williamor A. Magbanua)
Kidapawan City Tourism Officer umapelang tangkilikin ang iba pang resorts sa lungsod
KIDAPAWAN CITY—HINIMOK ni Kidapawan City Tourism Officer Joey Recemilla ang mga turista na tangkilikin din ang mga lokal na turismo ng lungsod kasunod nang opisyal na pagsasara ng Mount Apo ngayong araw (March 11).
Sinabi ni Recemilla na kahit suspendido ang taunang Apo Sandawa Climb, tuloy naman ang Apo Sandawa Festival na gagawin sa may Lake Agco Mahomanoy Resort.
Tampok sa nasabing festival ang pagpapakita nang mga kasuotan at sayaw nang mga katutubong naninirahan sa paanan ng bundok.
Maaari ring bisitahin ang boiling lake at magpakasawa sa paglalagay ng mud pack mula rito na pinaniniwalaang nakakaganda nang balat para sa mga turistang beauty conscious.
Mayroon ring mainit at malamig na pool kung saan puweding magbabad nang one to sawa .
Samantala, pinayuhan din ni Recemilla ang mga turista na nais bumisita sa Kidapawan na tangkilikin din ang Paniki Falls sa Barangay Balabag.
Nakamamangha ang tanawin doon dahil maliban sa makakapal pa ang mga kakahuyan, mayroon ding makukulay at naggagandahang mga bulaklak.
At kung suswertehin, makakakita pa nang mga wild monkeys at iba pang hayops na aali-aligid sa makapal na kakahuyan.
May mga ilog din na malinaw ang tubig na dadaanan bago marating ang kamangha-manghang talon.
Dagdag pa ni Recemilla kung nais lang naman ng mga turista na hindi na mapagod pa, may mga private resorts naman sa Kidapawan na maaring bisitahin.
Pinaka-sikat dito ang Elai Resort kung saan sa taas nang kanilang swimming pool ay naroon ang Mount Apo Airline, isang eroplano na ginawang function room ng nasabing resort. (CIO/Williamor A. Magbanua)
Photo: The cascading Paniki Falls in Barangay Balabag, Kidapawan City (Courtesy: CITY TOURISM OFFICE)
PHOTOS AND VIDEOS SEE MORE PHOTOS | SEE MORE VIDEOS
